Жапон өкмөтү жума күнү билдиргендей, Чыгыш Кытай деңизиндеги талаштуу аймакта Кытайдын газ бургулоочу кемесинын иштешине Бээжин жол бергенине расмий Токио нааразы.
Токио менен Бээжин бул деңиздеги газ кендерин чогуу иштетүүнү 2008-жылы макулдашкан, бирок сүйлөшүүлөр андан бери токтоп калды.
Жапон өкмөтүнүн баш катчысы Иошихиде Суга Токиодогу бүгүнкү басма сөз жыйынында Кытай менен Жапониянын деңиздеги чек арасы тактала элек экендигине көңүл буруп, деңиз аймагын Кытай бир тараптуу өздөштүрүп жатканы өкүнүчтүү экенин, жапон тарап Бээжинди сүйлөшүүгө чакырууну улантарын белгиледи.
2012-жылы Токио Чыгыш Кытай деңизинде Кытай да өзүнүкү деп санаган аралдар тобун мамлекеттин карамагына алганда Жапония менен Кытайдын мамилеси кескин бузулуп, бирок кийинки жылдары оңоло түшкөн. (UE)
