Сентябрдан тартып “Кеген” көзөмөл өткөрүү пункту аркылуу Каракол-Алматы-Каракол автобустук каттамдары ачылат.
Бул тууралуу кыргыз президенти Садыр Жапаровдун маалымат катчысы Аскат Алагөзов кабарлады. Маалыматка ылайык, мындай чечим эки өлкө лидери Садыр Жапаров менен Касым-Жомарт Токаевдин сүйлөшүүлөрүндө кабыл алынган.
Бул каттам жыл бою иштейт. Учурда эки өлкөнүн Транспорт министрликтери каттамды уюштуруу боюнча иш алып барып жатат.
Алагөзов 25-августтан тартып “Каркыра-унаажол” көзөмөл өткөрмө пункту күнү-түнү иштей баштаганын да кошумчалады.
Алматыдан Караколго Кеген аркылуу автобус каттамы эгемендик жылдарында иштебей калган.