"Азаттыктын" Прагадагы кеңсесинин кызматкери. Кыргыз улуттук университетинин чет тилдер факультетин аяктаган.
Мындан 10 жыл илгери 1993-жылдын 13-сентябрында Жакынкы Чыгыштагы кырдаалды жөнгө салууга багытталган Осло келишимине кол коюлган. Ошондо миллиондогон адамдар аймакта тынчтыкты орнотуу мүмкүн деп ишене башташкан эле. Бирок өткөн он жылдык ичинде жаңыдан жандана баштаган үмүт иренжүү жана ишенбөөчүлүк менен алмашты.
Жаңы окуу жылынын башында Францияда өлкөдөгү алгачкы мусулман лицейи ачылды. Бул менчик окуу жайынын ачылышын колдогондор да, каршы чыккандар да көп.
Палестин лидери Ясер Арафат премьер-министрдин кызматына парламенттин спикери Ахмед Корайини көрсөттү. Вашингтон администрациясы автономиянын жаңы кабинет башчысына көбүрөөк ыйгарым укуктар берилсин деп үндөөдө. Газа тилкесинде болсо Израил армиясынын аскерий чабуулдары улантылып жатат.
8-сентябр күнү АКШ президенти Жорж Буш өлкө калкына теле аркылуу кайрылуу жасайт. Бишкек убакытысы боюнча таңкы саат алты жарымга белгиленген кайрылуусунда Буш Ирактагы абалды стабилдештирүү иштерине БУУ көбүрөөк тартылсын деген демилгеси менен чыгат деп күтүлүүдө. Ирактын өзүндө болсо коалиция күчтөрүнө каршы кол салуулар уланып жатат.
25-августта Беларус бийликтери ОБСЕнин маалымат каражаттары боюнча өкүлү Фреймут Дувеге өлкөгө кирүү визасын берүүдөн баш тартты. Бул расмий Минск менен уюм ортосундагы биринчи чатак эмес. Акыркы кезде өлкөнүн эркин прессасына болгон кысымдын күч алышы президент Лукашенканын конституцияны өзгөртүп, үчүнчү мөөнөткө бийликте калууга мүмкүнчүлүк алууга багытталган кампания катары бааланууда.
Бириккен Улуттар Уюмунун Калк бөлүмүнүн маалыматына ылайык, ушул тапта дүйнө жүзүндөгү адамдардын саны жыл сайын 77 миллион кишиге өсүп турат. Ошол эле мезгилде, өзгөчө Европада, улгайган муун басымдуулук кылып баратканы байкалууда. Андан тышкары, шаарларга жайгашуу мурда болуп көрбөгөндөй күч алууда.
Француздар англис тилин күнүмдүк турмушта азыраак колдонууну чечишти, тарыхый космостук никелешүү үзгүлтүккө учурады, жакында майыптарды сүйүндүрүүчү жаңы робот пайда болот, даңазалуу жырткыч-балыктын сөөгү табылды, америкалык ырчы президент Бушту сындагандыгы үчүн жазаланды. Мына ушул окуялар жөнүндө бүгүнкү “Кызыктуулар дүйнөсүндө” сөз болмокчу.
Шейшембиде Кошмо Штаттардын мамлекеттик департаменти 30 мамлекет АКШ жетектеген эл аралык бейпилдик күчтөрүнүн алкагында Иракка аскер жиберүүгө макулдугун берди деп жарыялады. Байкоочулардын пикиринде, алардын көпчүлүгү БУУнун Ирак боюнча жаңы резолюциясы тез арада чыгып калаар деген үмүт менен өлкөгө символикалык гана сандагы жоокерлерин жиберип жатышат.
Филиппин өкмөтү жекшемби күнкү майнапсыз аяктаган аскерий төңкөрүш аракетине саясий колдоо көрсөткөндөр жазага тартылат деп жарыялады. Дүйшөмбүдө өлкөнүн полициясы мурдагы президент Жозеф Эстраданын жардамчысы Рамон Карденас төңкөрүшкө тиешеси бар деген шек менен кармалганын билдирди.
Европа Биримдигинин жаңы түзүлгөн бирдиктүү аскер тобу Македонияда тынчтык орнотуучу күчтөр катары алгачкы сынактан өткөн соң, ошондой эле максат менен Конгого жайгаштырылды. Эми болсо Нидерланды аларды Молдова менен Днестр бою аймагынын ич ара чатагын жөнгө салуу миссиясы менен чөлкөмгө жиберүү демилгесин көтөрүүдө.
Эми “Кызыктар жана укмуштар дүйнөсүнө” чакырабыз. Эң байыркы планетанын ачылышы, мафия - мышыкка каршы, чиркейлерди жолотпогон чөнтөк телефондор. Ушул жана башка таң каларлык жана кызыктуу окуялар менен таанышыңыздар.
Британияда “Ирак согушун ачууга кандай негиздер бар эле” деген талаш-тартыштуу маселе боюнча иликтөөлөр жүрүп жаткан кезде, бул жаңжалды ого бетер күчөткөн окуя орун алды. Жума күнү өлкөнүн коргоо министрлигинин эксперти Дэвид Келлинин сөөгү үйүнөн алыс эмес жерде табылды. Оппозициядагы консерваторлор партиясынын лидери Ян Дункан Смит болсо премьер-министр Тони Блэр Азия сапарын токтотуп, Лондонго кайтып келиши керек деген оюн билдирди.
Ооганстан менен Пакистан ортосундагы чек арада анда-санда ок атышуулар учурап жатат. Чыр-чатакты жөнгө салуу үчүн америкалык, пакистандык жана оогандык аскерий өкүлдөрдөн куралган атайын комиссия түзүлдү. Байкоочулар бул аймактагы кырдаалдын курчуп кетишин бир катар маселелер менен байланыштырып жатышат.
Жекшемби күнү Ирактын Башкаруу кеңеши алгачкы жыйынын өткөрүп, өзүн өлкөнүн өткөөл өкмөтү катары жарыялады. Жыйындын жүрүшүндө кеңеш мүчөлөрү арасында бир топ пикир келишпестиктер бар экени айкын болду. Ошентсе да, дээрлик 35 жыл өкүм сүргөн Саддамдын режиминен кийинки алгачкы өкмөттүн түзүлүшү өлкө тарыхындагы бурулуш учур катары бааланып жатат.
Жакынкы Чыгыштагы кырдаалды жөнгө салууга багытталган “жол картасы” планына ылайык, 2005-жылга карай эгемен Палестин мамлекети түзүлүүгө тийиш. Байкоочулар дээрлик 4 миллион палестин качкындарын үйлөрүнө кайтаруу жөнүндөгү маселенин чечилиши тынчтык процессинин алга жылуусун шарттайт деген пикирде.
Россиянын президенти Владимир Путин ишемби күнкү террордук чабуулга байланыштуу өзүнүн бүгүн башталаары күтүлгөн Өзбекстан, Малайзия жана Азербайжанга жасалчу иш сапарын кийинкиге жылдырганы маалымдалды. Июлдун 5инде Москванын чет жакасындагы Тушино аэродромунда рок-концерт өтүп жаткан маалда эки жанкечти аял белине курчанган бомбаларын жардырган. Бул кол салуудан улам эки террорчудан башка бейкүнөө 15 киши набыт болгон. Өлкөнүн ички иштер министри Борис Грызлов калк жыш топтошкон жерлерде коопсуздук чараларын күчөтүү жөнүндө буйрук берди.
Эми кызыктуулар дүйнөсүнө чакырабыз. Бүгүн алгачкы “хомо сапиенс” кайдан чыкканы, дүйнөдөгү эң кымбат шаарлардын тизмеси, безгек илдетине каршы күрөшүү жана башка илимий жана маданий окуялар менен тааныша аласыздар.
Кошмо Штаттарынын мурдагы президенти Билл Клинтондун жубайы Хиллари “Турмуш баяны” аталыштагы китебин чыгарды. Байкоочулар Клинтон айым күйөөсүнүн Ак үйдүн стажеру Моника Левински менен байланышы жөнүндөгү чуулгандуу окуя тууралуу эки жыл бою үн катпай, эми гана өзүнүн сырларын ачыкка чыгарып отурушун, анын 2008-жылкы президенттик шайлоого ат салышууга ниеттенип жатканынын белгиси катары баалап жатышат.
Дүйшөмбү күнү Атомдук Энергетика боюнча эл аралык агенттиктин жетекчилиги Венадагы жыйынында Ирандын өзөктүк программасына байланыштуу агенттиктин докладын угуп, аны талкуулады. Докладда шектүү жайларды текшерүү үчүн Иранга атайын инспекция жиберилиши керек деген бүтүм айтылат. Расмий Тегеран болсо өлкө атомдук технологияны тынчтык максатында пайдаланууда деп, эч кандай көзөмөлгө макул болбой турганын ырастоодо.
Ишемби күнү кечинде жөөт жана Палестин өкмөттөрүнүн расмий өкүлдөрү жолугушуу өткөрүп, региондогу курчуп кеткен кырдаалды жөнгө салуу жолдорун талкуулашты. Жакынкы Чыгыштагы кан төгүүнү токтотууга багытталган “Жол картасына” тең тарапташ болгон Бирикен Улуттар Уюмунун баш катчысы Кофи Аннан тынчтык орнотуу максатында аймакка эл аралык күчтөрдү жөнөтүү сунушун дагы бир ирет кайталады.
Дагы жүктөңүз
