"Азаттыктын" Прагадагы кеңсесинин кызматкери. Кыргыз улуттук университетинин чет тилдер факультетин аяктаган.
Бир нече сааттан кийин Эл аралык кылмыш соту Судандын президенти Омар ал-Баширди кармоо жөнүндө маселе боюнча чечимин жарыяламакчы. Ага өлкөнүн Дарфур чөлкөмүндөгү африкалык урууларга каршы багытталган тукум курут өнөктүгүн жүргүзгөн деген айып тагылып жатат.
Россия Иранды атомдук программасынан баш тарттыруу жаатында жардамдашса, АКШ Чыгыш Европада ракетадан коргонуу ситсемсын орнотуу планын кайрап карап чыгат. Адегенде россиялык “Коммерсант” гезити жазып чыккан бул кабарды кийин АКШ администрациясынын өкүлү тастыктады.
Канадалык жана британиялык илимпоздор сөңгөк клеткалар тармагында жаңы жетишкендик жөнүндө айтышууда. Эми сөзсүз эле эмбрион эмес, адамдын терисинен алынган клеткаларды өзгөртүп туруп колдонсо болот. Мурда сөңгөк клеткалар адамдын түйүлдүгүнөн алынып, бул ыкма этикалык себептерден улам бир топ сынга кабылып келген.
Ооган мамлекет башчысы Хамид Карзай августка пландалган президенттик шайлоону апрелде өткөрүү чакырыгы менен оппозициянын катуу сынына кабылды. Өлкөнүн Борбордук шайлоо комиссиясы добуш берүүнү ушул августка белгилеген.
Орусиялык укук коргоочу Виталий Пономаревдун Кыргызстанга киргизилбей калышы, дегеле адам укуктарына байланышкан өлкөдөгү соңку кырдаал тууралуу “Азаттыктын” түз ободогу суроолоруна Акыйкатчы Турсунбек Акун жооп берди.
АКШ Мамдепартаменти дүйнөдөгү адам укуктарынын абалы боюнча жылдык баяндамасын жарыялады. Анда Кытай, Россия, Түндүк Корея, Иран, Өзбекстан бийликтери укук бузууларга жол берилип жаткандыгы үчүн сындалат.
Орусиялык укук коргоочу өлкөгө киргизилбей, "Манас" аба майданынан артка кайтарылды. Буга байланыштуу "Азаттыктын" суроолоруна укук коргоочу А. Абдырасулова жооп берди.
Жүргүнчү ташыган учак Амстердамдагы Шипхол аба майданына конуп аткан жеринен кырсыкка учурады. Ушу тапта 9 кишинин өлгөндүгү жана 50 чакты жүргүнчүнүн жарадар болгондугу кабарланууда.
Журналисттердин бир катар уюмдары, адам укуктарын коргоочулардын пикиринде, Интернет акыркы кездери сөз эркиндигинин күрөш майданына айланды. Журналисттерди коргоо комитетинин маалыматына ылайык, былтыр башка маалымат каражаттарына караганда вебсайттар үчүн жазган журналисттер көбүрөөк камакка алынган.
Дүйшөмбүнүн таңында Лос Анжелесте америкалык киноакадемиянын сыйлыктары тапшырылды. Британиялык режиссер Дэнни Бойл индиялык жакыр бала жөнүндө тарткан “Алачыктагы миллионер” фильми 8 Оскарды жеңди. Кумса саясатчынын образын жараткан Шон Пенн “Милк” тасмасындагы башкы роль үчүн эң мыкты актер, ал эми Кейт Уинслет “Окурман” деген тасмадагы ролу үчүн эң мыкты актриса наамдарына ээ болушту.
Азия журналисттер үчүн эң кооптуу аймакка айланган. Мындай тыянак Эларалык Пресса институтунун (IPI) жылдык баяндамасында жасалат. Анда былтыр Азия өлкөлөрүндө кесиптик ишмердүүлүгүнө байланыштуу 26 кабарчы, фотожурналист жана редактор өмүрүнөн ажыраганы айтылат. Ал эми Борбор Азияны алсак, докладдын авторлорунун бири айткандай, эң өкүнүчтүү абал Өзбекстанда түзүлгөн.
Ирандык фотожурналист Реза Дегати дээрлик 30 жылдан бери дүйнөнүн чар тарабындагы согуш аймактарында катардагы элдин оор турмушун фотокамеранын жардамы менен чагылдырып жүрөт.
Ирактагы жергиликтүү шайлоо 31-январда өтөт. Бул жолу өлкө мурда болуп көрбөгөндөй даярдыктарга күбө болду. Коопсуздук кырдаалы жакшырганынан пайдаланып, көпчүлүк талапкерлер шайлоочулар менен түздөн түз жолугушуп жатышты. Жер жерлердеги дубалдар үгүт плакаттарына толуп калды. Кээ бир байкоочулардын айтымында, быйылкы өнөктүк 4 жыл мурунку добуш берүүдөн абдан айырмаланууда.
Орус православ чиркөөсүнүн башчылыгына митрополит Кириллдин шайланышы ар кандай бааланып жатат. Дин боюнча аналитиктердин бир даары анын келиши менен чиркөөдө бөлүнүп-жарылуу күчөйт дешсе, башкалары аны таасирдүү, улуу адам катары сүрөттөшөт. Кириллди кечээки жашыруун добуш берүүдө шайлоого катышкан динаятчылардын басымдуу бөлүгү колдогон.
Будапештте бүгүн Набукко газ кууру боюнча жыйын өтүүдө. Долбоорго ылайык, газ Жакыңкы Чыгыш менен Каспий деңизинен Европага жеткирилип турмакчы. Бул куур Россия жана Украина өңдүү өлкөлөрдү кыйгап өтөт.
Шейшембиде орус мамлекет башчысы Дмитрий Медведев мурда жарыяланбаган сапар менен Ингушетияга барып кетти. Президент жумурияттагы кырдаалды кыйын деп сыпаттап, дээрлик 30 миллиард рубль экономикалык жардам катары берилет деп убада кылды.
Бир нече сааттан кийин Вашингтондо 47 жаштагы Барак Обама Америка Кошмо Штаттарынын 44-президенти катары ант берет. Капитолийдеги аземди жеринде 2 миллиондой киши, ал эми дүйнө жүзү боюнча 1 миллиарддай адам сыналгы аркылуу көрөт деп күтүлүүдө. АКШда азыр оптимизм, көтөрүңкү маанай өкүм сүрүүдө.
Израилдин артынан Хамас тобу ок атышууну токтотууну чечти. Кыймыл жөөт армиясынын Газадан чыгарылышына 1 жума берди. Ишембиден жекшембиге караган түнкү саат 12ден тартып Израиль ок атышууну бир тараптуу түрдө токтоткон. Бирок Телавив аскерлер тилкеде азырынча кала берет деп жарыялаган.
Кабулда жан кечтинин жардыруусунан 4 киши жана америкалык бир жоокер каза тапты. Жыйырмадай жайкын тургун жана америкалык беш аскер жарадар болгонун Ооганстандын расмий өкүлдөрү билдиришти. Чыгыштагы Нангархар чөлкөмүндө жан кечтинин кол салуусу бир кишинин өмүрүн кыйды. Бул эки теракт үчүн жоопкерчиликти талиптер өздөрүнө алышты.
Израиль армиясынын операциясы Газа шаарынын жака белинде уланууда. Жөөт аскерлеринин ырастоосунда, алар шейшембиде 30 согушкерди жок кылышты. Бир нече израилдик жоокер жарадар болду. Ок атышууну токтотуу үчүн дипломатиялык аракеттер да уланууда..
Дагы жүктөңүз
