Амирбек Азам уулу

Автору Амирбек Азам уулу

• Ноябрь 16, 2005

  ПРЕЗИДЕНТ ПУТИНДИН МУРАСКЕРИ КИМ?

  Владимир Путиндин эки жакын адамынын кызматы боюнча жогорулашы, президент 2008-жылы өз ордун ээлөөчү мураскерлерди даярдай баштады деген божомол кептерди жаратты. 14-ноябрда биринчи вице-премьер болуп дайындалган Дмитрий Медведев 2000-жылкы президенттик шайлоо маалында Путиндин шайлоо штабын башкарып, 2003-жылдан бери президенттин администрациясын жетектеп келаткан. Коргоо министри Сергей Иванов дагы жогорулады. Путин сыяктуу эле эмгек жолун чалгындоо кызматынан баштаган жана анын мураскери катары айтылып жүргөн Иванов вице-премьер да болуп калды.

• Ноябрь 07, 2005

  ПАРИЖДЕН ЧЫККАН “ӨРТ” ФРАНЦИЯНЫ КАПТООДО

  Францияда он күн мурда башталган калаба дале уланууда. Өткөн түнү элирген жаштар жүздөгөн автомобилдерди өрттөштү. Тополоң ишемби күнү куптандан кийин Париждин түндүгүндөгү Лилл, чыгышындагы Страсбург, түштүгүндөгү Ниц шаарларын да коогага салды. Доминик де Вилпендин өкмөтү Түндүк африкалык мусулман жана теги африкалык ынды тургундарды тынчытуунун амалын издөөдө.

• Ноябрь 06, 2005

  ПАРИЖДЕ ТУТАНГАН ӨРТ ӨЛКӨГӨ ЖАЙЫЛУУДА

  Париждин четиндеги конуштардын биринде тогуз күн мурда башталган калабанын шоокуму башкалаадан тыш жактагы Ренне жана Нант шаарларына да жетти. Соңку бир күндө албууттанган жаштар 750дан ашык автомобилди, айрым дүкөндөр менен кампаларды өрттөгөнү, полиция 200дөн ашуун адамды камакка алганы кабарланды. Тополоңду басуунун жолдору француз өкмөтүнүн ишемби күнкү кезексиз жыйынында талкууланды.

• Ноябрь 05, 2005

  АЗЕРБАЙЖАН: ММК ШАЙЛОО АЛДЫНДА ӨКМӨТТҮН ТАРАБЫН АЛДЫ

  6-ноябрь - Азербайжанда парламенттик шайлоо күнү. Оппозиция менен өкмөт ортосунда курч жүрүп жаткан саясый эрөөлдөгү маалымат каражаттарынын мааниси эбегейсиз зор. Буга мурдагы финансы министри Фикрет Исуповдун өкмөттүк телеканалдан ал жана оппозиция жетекчилери өкмөткө каршы кутум уюштурдук деп чыкканы айкын далил болду. Оппозиция кутумдан бейкабар экенин айтканы менен, аброюна доо кетти. Өкмөт калыстыкка чакырса да, өкмөтчүл маалымат булактары оппозицияны дембе-дем каралаган кабарларды берүүдө.

• Ноябрь 04, 2005

  ЦРУнун ЕВРОПАДА ЖАШЫРУУН АБАК ЖАЙЛАРЫ БАР ЭКЕНИ ЫРАСТАЛАБЫ?

  Кошмо Штаттардын Борбордук чалгындоо кызматы - ЦРУнун Чыгыш Европада “ал-Каидачы” деп шектелген адамдарды кармоочу жашыруун абак жайлары бар деген кабар Европа өлкөлөрүн ызы-чууга түшүрдү. Кээ бир өлкөлөр андай түрмөлөрдөн кабары жок экенин билдиришсе, Евробиримдик атайын иликтөө жүргүзмөк болууда. Адам укугун коргоочу уюмдар өздөрүндө болгон маалыматтарга таянып, Польша менен Румынияда АКШнын жашыруун кызматынын абакканалары бар экенин ырасташты.

• Ноябрь 04, 2005

  АКШ ТУТКУН ТЕРРОРЧУЛАРДЫ ТЫШ ӨЛКӨЛӨРДӨ КАРМАЙБЫ?

  Кошмо Штаттары террорчулар деп шектелген адамдарды кармоо үчүн глобалдык түрмө системасын түзгөн деген маалыматты ырасмий Вашингтон байкамаксан болуп, эч кандай түшүндүрмө бере элек. “Washington Post” гезити 2-ноябрдагы санында бул системага Тайланд, Ооганстан, Чыгыш Европа болуп, сегиз өлкөдөгү абак жай киргенин жазган эле. Бул маалымат АКШ өкмөтүнүн Ирак жана Ооганстанда туткунга алынган адамдарга болгон катаал мамилесине катуу сын пикирлер айтылып жаткан тушта жарыяланды.

• Октябрь 28, 2005

  САДДАМ ОРУСИЯЛЫК КОМПАНИЯЛАРГА ЭМНЕ ҮЧҮН АРТЫКЧЫЛЫК БЕРГЕН?

  АКШнын борбордук банкынын мурдакы төрагасы Поль Уолькер башындагы көз карандысыз комиссиянын билдиришинче, орусиялык саясатчылар менен фирмалар Улуттар Уюмунун “Мунай ордуна азык түлүк” программасына катышуу үчүн Саддам Хусейндин режимине чоң өлчөмдөгү акча беришкен. Уолькердин сөзүнчө, мунай жана гумманитардык келишимдерге жетүү үчүн бул сындуу “паракорчулукка” түрдүү өлкөлөрдөн 2 миңден ашуун компания барган. Бирок алардын ичинен орусиялыктар өзгөчө айырмаланган.

• Октябрь 28, 2005

  ЛЕХ КАЧИНСКИ ПОЛЬШАНЫ КАЙСЫ БАГЫТКА БУРАТ?

  Байкоочулар жекшемби күнү Польшанын президенти болуп шайланган Лех Качинскини америкачыл, антироссиячыл жана Германияга карата астейдил деп мүнөздөшөт. Бул шайлоо өнөктүгү учурундагы Качинский. Андыктан, Польша Чыгыш коңшуларындагы демократияны дагы бекем колдоп, Москва-Берлин ортосунда түзүлгөн газ боросунун курулушу жөнүндөгү келишимге каршы туруп, Евробиримдик менен Россияга бир кыйла түйшүк алып келет, деп боолгошот талдоочулар. Бирок шайлоо өнөктүгү “өттү-кетти”, өкмөт карманчу саясат “турмуш чындыгына” таянып жүрбөсүн?

• Октябрь 26, 2005

  АКШ ПРЕЗИДЕНТИНИН КАЙРЫЛУУСУ КОЛДОО ТАБАБЫ?

  Кошмо Штаттарынын президенти Жорж Буш Улуттар Уюмуна кайрылып, Ливандын мурдакы премьер-министри Рафик Хариринин өлүмү үчүн Сириянын бийлик өкүлдөрүн жоопко тартууга чакырды. Улуттар Уюмунун башкы тергөөчүсү Детлев Мехлис шейшемби күнү Коопсуздук Кеңешине тапшырган иликтөөдө Хариринин өлүмүнө Сирия менен Ливан бийликтеринин катыштыгы бар деген шектенүү айтылган. Жардырууда Харири жана башка 20 адам набыт болгон.

• Октябрь 25, 2005

  КРИВОРОЖСТАЛЬ 4,8 МИЛЛИАРД ДОЛЛАРГА САТЫЛДЫ

  Украинанын эң чоң металлургиялык комбинаты- Криворожсталь ачык өткөрүлгөн аукциондо 4 миллиард 800 миллион долларга сатылды. Ишкананын жаңы ээси Нидерландиянын Mittal компаниясы дүйнөдөгү болот эритүүчү эң чоң эки ишкананын бири. Криворожсталь 2004-жылы Украинанын ал кездеги президенти Леонид Кучмага жакын өнөр жай тобуна 800 миң долларга сатылып, бирок кийин соттун чечими менен келишим мыйзамсыз деп табылган.

• Октябрь 24, 2005

  БЭЭЖИНДЕ КУШ ТУМООСУНА КАРШЫ КҮРӨШ БАШТАЛДЫ

  Апта соңунда Кытайдын байтакты Бээжинде куштардын сасык тумоосуна каршы катаал чаралар көрүлдү. Ветеринар адистер тоок, өрдөк жана башка бакма канаттуулар өстүрүлчү фермаларды, жеке кожолуктарды жана келгин куштар токтоочу жайларды жапырт текшеришип, коркунучтуу илдеттин алдын алуунун аракетин кыла башташты. Мындай чара өлкө түндүгүндөгү Ички Монголиядагы фермалардын биринде канатуулар сасык тумоосунан 2600 тоок өлүп, башка дагы 91 миң тоок-каз жок кылынгандан кийин кабыл алынды.

• Октябрь 21, 2005

  СИРИЯ ЖАРГА ТАКАЛУУДА...

  Ливандын мурдакы өкмөт башчысы Рафик Харирини өлтүрүүгө Ливан менен Сирия жетекчилигинин катыштыгы бар. Улуттар Уюмунун тергөөчүлөрү 16-июндан бери чогулткан далилдерге таянышып, ушундай жыйынтыкка келишти. Харири 14-февралда Бейрутта катуу жардыруудан курман болгон. Тергөөчүлөрдүн айтымында, мындай чоң жардырууну бир-эки адам эмес, жакшы даярданган топ гана уюштурушу мүмкүн. Германиялык тергөөчү Детлев Мехлис башындагы тергөөчүлөр даярдаган билдирүүнү Улуттар Уюмунун Коопсуздук кеңеши 25-октябрда талкуулайт.

• Октябрь 20, 2005

  ПРЕЗИДЕНТ БУШ: АК ҮЙДҮН КИТЕПКАНАСЫНА КУРАН АЛДЫРЫЛДЫ

  Ырасмий Вашингтон соңку жылдары ислам дүйнөсү менен болгон мамилесин жакшыртууга астейдил аракет кылып келет. Анын бир мисалы катары президент Жорж Буш Ак Үйдө ислам өлкөлөрүнүн элчилери жана мусулман жамааттарынын башчылары үчүн 17-октябрда өткөргөн иптарды айтса болот. АКШ президенти ооз ачыруу аземинде жаш муун үчүн мусулман маданиятын, тарыхын жана каада-салттарын үйрөнүү өтө маанилүү экенине көңүл буруп, Кураны Керимди алгач ирет Ак Үйдүн китепканасына алдырылганын сыймыктана айтты.

• Октябрь 16, 2005

  ИРАК: КОНСТИТУЦИЯНЫН ДОЛБООРУ КОЛГО САЛЫНДЫ

  Ирак бийликтери өлкөнүн жаңы Конституциясынын долбоорун кабыл алуу боюнча ишемби күнү болгон жалпы элдик референдумдун добуштарын эсептешүүдө. Референдумга 10 миллион чамалуу шайлоочу катышты деп маалымдалды. Непада Ирактын 18 провинциясынын үчөөндө калктын үчтөн экиси “жок” десе, Ирактын жаңы Конституциянын долбоору бекитилбей калат. Добуш берүүнүн толук жыйынтыгы дүйшөмбү күнү жарыяланып калышы ыктымал.

• Октябрь 15, 2005

  ИРАНДЫН ӨЗӨКТҮК ПРОГРАММАСЫ АКШ МЕНЕН ОРУСИЯНЫ КАЙРА ЖИКТЕДИ

  “Иран ядролук программанын үстүнөн иштөөгө акылуубу?” деген суроого АКШ жана Орусия мурдакыдай эле эки башка көз карашта экенин, Кошмо Штаттардын Мамлекеттик катчысы Кондолиза Райс айымдын Москвадагы сапары дагы бир ирет айгенеледи. Орусиянын тышкы иштер министри Сергей Лавров америкалык коллегасы менен болгон кездешүүдөн кийин, Иран уранды тынчтык максатында байытууга акылуу экенин жактап, талаштуу суроону Атомдук энергия боюнча эл аралык агенттиктин алкагында жөндөөгө чакырды.

• Октябрь 12, 2005

  АКШ ООГАН ЭЛИН БИР КЕЗДЕГИДЕЙ ЖАЛГЫЗ КАЛТЫРБАЙТ

  АКШнын Мамлекеттик катчысы Кондолиза Райс 12- октябрда Кабылда бир күндүк ырасмий сапар менен болду. Райс айым президент Хамид Карзай жана башка ырасмий адамдар менен кездешүүдө, Кошмо Штаттары Ооганстандын узак мөөнөттүк өнөктөшү экенин белгилеп, Вашингтон бир кезде Ооганстанды жалгыз калтырып, жаңылыштык кылганын айтты. Ошондой эле сентябрда Ооган жеринде өткөн парламенттик шайлоого жогорку баасын берди.

• Сентябрь 25, 2005

  ВАШИНГТОНДО ИРАК СОГУШУНА КАРШЫ ИРИ ДЕМОНСТРАЦИЯ ӨТТҮ

  Ишемби күнү Вашингтондо Ирак согушуна каршы 100 миңдей адам катышкан демонстарция өттү. Бул 2,5 жыл мурда Ирак согушу башталгандан бери урушка каршы АКШда өткөн эң чоң акция болду. Байкоочулар 1960-жылдардагы жана 70-жылдардын баш чениндеги Вьетнам согушуна каршы болгон нааразычылык акцияларына негизинен студенттер менен жаштар катышса, ишемби күнкү демонстрацияга түрдүү жаштагы америкалыктар катышканын белгилешти. Ишемби күнү согушту жектеген жүрүштөр Лондондо, Парижде, Сан Францискодо жана Лос Анжелесте да өттү.

• Сентябрь 25, 2005

  ДҮЙНӨЛҮК БАНК ИРАНГА 1,3 МИЛЛИАРД ДОЛЛАР БЕРЕТ

  Дүйнөлүк банктын адистеринин айтымында, Иран эл аралык базарда мунайдын кымбаттаганынан пайдаланып, олуттуу экономикалык проблемаларын чечип алган жок. Андыктан, банктын эксперттери Иранды мунай кирешеси көбөйгөнүнө карабай, узак максатуу саясый-экономикалык реформаны көз жаздымында калтырган региондогу көпчүлүк өлкөлөрдүн катарына кошушат. Бул маселе Дүйнөлүк банк менен Эл аралык валюта корунун Вашингтондо өтүп жаткан жылдык жыйынында да каралмакчы.

• Сентябрь 15, 2005

  ПАКИСТАН ӨКМӨТҮ МЕДРЕСЕЛЕРДИ ТАРТИПКЕ САЛАТ

  Пакистан өкмөтү диний экстремизмди тыйуу максатында август айында диний медреселердин жыл аягына чейин каттоодон өтүүсүн талап кылган чечим кабыл алды. Мөөнөтүндө каттоодон өтпөгөн медреселер жабылат. Ошондой эле, медреселердин ишмердүүлүгү текшерилип, каржы булактары да аныкталат. Ал эми чет элдик талабалар өлкөдөн чыгып кетиши шарт. Пакистандын диний мектептер уюмунун ассоциациясы өкмөттүн чечимин мектептерди кысмакка алуу катары баалады.

• Сентябрь 11, 2005

  11-СЕНТЯБРЬ КЫЙРАКАНЫ ДАЛЕ БАЛДАРДЫН ТҮН УЙКУСУН БУЗУУДА

  Жекшемби, 11-сентябрда Кошмо Штаттардын шаарларына жасалган аба чабуулдарына төрт жыл болду. 3 миңдей адамдын өмүрүн алган каран күндө бирөөлөр өмүрлүк жарын жоготсо, экинчи бирөөлөр аталарынан ажырашкан. Дүйнөлүк соода борборуна террорчулар жасаган чабуулдан коркуп, дале анын коркунучу менен жашаган балдар Нью-Йоркто 3 миңге чукул. Кыйркандын элеси жүрөгүн козгоп, психикасы бузулган балдарды дарылоо али да улантылууда

Дагы жүктөңүз