Амирбек Азам уулу

Автору Амирбек Азам уулу

• Март 17, 2005

  ИРАКТЫН УЛУТТУК АССАМБЛЕЯСЫ БИРИНЧИ СЕССИЯСЫН ӨКТӨРДҮ

  Шаршемби күнү Ирактын улуттук ассамблеясы биринчи сессиясына чогулду. АКШлык аскерлер баштаган күчтөр эки жыл мурда Иракка басып киргенден бери биринчи ирет өткөрүлгөн демократиялык шайлоодон бери алты жума өттү. Бирок шийит арабдар менен күрт партияларынын жетекчилиги жаңы өкмөттүн курамы боюнча мунасага келе элек. Андыктан көпчүлүк байкоочулар сессия ырасмий жөрөлгө катары өткөнүн айтышууда.

• Март 16, 2005

  КУРУЛУШ ӨНӨР ЖАЙЫНДАГЫ ЖЕМСӨӨЛҮКТҮН СЕБЕПТЕРИ

  Дүйнө өлкөлөрүндөгү коррупцияны изилдеген Transparency International уюму үстүбүздөгү жуманын шаршемби күнү соңку докладын жарыялады. Эларалык уюмдун бул доклады бүтүндөй курулуш өнөр жайындагы кырдаалга арналган. Анткени жылына 3 триллион доллар жумуш бүткөрүлгөн курулуш өнөр жайы дүйнөлүк экономикадагы өтө коррупцияланган тармак саналат. Жемсөөлүк жумуштун сапатына эле эмес, табиятка жана адам өмүрүнө да зыян алып келет.

• Март 16, 2005

  КҮРТ ЖАНА ШИЙИТ ПАРТИЯЛАРЫ ИРАКТЫН КЕЛЕЧЕГИ ҮЧҮН КҮРӨШҮҮДӨ

  Шаршемби күнү Ирактын жаңы шайланган улуттук ассамблеясы-парламент алгачкы сессияга чогулат. Бирок Ирактын курама өкмөтүн түзүү боюнча шийит жана күрт партиялары алиге бир бүтүмгө келише элек. Сүйлөшүү уланууда. 30-январда болгон шайлоодо шийиттердин Бириккен Ирак альянсы парламенттеги орундардын теңинен көбүн жеңип алган. Ал эми күрт партиялары 27 процент добуш менен мөөрөйгө экинчи келген.

• Март 14, 2005

  АРАП ӨЛКӨЛӨРҮ ЖАНА ДЕМОКРАТИЯ

  Бирикен Улуттар Уюмунун апрелдин башында арап өлкөлөрүндөгү демократиянын абалы жөнүндө доклад жарыялайт. Анда саясый эркиндикке жана региондун өнүгүүсүнө жолто болгон жагдайларга көңүл бурулат деп күтүлүүдө. Жакында БУУда өткөн жыйында, ошол докладдын жетекчилери арап өлкөлөрүнүн калкын өкмөттү башкарууга тартуу үчүн саясый реформа жүргүзүү жана эларалык мыйзамдардын аткарылышы зарыл экенин белгилешти.

• Март 13, 2005

  ООГАНСТАН: АПИЙИМДИ МЫЙЗАМДУУ ӨСТҮРҮҮНҮН ПЛАНЫ

  Ооган апийимин медицина тармагында кандай пайдаланса болот? Дары-дармек саясатын эларалык деңгээлде изилдеген айрым бир уюмдар ооган дыйкандарына апийим өндүрүүгө мүмкүндүк берип, бирок түшүмдү морфий жана кодеин сыяктуу оорууну жеңилдетүүчү дарыларды жасоо үчүн пайдаланууну сунуш кылышты. Мисалы, башкеңсеси Парижде жайгашкан Сенлис борбору мындай чара дүйнө өлкөлөрүндөгү дары-дармекке болгон тартыштыкты кыскартууга жана Ооганстандын экономикасын өнүктүрүүгө өбөлгө берет деп санайт.

• Март 04, 2005

  ТҮРКМӨНБАШЫ ДУБАНДАРДАГЫ ООРУКАНАЛАРДЫ ЖАПМАК БОЛДУ

  Үстүбүздөгү аптада Түркмөнстандын президенти Сапармурдад Ниязов чөлкөмдөрдөгү ооруканалардын көпчүлүгүн жабуу планын жарыя кылды. Түркмөнбашынын сунушу аткарылса, кеселдер жана каары адамдар доктурга көрүнүү үчүн башкалаа Ашхабадга каттоого аргасыз болушат. Айрым байкоочулар президент Ниязовдун бу кадамы өлкөнүн ансыз деле тамтыгы чыккан саламаттык сактоо системасын биротоло кыйратып бүтөөрүн айтышат.

• Март 03, 2005

  АНГЛОКАН ЧИРКӨӨСҮНДӨ КУМСАЛАРДАН УЛАМ ЖИКТЕШҮҮ ЧЫКТЫ

  Англокан чиркөөсү бөлүнүү коркунучу алдында турат. 164 өлкөдөгү чиркөөлөрдүн башын кошкон Башкы Синоддун өткөн жумадагы жыйыныда жаңычыл либералдар менен салтчылдар бир пикирге келбей тарашты. “Кумса диниятчылар чиркөөдө калыш керекпи? Кумсаларга нике кыйса болобу?” Жаатташуунун башатында ушул эки суроо жатат.

• Март 03, 2005

  ТАЖИКСТАНДАГЫ ШАЙЛООНУН ЖЫЙЫНТЫГЫ КҮТҮҮСҮЗ ЭМЕС

  Тажикстанда жекшемби күнү болгон парламенттик шайлоонун кортундулоочу жыйынтыгы али чыга элек. Бирок, Борборшайлооком башкаруучу Элдик-демократиялык партия- ЭДП шайлоочулардын 80 процентинин алып, мөөрөйгө биринчи келгенин жарыя кылды. Партиянын төрагасы - президент Рахмонов шайлоо күнү саясый майдандан кетүү ниети жок экенин билдирген. Ошондуктан, Рахмонов башындагы ЭДПнын жеңиши өлкөгө кандай өзгөрүүлөрдү алып келиши мүмкүн деген суроону жаратат.

• Март 02, 2005

  ТАЖИКСТАНДА ПРЕЗИДЕНТТИН ПАРТИЯСЫ АЛДЫГА ЧЫКТЫ

  Тажикстанда жекшемби күнү болгон парламенттик шайлоонун кортундулоочу жыйынтыгы али чыга элек. Бирок, Борборшайлооком башкаруучу Элдик-демократиялык партия- ЭДП шайлоочулардын 80 процентинин алып, мөөрөйгө биринчи келгенин жарыя кылды. Партиянын төрагасы - президент Рахмонов шайлоо күнү саясый майдандан кетүү ниети жок экенин билдирген. Ошондуктан, Рахмонов башындагы ЭДПнын жеңиши өлкөгө кандай өзгөрүүлөрдү алып келиши мүмкүн деген суроону жаратат.

• Февраль 28, 2005

  ТАЖИКСТАНДАГЫ ШАЙЛОО СЫНГА АЛЫНУУДА

  Жекшемби күнү Тажикстанда болгон парламенттик шайлоонун алгачкы жыйынтыгы маалым болду. БШКнын билдирүүсүнө караганда, парламенттин ылдыйкы палатасына депутаттарды шайлоого 3 миллион ашуун шайлоочунун 88 проценти катышкан. Элдин добуш берүүгө жапырт чыкканын оппозициячыл партиялар да ырасташты. Бирок, төрт партия Дүйшөмбү шаарындагы шайлоонун жыйынтыгын жокко чыгарууну бийликтерден талап кылышты. Европадагы коопсуздук жана кызматташуу уюму добуш берүү демократиянын эл аралык нормаларына ылайык өтпөгөнүн билдирди.

• Февраль 28, 2005

  «ОСКАР» КАЙРАДАН КЛИНТ ИСТВУДДА

  Дүйшөмбү күнү кечинде Голливудда Америка киноакадемиясынын “Оскар” байгесин ыйгаруу аземи болду. Кино дүйнөсүндөгү өтө кадыр-барктуу сыйлык көпчүлүк билермандар жоромолдоп жаткандай “Авиатор” көркөм тасмасына тийбей калды. Болбосо, Мартин Скорзеце тарткан фильм 11 байгеге көрсөтүлгөн эле.

• Февраль 26, 2005

  АКШ БАЗАЛАРЫНА ООГАН ПАРЛАМЕНТИ ГАНА УРУКСАТ БЕРЕ АЛАТ

  АКШ-Ооганстан ортосундагы стратегиялык кызматташууга ылайык, ооган жеринде америкалык күчтөрдүн “туруктуу базалары” болгону ылайыктуу. Мындай билдирүүнү АКШлык сенатор Жон Маккейн шейшемби күнү Кабулда жасады. Ооган өкмөтү Кошмо Штаттары менен узак мөөнөттүк аскерий, экономикалык жана саясый кызматташтыкты кааларын жашырбайт. Бирок, президент Хамид Карзайдын кеңсеси туруктуу америкалык базаны ачууга Ооган парламенти макулдук бериши керек экенин маалымдады.

• Февраль 23, 2005

  КОФИ АННАН БУУну РЕФОРМАЛАГЫСЫ КЕЛЕТ

  БУУнун качкындар иши боюнча башчысы Рууд Люббер кызматчыларына сексуалдык адепсиздик кылганын танганы менен, уюм жетекчилигинин кысымы астында кызматтан кетти. Бир нече айдан бери маалымат каражаттары менен АКШ Конгресси “Мунай ордуна азык түлүк” программасынан чыккан чатакка байланыштуу БУУну реформалоо идеясын дембе-дем талап жатышкан. Люббердин кызматтан кетүүсү, байкоочулардын айтышынча, башкатчы Кофи Аннанды сындоону токтотушу керек.

• Февраль 19, 2005

  БРИТАН ДИПЛОМАТЫ ӨЗБЕКСТАНДЫ ЭҢ ЖАМАН 10 ДИКТАТОРДУК РЕЖИМГЕ КОШОТ

  Британ дипломаты Крейг Мюррей Өзбекстандагы адам укугун бузуулар кеңири жайылган көрүнүш экенин эки жыл мурда айтып, зордукчул режимге жардамдашууда деп Кошмо Штаттарды күнөөлөгөн. Мюррей ал кезде Британиянын Өзбекстандагы элчиси болчу. Ошол окуядан кийин элчи натуура жүрүм туруму, анын ичинде жумушта арак ичти деп күнөөлөнүп, Лондонго чакырып алынган. Азыр жүйөлүү жөлөкпулга жашап жаткан Мюррейдин айтымында, ал майда болчу парламенттик шайлоодо Британ тышкы иштер министри Жэк Строу менен атаандаштыкка чыгат.

• Февраль 18, 2005

  ИРАК ПАРТИЯЛАРЫ УЛУТТУК ӨКМӨТТҮН КУРАМЫН ТАЛКУУЛОГО КИРИШТИ

  Иракта 30-январда болгон жалпы элдик шайлоонун соңку жыйынтыгы жарыяланды. Ага ылайык, жаңы Улуттук ассамблеядагы орундардын теңинен бир аз көбү шииттер бирикмесине тийди. Парламенттеги экинчи чоң күч-премьер-министр Аяд Аллави башындагы күрт партияларынын блогу болот. Шиит арабдардын альянсы кубаттуу болгону менен, парламентте басымдуу көпчүлүктү түзпөйт. Ошондуктан, шииттер башка партиялардын макулдугу жок премьер-министрге өз өкүлүн койо албайт.

• Февраль 17, 2005

  ЧЕХИЯНЫН ӨКМӨТ БАШЧЫСЫ СТАНИСЛАВ ГРОССТУН ҮЙҮНҮН ЧАТАГЫ

  Чехия коомчулугу “Станислав Гросс Прагадагы үйүн кайсы акчага сатып алды?” деген суроону бир нече жумадан бери кызуу талкуулашууда. Гросс өткөн айдагы интервьюда, үйдү сатып алуу үчүн, өз каржы жетпегенден улам таякесинен 52 миң доллар карыз алганын айткан. Бирок, таякеси жетпеген акчаны жээнине “чет өлкөлүк туугандары” берди деп, көшөгөнү дагы ачты. Саясатчылар, бул окуя Чехиянын эл аралык кадыр-баркына шек келтирди дешип, Гроссту премьерликтен кетүүгө чакырышууда.

• Февраль 16, 2005

  КАЗАКСТАНДЫН ИРИ ОППОЗИЦИЯЧЫЛ ПАРТИЯСЫ «АК ЖОЛДОГУ» ЧАТАК

  Казакстандын оппозициячыл “Ак Жол” партиясынын жетекчилиги ич ара чатакташууда. Партиянын эки тең төрагасы Алихан Байменов менен Людмила Жуланова жекшемби күнү кезексиз пленум чакырып, анын катышуучулары тең төрага Алтынбек Сарсенбаевге уставды бузду деген жүйө менен, ага ишеним көрсөтпөө үчүн добуш беришти. Беш төңтараганын калган экөөсү добуш берүүгө катышкан жок.

• Февраль 14, 2005

  ГЕРМАНИЯЛЫК НЕОНАЦИСТТЕРДИН ДРЕЗДЕНДЕГИ МАРШЫ

  Туура алтымыш жыл мурда британиялык жана америкалык авиация Европа маданиятынын “алтын бешиги” эсептелген Дрезденге абадан сокку урган. Чабуулдан 35 миң чамалуу адам набыт болуп, атактуу композиторлор, философтор жана сүрөткерлерди суктандырган ажайып имараттар кыйраган. Жекшемби күнү шаарды айоосуз бомбалоонун алтымыш жылдыгын белгиленип жаткан тушта 5 миң чамалуу оңчулдар Дрезденде жөө жүрүш жасашты.

• Февраль 12, 2005

  ГЕРМАНИЯ: МЫЯТКЕРЛИКТЕН ЧЫККАН ЧАТАК

  Бейшемби күнү эл аралык бизнес чөйрөсүндө кадыр барктуу “The Wall Street Journal” гезити жана Германиянын абройлуу “Welt“ басылмасы немец саясатчылары арасындагы мыяткерлик же лоббизм жөнүндө жазып чыгышты. Өкмөттө жана парламентте өз кызыкчылыгын коргоо үчүн ири корпорациялардын саясатчыларга маяна төлөөсү Батышта жаңы көрүнүш эмес. Бирок, бул окуя мыяткерчиликти бир нукка салган мыйзамдарды иштеп чыгуу боюнча узактан айтылып келаткан проблеманы коомчулук алдында кайра койду.

• Февраль 11, 2005

  САУДИЯДАГЫ ТАРЫХЫЙ ШАЙЛООГО АЯЛДАР КАТЫШТЫРЫЛГАН ЖОК

  Бейшемби- Сауд Арабиясында жалпы элдик шайлоонун биринчи күнү. Үч айлампа менен өтчү өнөктүк өлкө борбору эр-Риядда башталды. Эркек шайлоочулар бул күнү жергиликтүү кеңештердин мүчөлөрүн шайлашты. Падышалыктагы 16 миллион букаранын теңи аялдар. Бирок, алар добуш берүүгө катыштырылган жок. Анткен менен, өлкө тарыхында алгачкы ирет өтүп жаткан шайлоо, падышалык башкаруудагы консервативдүү коомго демократиянын айрым элементтерин алып келет деп күтүлүүдө.

Дагы жүктөңүз