"Азаттыктын" Прагадагы кеңсесинин кызматкери, журналист. Кыргыз улуттук университетин, Коста Рикадагы Улуттар Уюмунун университетин аяктаган.
"Эркин Европа/Азаттык" үналгысынын баяндамачысы Жеймс Кирчик (James Kirchik) Кыргызстандын түштүгүндөгү кагылыштан кийин эки улуттун баштагыдай бирге бейкапар жашоо өткөрүүсүнөн күмөн санап турганын, абалды турукташтырууда кыргыз өкмөтү Ош шаар мэри Мелис Мырзакматовду кызматтан кетирүүсү керек деген пикирин айтты.
27-июлда Анкарада британ премьер-министри Дэвид Кэмерон Түркиянын Евробиримдикке мүчөлүккө өтүшүнө каршы маанайда болгон Германия менен Францияга ачууланып, эки тарыхый өнөктөш державага ачык чакырык таштады.
Норвегияда Европадагы коопсуздук жана кызматташтык уюмуна мүчө өлкөлөрдүн парламенттер аралык 19-отурумуна катышкан Убактылуу өкмөт жетекчисинин орун басары Өмүрбек Текебаев Осло шаарынан “Азаттыкка” телефон аркылуу маек курду.
Кыргызстандын президенти Роза Отунбаева Казакстандын борбору Астана шаарында өткөн Евразия экономикалык шериктештигинин мамлекеттер аралык кеңешинин алкагында бир катар өлкө башчылары менен жолугушуп, сүйлөшүүлөрдү жүргүздү.
Кыргызстандагы окуялар чет элдик басма сөз каражаттарында такай жарыяланып, кылдат талкуудан өтүүдө. Бул жумадагы бир катар басылмаларда Кыргызстан жөнүндө макалалар негизинен референдумга басым жасап, өлкөнүн саясий өнүгүүсүнө ар кандай божомолдорду берет.
Базар-Коргон жана Ноокен районунан убактылуу чыгып кетүүгө мажбур болгон адамдар кайра кайтып жатышат. Кагылышуу маалында бул эки райондо жашаган 12,5 миңдей адам Өзбекстан тарапка өтө качкан. Базар-Коргон райондук элдик кошуундун төрагасы Асылбек Текебаев «Азаттыкка» курган маегинде качкындардын дээрлик бардыгы өз үйлөрүнө кайтып жатканын билдирди.
20-июнда Орусия президенти Д.Медведев АКШга келди. Сапардын максаты Орусиянын экономикалык өнүгүүсүн көтөрүү, эки өлкө ортосундагы байланыштарды чыңдоо болуп саналат.
Кыргызстандын түштүгүндөгү кандуу окуялар төрт жүз миңден ашуун адамдарды жер которуп качкын болууга мажбурлады. Глобалдык деңгээлде алганда бул көрсөткүч дүйнө жүзүндөгү качкындардын бир пайыздан азын берет. Жыл сайын 20-июнь Улуттар уюму тарабынан Дүйнөлүк качкындар күнү катары белгиленет
Учурда Ошто жүргөн кабарчыбыз Гүлайым Ашакеева акыркы кырдаал тууралуу маалыматтар менен бөлүшөт.
Бүгүн Ташкенде Шанхай Кызматташтык Уюмуна (ШКУ) мүчө мамлекеттердин башчыларынын саммити башталат. Эки күнгө созулган жыйынга Кыргызстандын тышкы иштер министри Руслан Казакпаев катышат. Ыңкылаптан кийинки Кыргызстанга ШКУнун мамилеси кандай болоору тууралуу пикирлер ар түрдүү. Күчтүү саясий бийликтин көрсөтмөсү менен жашаган мүчө-мамлекеттерге 5 жыл ичинде эки элдик ыңкылапты ишке ашырган Кыргызстандын демократиялык өтө активдүүлүгү жага бербейт деген кооптонуу дагы бар.
29-майда көл жээгинде “Ысык-Көл 2010” туристтик жарманке ачылды. Ага Өткөөл мезгил президенти Р.Отунбаева катышып, жергиликтүү калк өкүлдөрү менен баарлашты. Жолугушууларда эс алуучулардын коопсуздугу, Убактылуу өкмөткө элдин ишеними жана чет өлкөдө байырлап жүргөн ишкер У.Барыктабасов тууралуу сөз козгоду.
Кыргызстанда абал турукташканы менен өлкөнүн ички саясаты күндөн-күнгө кызып, ар кандай күтүүсүз окуяларга бай болууда.
Бул күндөрү АКШнын Мамдепартаментинин өкүлү Жорж Крол (George Krol) Кыргызстанда иш сапар менен жүрөт. Ал Убактылуу өкмөт мүчөлөрү жана Кыргызстанда иш жүргүзгөн эл аралык, жергиликтүү бейөкмөт уюмдардын өкүлдөрү менен жолугушту.
Кыргызстандагы 6-7-апрелдеги окуялар маалында жөнөкөй элдин колуна ок атылчу курал жарак тарап кеткен. Коопсуздук кызматынын мурдагы адиси, полковник, коомдук ишмер Шамшибек Медетбеков буга байланыштуу “Азаттыктын” суроолоруна жооп берди.
Конституциялык кеңешменин катчылыгынын башчысы Данияр Нарынбаев Баш мыйзамдагы негизги нерсе башкаруу формасында эмес, адам укуктарынын камтылышында деп эсептейт. Анын айтымында, коомчулукка сунуш кылынган долбоордо адам укуктары так жана кенен жазылды.
“Мекен Туу” партиясынын лидери, чет өлкөдө жашаган ишкер Урмат Барыктабасов “Азаттыкка” телефон аркылуу маек куруп, чагымчыл күчтөрдүн арасында эместигин билдирди.
13-майда АКШнын Кыргызстандагы Убактылуу жана толук ыйгарымдуу элчиси Татиана Гфэллэр «Азаттыктын» Бишкек кеңсесине келип жамаат менен жолугушту. Анын соңунда радио угармандар үчүн маек куруп кыргыз-америка алакасы жана 7-апрелдеги окуяны көп жоготуулар менен коштолсо дагы өлкөнүн демократиялык өнүгүүсү үчүн чоң мүмкүнчүлүк деп баалады. Аны менен бирге Элчи Гфэллэр өз дарегине айтылган өткөн бийлик менен өтө жакын мамиледе болгон деген сөздөрдү четке какты.
Учурда Кыргызстандын Мамлекеттик Улуттук коопсуздук комитетинде мурдагы президент К.Бакиевдин бир нече аткаминерлери камакта болсо, дагы бир катары тергеп-тескөө иштерине тартылган. Көз карандысыз укук коргоочулардын билдирүүсүдө, камакка алынгандардын саны жыйырмадан ашты.
Өткөн жумада Бишкекке келген АКШ президенти Обаманын улуттук коопсуздук боюнча атайын жардамчысы Майкл Макфол үч күн ичинде убактылуу өкмөт мүчөлөрү, жарандык коомдун, бейөкмөт уюмдардын, жаштардын жана маалымат каражаттарынын өкүлдөрү менен жолугушту.
Убактылуу өкмөттүн маалымат саясаты боюнча координациялык борборунун жетекчиси Фарид Ниязов учурдагы бийликтин маалымат саясаты жана маалымат менен камсыздоо системасы кандай иштеп жатканы тууралуу кеп салат.
Дагы жүктөңүз
