"Азаттыктын" Прагадагы кеңсесинин кызматкери, журналист. Кыргыз улуттук университетин, Коста Рикадагы Улуттар Уюмунун университетин аяктаган.
Алматыда киши колдуу болгон журналист Павлюктун өлүмүн иликтөөгө коңшу өлкөнүн күч органдарынын атайын тобу Бишкекке келди.
Жогорку Кеңештин Коммунисттер фракциясы ишембиде Бишкекте көчмө жыйын уюштуруп, электр кубатына жана жылуулукка төлөмдөрдүн көтөрүлүшү боюнча улгайган адамдардын пикирин укту. Жыйынга келгендер өкмөт дарегине катуу-сын пикирлерди айтып, а түгүл өкмөт башчы кызматтан кетсин дегендер да болду.
Дүйнөлүк маалымат желесиндеги Гугл (Google) издөө системасы "Нексус Бир" (Nexus One) деген аталыштагы жаңы уюулдук (чөнтөк) телефонун чыгарды.
Алматыда киши колдуу болгон журналист Геннадий Павлюкка кол салгандардын үчөө Кыргызстандын улуттук коопсуздук кызматкерлери экендиги болжолдонууда. Өзүнүн ишенимдүү маалымат булагына таянган КТК сыналгысы кечээ кыргызстандык үч адам журналист менен кылмыш жасалган жерде бирге болгонун кабарлады.
Казакстандын Ички иштер министрлиги Геннадий Павлюктун өлүмүнө Кыргызстандын бир катар жарандарынын тиешеси бар экенин аныктады. Азыркы учурда казак тарап журналисттин өлүмүнө байланыштуу кылмыш иштин материалдарын Кыргызстандын укук коргоо органдарына өткөрүп берүү маселесин чечүүдө.
Бүгүн Өзбекстанда парламенттик шайлоо өттү. Борбордук шайлоо комиссиясынын билдиргенине караганда, шайлоочулар добуш берүүгө жогорку активдүүлүк менен катышты. Шайлоо өлкө парламенти – Олий Межлистин төмөнкү палатасындагы 135 орун үчүн өткөрүлдү. Төмөнкү – Мыйзам чыгаруу палатасындагы мандаттардын саны мурдагы 120дан 150гө көбөйтүлгөн. Өзбекстанда добуш берүүгө укуктуулардын жалпы саны 17 миллион адам.
Бүгүн Бишкекте өткөн журналисттердин коопсуздугуна арналган жыйында ММК өкүлдөрүнүн укугун коргоочу комитет түзүү чечими кабыл алынды. Жыйынга катышкан жарандык коом жана бийлик өкүлдөрү журналисттердин коопсуздугун коргоо жаатында биргелешип кызматташуу зарылдыгын белгилешти.
Бүгүн Балыкчы окуясы боюнча сот өкүмү чыгып, 4 киши 4 жылга, дагы 14 киши шарттуу түрдө 2-3 жылга кесилди. Сот ишине катышкан СДП төрагасы Алмазбек Атамбаев мындай өкүмдөн соң “Азаттыктын” суроолоруна жооп берди.
Жарандык коомдун өкүлдөрү Алматыда ооруканада оор абалда жаткан журналист Геннадий Павлюк тууралуу жеринде маалымат алып кайтышты.
Коңшу Казакстанда Геннадий Павлюктун өмүрүн сактап калуу менен катар анын өмүрүнө кол салуу боюнча кылмыш иштин бетин ачуу аракеттери жасалууда.
Кыргызстандык журналист Геннадий Павлюк (Ибрагим Рустамбек) Алматыда клиникалык ооруканада оор абалда эсине келе албай жатат.
Копенгаген саммити күтүлбөгөн мүнөздө өтүп, жыйындар залындагы кызуу талкуулар, көчөдөгү жүздөгөн адамдардын митингдери менен коштолууда.
10-декабрдан бери өкмөт башчы Данияр Үсөнов менен мурдагы өзгөчө кырдаалдар министри Камчыбек Ташиевдин кармашы күч алууда. Cаясат таанучу Аскар Мамбеталиев бул чатактын себебин мамлекеттик башкаруу системасы иштебегинен көрөт.
Америкалык журналист Жеф Лили Интернет аркылуу улуу жазуучу Чыңгыз Айтматовдун чыгармачылыгын даңазалоо менен Кыргызстанды дүйнөгө ачып берүүнү көздөөдө. Бул тууралуу ал "Азаттыктын" суроолоруна жооп берип жатып билдирди.
Бүгүн Жогорку Сотто 2007-жылы 24-октябрда киши колдуу болуп өлтүрүлгөн журналист Алишер Саиповдун атасы Авас Саиповдун көзөмөл арызы каралды.
Бүгүн Жогорку Сотто киши колдуу болуп өлтүрүлгөн журналист Алишер Саиповдун атасы Авас Саиповдун арызы каралат. Ал Жогорку Соттон ишти кайра тергөөгө жөнөтүүнү жана бул кылмышка шектүү деп табылган бир катар кызмат адамдарын кайра суракка алууну суранууда. А. Саиповдун айтымында, тергөөчүлөр Алишер Саиповдун өлүмүн бир бейкүнөө адамдын мойнуна илип, ишти эптеп бүтүрүп салууга аракет кылып жатат.
АКШ президенти Барак Обама Ооганстанда бейкуттукту орнотуу үчүн кошумча аскер жиберээрин шейшембиде жарыя кылды.
Учурда Вашингтон шаарында жашаган кыргызстандык саясатчы, “Ата Мекен” партиясынын мүчөсү Равшан Жээнбеков "Азаттык" үналгысына курган маегинде АКШнын Ооганстан боюнча стратегиясы тууралуу пикирлери менен бөлүштү.
Кыргызстандагы оппозициялык күчтөр өкмөттүн кирешелүү, стратегиялык маанидеги энергетикалык ишканаларды жеке колго сатуу чечимин айыптоодо.
Кыргыз өкмөтү электр кубаты, жылуулук боюнча тариф саясатын калкка тааныштыргандан кийин эми декабр айында электр ишканалары сатыла турганын жарыя кылды.
Дагы жүктөңүз
