"Азаттык" үналгысынын редактору, журналист.
Түркиянын Сирия менен чектеш Суруч калаасындагы маданий борбордо болгон жардырууда кеминде 30 адам набыт кетти. Суруч шаары Сириянын Кобани шаарынан 10 чакырымдай гана алыс.
Борбор Азиядагы экономикалык кризистин тереңдеши казак экономикасын солкулдатып, Астананы бир катар чараларды көрүүгө мажбурлоодо. Бул чаралар кризисти жеңил басып өтүү үчүн жасалууда.
Украин парламенти Закарпатьедеги адам өмүрүн алган окуя боюнча тергөө комиссиясын түздү.
Еврону колдонгон мамлекеттердин лидерлери Грецияга каржылык көмөк көрсөтүү тууралуу макулдашты.
Шанхай кызматташтык уюмунун катары жаңы мүчөлөр менен толукталат. Бул тууралуу уюмдун 10-июлда Башкыртстандын борбору Уфада өткөн саммитинде белгилүү болду.
Грек өкмөтү карыз кризисин жөнгө салуу үчүн буга чейин Евробиримдик талап кылып келген салык жана пенсиялык системаларды камтыган радикалдуу реформаларды жүргүзүүгө макул болду.
Тараптардын Ирандын ядролук программасы боюнча 7-июлга чейин мунаса табуу аракеттери ишке ашпай ал мөөнөт 10-июлга чейин узартылган болчу.
Бириккен улуттар уюму мындан жыйырма жыл мурда Сребреницада болгон кыргынды геноцид деп табуу боюнча резолюцияны карады. Бирок Орусия Сербияга берген убадасы боюнча резолюцияны кабыл алууга вето койду.
Amnesty International эл аралык укук коргоо уюму бир катар Балкан өлкөлөрүн мигранттарга карата катаал мамилеси үчүн айыптады.
Орусияда 16 жылдан бери биринчи жолу Израилге жер которгондордун саны өстү. Былтыр биротоло көчүп кеткен орусиялык жөөттөрдүн саны төрт жарым миң адамды түзгөн. Адатта бул сан жылына эки миңдин тегерегинде гана болуп келген.
Ак үй алдында конституцияны өзгөртүүгө каршылыгын жарандык коом өкүлдөрү, адам укугун коргоочулар билдиришти. Кыргызстандагы бейөкмөт уюмдар Баш мыйзамды өзгөртүүгө нааразылык билдирип, эки күндөн бери “Мага баары бир эмес!” деген аталышта форум өткөрүп жатышат.
Экинчи Дүйнөлүк согушту иликтеген тарыхчы Нарынбек Алымкулов “Мурас” фондунун колдоосу менен жакында Москвага барып, согуш боюнча архивдик материалдар менен таанышып келди. Тарыхчы согушка катышкан кыргызстандыктардын тагдырын изилдөөгө мамлекеттик деңгээлде көңүл бурулушу зарыл экенин айтат.
Маткерим Рахманбердиев 1915-жылы 20 апрелде Талас облусунун Манас районуна караштуу Ак-Таш айылында туулган. Чоң-Коргон айылындагы толук эмес орто мектепти бүтүргөндөн кийин Фрунзедеги айыл чарба техникумуна тапшырган. Ал жерде 1940-жылга чейин билим алат. Экинчи дүйнөлүк согуш башталган биринчи күндөн тарта анын акырына чейин фашисттик баскынчылар менен салгылашкан. Согуш учурунда Фашисттик Германияга каршы күрөшкөндүгү үчүн жана каармандыгы үчүн бир катар сыйлыктар менен сыйланган.
19-апрелде Казакстандын Алматы-Екатеринбург жолунда болгон кырсыктан 16 киши каза тапты. Каза болгондордун ичинен кеминде үчөө жаш балдар болгон.
Алмазбек Атамбаев Астанадагы иш сапары учурунда Кыргызстанда электр жарыгы өчпөй турганын билдирди.
1995-жылдын 10-августунда чыккан кыргыз өкмөтүнүн токтомунда ислам жана христиан диндери менен катар эле Кыргызстанда буддизм дагы салттуу дин деп белгиленген.
Ош шаарына эл менен жолугушууга барган оппозиция лидерлерине “жумуртка ыргытуу” окуясы демократияга урулган сокку катары бааланууда.
Учурда энергетиктер шаар-айылдарды кыдырып, үч фазалуу электр энергиясын колдонгондордун зымын кыркууда.
Дагы жүктөңүз
