“Азаттыктын” Бишкектеги кабарчысы. 2011-жылы Мамлекеттик Ардак грамота менен сыйланган. Кыргыз улуттук университетинин филология факультетин аяктаган.
Мындан жыйырма жыл мурун 25-январда Кыргызстанда коммунисттик режимге каршы чыккан жаштар Ала-Тоо аянтында алгачкы демонстрациясын өткөргөн. Анда жаштарды турак-жай жана жумуш менен камсыз кылуу талабынан тышкары алгачкы саясий талап – союздун курамынан чыгып, өз алдынча мамлекет болуу талабы коюлган.
Президенттик кеңешме мамлекет башчы өз ыйгарым укуктарын аткара албай калган учурда анын милдетин аткаруучу адамды аныктай албайт. Конституциялык Соттун чыгарган корутундусунда президенттик кеңешме –кеңешүүчү орган болгондуктан президенттин милдетин аткаруучуну аныктоо укугуна ээ эмес экендиги айтылат.
Сегиз жылга кесилип, абакта жаткан генерал Исмаил Исаков кыргыз элине, саясий үзөңгүлөштөрүнө жана тарапкерлерине кайрылуу жасап, ачкачылык акциясын токтотууну өтүндү. Бул арада анын боштондугун талап кылган ачкачылык акциясына дагы эки киши кошулуп, нааразылык чара токтотулбасын билдиришүүдө.
Саясий камактагыларды бошотуу талабы менен ачкачылык акциясына чыккандарга бүгүн “Ата мекен” партиясынын аппарат башчысы Алманбет Шыкмаматов кошулду. Ал саясий ачкачылыкка партиянын атынан Кыргызстандын демократиялык келечегин сактап калуу максатында барып жаткандыгын “Азаттыктын” кабарчысына берген маегинде билдирди.
Саясий камактагыларды бошотуу талабы менен кечээ башталган ачкачылык акциясы уланууда. Бүгүн ачкачылык жарыялагандардын катарын дагы эки киши толуктады. Алайда болсо түштөн кийин Ош–Эркеч-Там жолу буулуп, күч менен кайра ачылды.
Бириккен элдик кыймылдын төрагасы А. Атамбаев бийлик элге кас болуп, өлкөнү жарандык согушка алпаратат деп айыптоодо. Ал ошону менен катар кыргыз бийлигинин чектен чыккан мыйзамсыз аракеттерине көз жумду мамиле кылып, кош жүздүү саясат жүргүзүүдө деп АКШнын позициясын да сынга алды.
Бүгүн БЭКтин курамындагы “Саясий камактагыларды коргоо” комитетинин демилгеси менен мөөнөтсүз ачкачылык акциясы башталды. Ачкачылык жарыялагандар бийликтен репрессияны токтотууну, саясий куугунтуктун негизинде камалып жаткандарды бошотууну талап кылышууда. Бул иш-чара Алайда да башталуунун алдында.
Жогорку Кеңештеги Коммунисттер фракциясы 9-январда электр кубатына тарифтердин жогорулашы жөнүндө маселени талкууга алып көчмө жыйын өткөргөнү жатат. Коммунисттер фракциясынын мүчөсү Бүмайрам Мамасейитова “Азаттыктагы” маегинде аталган жыйында жоюлуп калган жеңилдиктер жөнүндө да сөз болорун билдирди.
Өткөн жылы 8-январда маркум Медет Садыркулов президенттик администрациянын башчысы кызматынан бошотулган эле . Анын эки айдан кийинки өлүмү расмий түрдө жол кырсыгынан болду деген менен көпчүлүк бул табышмактуу өлүм Садыркуловдун саясий ишмердигине байланыштуу болду деген божомолду айтып келатышат. Бул темада жаш саясат талдоочу Мирсулжан Намазалиев өзүнүн ой-пикирин бөлүшөт.
Эл аралык кризис тобу мигранттарды тосуп алууга камылгалар көрүлбөсө Борбор Азия мамлекеттеринде туруксуз кырдаал болушун эскерттти. Эл аралык эмгек уюмунун Борбор Азиядагы программасынын координатору Кылычбек Исаны “Азаттык" ушул темада кепке тартты.
Бүгүн дүйнөдөгү православ христиандары Ыйсанын туулган күнү белгилешүүдө. Буга байланыштуу биз өзүн Теңир жыйынын башчысы деп атаган Кайырбек Mаныбаевди сөзгө тарттык.
4-январда Балыкчы окуясы боюнча соттолгондордун өкүмү күчүнө кирди. Буга байланыштуу соттолгондордун адвокаты Эрмек Шаршеев “Азаттыкка” маек курду.
Жаңы жылдан тарта электр кубатынын акысы эки эсе, жылуулук менен ысык суунун баасы беш эсеге кымбаттаганы белгилүү. Тарифтердин кымбатташы азык-түлүктүн, кызмат көрсөтүүлөрдүн да баасын асмандатат деген ой коомчулукту бушайман кылып турган чак. ”Шоро” компаниясынын президенти Табылды Эгембердиевдин айтымында, товарларга баанын кымбатташы биринчи иретте суроо-талапка жараша болот.
Жаңырып кирип келген жаңы жылда баалар көтөрүлөт деген божомолдор кыргыз өкмөтү энергетика акысын кымбаттаткан учурда эле айтыла баштаган. Расмий бийлик жаңы жылда инфляция 10% болот деп бекемдөөдө.
Тажикстандагы жер титирөөгө байланыштуу тажикстандык кыргыз жазуучу жана журналист Мирзохалим Каримов “Азаттыкка” маек курду.
Казакстандын Ички иштер министрлиги кыргызстандык журналист Г. Павлюкка Алматыда кол салуу факты боюнча кылмыш иши козголгондугун жарыялады. Бул аралыкта Жогорку Кеңештеги социал-демократтар фракциясы билдирүү таратып, өлкөдө журналисттерге кол салуулар күчөп, сөз эркиндигин муунтуу аракети жасалып жатат деген пикирин билдирди.
Кыргызстанда IT технология базары өнүгүүнүн үстүндө. Ушул тапта интернет аркылуу пайдаланылуучу бардык тармактар өлкөнүн дээрлик бүт аймагын камтыганы менен алардын сапатына нааразылыктар күч. Ошондой эле программа жазган адистер Кыргызстанда бул үчүн тиешелүү шарттар түзүлбөгөндүгүн, өтө оор программалар үчүн аябай аз акча сунуш кылынарын айтып, нааразылыгын билдирип келишет.
Бүгүн Бишкекте “Аалам” гезитинин кабарчылары иш ташташты. Алар муну үч айдан бери айлык акыларын албагандыгы менен түшүндүрүүдө. Бул аралыкта “Фридом Хауз” уюмунун Бишкектеги көз карандысыз басмаканасы жаңы жылдан тарта гезитти басуунун баасы жогорулай тургандыгын басылма ээлерине алдын-ала эскертти. “Серепчилердин белгилөөсү боюнча каржылык каатчылыктан өзгөчө кыргыз тилдүү басылмалар жабыркап жатышат.
ЖК спикери Айтибай Тагаев Баткен облусуна губернатор болуп дайындалды. Буга карата пикирин билдирген саясатчылар Жогорку Кеңештин төрагасы деген кызматтын аброю кеткенин билдиришүүдө. Спикердин кызмат ордун ээлөөгө "Ак Жол" фракциясынан төрт депутат аракет кылууда.
Эртең, 12-декабрь - кыргыздын залкар жазуучусу Чынгыз Айтматовдун туулган күнү. Буга байланыштуу биз улуу жазуучунун замандашы жана калемдеши, акын Байтемир Асаналиевди түз ободогу маектешүүгө чакырдык.
Дагы жүктөңүз
