“Азаттыктын” Бишкектеги кабарчысы. 2011-жылы Мамлекеттик Ардак грамота менен сыйланган. Кыргыз улуттук университетинин филология факультетин аяктаган.
“Манас” аэропортундагы эки учактын кагылышуу себептерин изилдөө боюнча жумушчу жана өкмөттүк комиссиялар түзүлдү. Кечээ кечинде “Манас” аэропортунда “Кыргызстан” аба компаниясына таандык, жүргүнчүлөрдү ташыган ТУ-154 үлгүсүндөгү учак менен АКШ куралдуу күчтөрүнүн май куйуучу КС-135 үлгүсүндөгү учагы кагылышып, өрт чыккан. Бул кырсыкта адам өмүрүнө залал келген жок. Кагылышууда оң канатынан жабыркаган ТУ-154 маркасындагы учак Кыргызстандын президентин алыскы сапарларга ташыган жалгыз учак экен.
Эл аралык Хельсинки уюмунун акыркы белгилөөсү боюнча Кыргызстан эң коррупцияланган өлкөлөрдүн катарына кирет. Жаңы бийликтин келиши менен жең ичинен жеп-ичмей, тууганчылык, жердешчилик азаймак тургай, кескин өсүп кетти деген сын-пикирлер акыркы убактарда көп айтыла баштады.
Акыркы убактарда күйүүчү майдын баасы кескин көтөрүлгөнүнө байланыштуу Бишкек шаарындагы маршруттук каттамдагы кичиавтобустарда жүрүү акысын көтөрүү маселеси кайрадан көтөрүлө баштады. Учурда борбор калаабызда бензиндин баасы 22 сомдон 25 сомго чейин, ал эми дизелдик күйүүчү майдын бир литри 21 сом турат. Бишкек шаардык департаменти да бул маселени кайра карап чыгуу зарылдыгын белгилөөдө.
Кыргыз-түрк “Манас” университетинин ректору алмашкан жатат. Аны келишимге ылайык Кыргызстандык жана Түркиялык окумуштуулардан жана жетекчилерден түзүлгөн камкордук кеңешинин сунушу менен Кыргызстандын президенти бекитет. Учурда кыргыз-түрк “Манас” университетинин ректорлук оруну талашка түшүп жаткандыгы айтылууда.
Президент Курманбек Бакиевдин парламентте сүйлөгөн сөзү боюнча түрдүү пикирлер бар. Президенттин бүгүнкү сөзү, депутат Өмүрбек Текебаевдин пикиринде, ага каршы жасалган чагымды уюштургандарды таап жазалоо аягына чыкпай тургандыгын билдирип койду.
Адам укугун коргоо боюнча эл аралык конвенцияларга кол койгон бардык мамлекеттер келишимдердин аткарылышы тууралуу мезгили менен БУУга отчет берип турууга милдеттүү. Кыргыз бийлиги мурда айрым бир конвенциялар боюнча отчет берүүнү кечиктирип келген болсо, 2006-жылдан тарта Кыргызстан адам укуктарын коргоо боюнча кабыл алган бардык конвенциялар тууралуу маалымат берген эмес. Бул тууралуу бүгүн Жогорку Кеңеште атайын чакырылган парламенттик угууда маалымдалды. Айрым укук коргоочулар бул көрүнүштү өлкөнүн адам укугун коргоо жаатында артка чегинип жатканы катары сыпатташууда.
Өлкөнү үч көтөргөн “Матрешка” операциясынын башында президенттин бир тууганы Жаныбек Бакиев турганын парламенттик комиссия аныктап чыккандан кийин бийликке оппозицияда турган депутаттар президент менен премьер-министрдин кызматтан чегинишин талап кылууга өтүштү. Парламенттеги көпчүлүк бул талапты колдойбу же президентке жан тартып, ызы-чууну басканга аракет кылышабы, аны бейшембидеги добуш берүү көрсөтөт. Ал ортодо Жаныбек Бакиев кечээ кечинде улуттук сыналгы (МТРК) аркылуу чыгып сүйлөп, өзүнө тагылып жаткан айыптарды четке какты.
Маңзатка байланыштуу чыр менен Польшада камакка алып, сот тарабынан акталган ЖК депутаты Өмүрбек Текебаев бүгүн түнкү саат үчтө Бишкекке келип конду. Аны кесиптештери Мелис Эшимканов, Кабай Карабеков, вице-спикер Тайырбек Сарпашев, партиялаштары жана башка жарандык коомдун өкүлдөрү тосуп алышты. Өмүрбек Текебаев аэропортто өзүн тосуп алган эл менен сүйлөшө алган жок. Бирок Жогорку Кеңештин имаратынын алдында журналисттердин суроолоруна жооп берди.
Мындан беш жыл мурун 11-сентябрда АКШда болгон ири террордук акцияга байланыштуу эскерүү бүгүн “Манас” аба майданында жайгашкан америкалык аскер аба базасында өттү. Ага президент Курманбек Бакиев баштаган мамлекеттик жетекчилер, АКШнын Кыргызстандагы элчиси Мари Йованович жана коалициянын аскерлери катышты. Кыргыз президенти Борбордук Азия аймагында терроризм коркунучу тыйыла электигин, ошондуктан дайыма кыраакы болуу жана чечкиндүү аракеттерге даяр туруу керектигин баса белгиледи.
Конституциянын долбоору боюнча дагы деле кызуу талаш-тартыш уланууда. Коомчулукту долбоордун мындан аркы тагдыры жана башмыйзам кандай жол менен кабыл алынат деген суроо кызыктырып жатат. Бул маанай конституциялык реформа боюнча АКШнын Улуттук демократиялык институтунун көмөгү менен бүгүн өткөрүлгөн жыйында да ачык билинди.
Адистештирилген прокуратураны жоюудан чыккан нааразылыктар жана акыркы убакта өзүнө карата айтылып жүргөн сын-дооматтар боюнча башкы прокурор Камбаралы Конгантиев өзүнүн жообун берди. Анын айтуусунда реформа мыйзам чегинде, прокуратура тармагын жакшыртуу максатында жүргүзүлгөн. Баш прокурорго каршы чыгып аткан бир катар кесиптештери аны жеке кызыкчылыгы үчүн эле адистештирилген прокуратураны жоюп жиберди деп айыптап келишет.
Окумуштуулардын айтымына караганда, эмгекке жарамдуу калктын 18% мигрант катары чет өлкөлөргө кеткен мамлекетти жок болуп кетүү коркунучу күтүп турат. Кыргызстандын миграция комитетинин маалыматы боюнча учурда көр оокаттын айынан сыртта жүргөн элдин саны 12% ашты.
Август айынын аягынан тарта Кыргызстанга Орусиянын беш облусунан куш эттерин алып кирүүгө тыюу салынды. Айыл жана суу чарба министрлигинин ветеринардык көзөмөлдөө башкармалыгынын билдирүүсү боюнча мындай чечим куш тумоосу коркунучуна байланыштуу кабыл алынган. Бирок ошол эле учурда бул 22-августтагы Орусия бийлиги тарабынан Кыргызстандан мал этин жана мал этинен даярдалган азыктарды киргизүүгө тыюу салган аракетке жооп болду деген пикирлер айтылууда.
Бүгүн Кемин районундагы Боом капчыгайына кире бериште 1916-жылы Үркүндө шейит кеткендерге арналып тургузулган айкелдин салтанаттуу ачылышы болду. Айкел Бишкектеги үй куруучулар жамаатынын 250 миң сом каражатына курулган.
Буга чейин НТС сыналгы каналынын башкы директору болуп иштеген журналист Оксана Малеваная 23-августтан тарта КООРТ сыналгы каналынын башкы директору болуп калды. Ошол эле убакта “Пирамида” сыналгы каналынын көрсөтүүлөрү акыркы эки жумадан бери обого чыкпай келүүдө. Бул жагдайларга байланыштуу бийлик эркин сыналгы каналдарды акырындап "өчүрүү" аракеттерин жүргүзүп жатат деген пикирлер пайда болууда.
АКШ мамлекеттик катчысынын Чыгыш Азия жана Борбордук Азия аймагы боюнча жардамчысы Ричард Баучер бүгүн президент Курманбек Бакиев менен жабык эшик артында жолугушту. Анда негизинен кыргыз-америка кызматташтыгын жакшыртуу тууралуу сөз болду. Кечке жуук ишкерлер менен жолугушкан Ричард Баучер Кыргызстандагы энергетика тармагына АКШдан инвестиция тартууга кызыкдар экендигин билдирген.
Бишкек гарнизондук аскердик соту 4-августта УКК кызматкери Алдаяр Исманкуловду актаган чечимин чыгарды. Ички иштер министрлигинин кызматкерлери Исманкуловду 17-январь күнү катталбаган курал менен баңгизатты машинасында алып жүргөн деп кармашкан эле. Бирок Исманкуловдун минтип сот тарабынан акталышы коомчулукта түрдүү пикирлерди жаратууда.
Украинадагы акыркы саясий өзгөрүүлөр Кыргызстандагы саясатчылардын да көңүл борборунда болууда. Айрым саясатчылар президент Ющенко ыңкылапта жеңип чыккан атаандашына кайрадан чегинип берди деген ойлорун айтышса, кээ бир пикир ээлери Украинанын мамлекет башчысы өзүнүн номур биринчи атаандашы менен биригип, чыныгы демократияга карай туура кадам шилтегендигин билдирип жатышат.
Быйылкы жылдын алты айында жасалган иштер көңүл жубатарлык эмес. Көмүр казуу тармагында көйгөйлөр көп, ал эми газ менен электр энергиясына карыз жакын арада жоюлчудай эмес. Кумтөр алтын кенинде 13-июлда болгон кырсыктан кийин бул жылы алтын өндүрүү азайа турган болуп жатат. Бул тууралуу кечээ өнөр жай, соода жана туризм министрлигинин кеңейтилген жыйынында маалымдалды.
Кыргызстанда цемент менен шыйпырдын кымбаттап кеткендигине байланыштуу кыргыз өкмөтү 13-июлдан тарта автоунаа менен аталган курулуш материалдарын сыртка алып чыгууга тыюу салды. Цемент жана шыйпыр экспортко темир жол аркылуу гана чыгарылууга тийиш.
Дагы жүктөңүз
