ЧУКУЛ КАБАР!

26-Август, 2025-жыл, шейшемби, Бишкек убактысы 01:30

Ырысбай Абдыраимов

Автору Ырысбай Абдыраимов

Июнь 26, 2008
ШАЙЛООДОН ЧЫККАН СОТТУК ТЕРИШТИРҮҮ УЛАНУУДА

25-июнда Жалалабат шаардык соту коомдук парламенттин облустагы өкүлү Жылдыз Эргешовага байланыштуу кылмыш ишин карады. Ал парламенттик шайлоо мезгилинде парламенттин депутаттыгына “Ата мекен” партиясынын атынан талапкер болгон. 16-декабрь күнү Жылдыз Эргешова шаардагы шайлоо участкалардын биринде кайталап добуш бермек болгон башка райондун тургунун паспорту менен кармап алган. Ал өзүнө коюлган кылмыш ишин саясий иш деп баалоодо. Бирок, мындай айыптоого ага иш козгогон тергөөчү макул эмес. Жабырлануучу менен күбөлөрдүн жоктугунан сот иши кийинкиге жылдырылды.
Июнь 25, 2008
ЖАЛАЛАБАД: ЖЕР ТАЛАШКАНДАР...

20-июнда Жалалабат облусундагы канаттуулар фабрикасын ээлеп алган адамдар жыйын курушту. Алар үй-жайдын жоктугунан жана үй курууга жер берилбегендиктен фабриканын ээн калган аянттарын басып алууга аргасыз болгонун белгилешти. Үч жылдан бери курган үйлөрү менен ээлеген жер аянттарын мыйзамдуу түрдө өткөрүп бербей жаткан шаар бийлигине нааразылык билдиришип, талаптары аткарылбаса митингке чыгышаарын айтышты. Фабриканын жерин бөлүштүрүү боюнча шаардык комиссиянын башчысы, шаар мэриясынын аппарат жетекчиси жер талашкандар шаардын тургундары эмес экендигин, жер Жалалабаттын кезекте турган тургундарына бөлүнгөнүн билдирди.
Июнь 24, 2008
“ТЫНЧ МИТИНГ ӨТКӨРҮҮ УКУГУБУЗДАН АЖЫРАТПАГЫЛА!”

Жалалабат облусунун бир катар адам укугун коргоо уюмдары парламенттин кошумчаларды кийирген «Элдин куралсыз, тынч чогулуу, митинг, көчө жүрүштөрүн, демонстрацияларды өткөрүү жөнүндөгү» мыйзамга тынчсыздануусун билдирип, президентти ага кол койбоого чакырууда. Алар мыйзамды кабыл алуу менен бийлик өз турумдарын бекемдеп жатканын белгилешүүдө. Облустук бийликтин бөлүм башчысынын пикири боюнча мыйзамга кол коюу, кол койбоо иши - ал президенттин өз эрки, бирок, белгиленген жайларда митинг өткөрүүгө тоскоолдук жок.
Июнь 19, 2008
ЖАЛАЛАБАТ: МЕНЧИК ТЕЛЕКОМПАНИЯЛАР ИШТЕБЕЙ КАЛДЫ

Облуста өздөрүн көз каранды эмес атаган эркин маалымат каражаттары көптөн бери обого чыкпай калган. Коммерциялык багыттагы телеишканалар үчүн өзүнчө жыштык алуу тоскоолдугу күчтүү. Андыктан элдин эркин маалымат алуу укугу бузулууда. Мекеме-уюмдардын жетекчилери болбосо, журналисттер үчүн керектүү маалымат алуу мүмкүн эмес. Эркин, жеке менчик жана коммерциялык багыттагы телеишканалардын айланасындагы көйгөйлөр тууралуу макала “Азаттыктын” Жалалабат дубандык кабарчысы тарабынан даярдалган.
Июнь 18, 2008
ЖЕР-ЖЕРЛЕРДЕ “ДЕ-ФАКТОНУН” ТАГДЫРЫНА КАПАЛАНГАНДАР КӨП

Жалалабат облусунун тургундары менен калемгерлери «Де-факто» гезитинин тагдырына кабатыр болушууда. Коомчулуктун пикири боюнча аталган гезит бийликтин кемчилигин ачык сындаганы үчүн түрдүү тоскоолдуктарга чалдыкты. Мындай пикирлерге башка окурмандар макул эмес. Улуттук жазуучулар Кеңешинин облустагы төрагасынын көз карашында «Де-факто» гезити калыстыктан тайып, март ыңкылабынан кийин өзгөрүүлөр тууралуу сөз кыла бербейт.
Июнь 17, 2008
ЖАҢГАК УЮЛУН УУРДООНУ ТОКТОТЧУ БИРӨӨ БАРБЫ?

Жалалабат облусунун токойлорунда жаңгак уюлдарын уурдоо тыйылбай жатат. Эки айдын ичинде Арстанбап токоюунда жаңнгактын 13 уюлу уурдалган. Токойго жасалган мамилеге нааразы болгон бир нече киши облбийликке келип, токой жетекчилиги алмашканда гана жаңгак уурулугу токтоорун билдиришти. Облустук токой башкармалыгы жогоркудай маалыматты төгүндөп, токой коргоо ишин саясатка айландырбоого чакырды.
Июнь 13, 2008
ЖЕР-ЖЕРЛЕРДЕ ДА Ч.АЙТМАТОВДУ ЖОКТОП ЖАТЫШАТ

Жалалабат облусунун адабий-маданий коомчулугу, карапайым калкы да дүйнө адабиятында жылдыздай жанган Чыңгыз Айтматовдун дүйнө салганына кайгырууда. “Чыңгыз дүйнөгө чыйыр салып, кыргызды дүйнөгө тааныткан жалгыз даанышман болду. “Чыңгыз Айтматов жылы” деп аталган быйылкы жылда ал өлкөнүн бүт сый-урматын көрүп, 80 жылдык юбилейинде тирүү турса болмок эле. Көзү барында Нобель сыйлыгы тийсе болот эле! Аттиң дүйнө, арман күн! Кош болуңуз Чыке! Жаткан жериңиз жайлуу болсун!»,- деп эскеришти облустун адабий-маданий өкүлдөрү.
Июнь 09, 2008
“БАРПЫ” ТЕАТРЫ ЖАНА Ч.АЙТМАТОВДУН БАЛАЛЫК ЧАГЫ

Жакында Жалалабат облусундагы “Барпы” атындагы кыргыз театры атактуу жазуучу Чыңгыз Айтматовдун --> http://rfe.azattyk.org/rubrics/culture/ky/2008/05/C7AA02C4-7D2E-4D0C-BF6B-161971550288.asp балалык, өспүрүм, жигиттик курагы, чоң ата, чоң энелери, чыгармачылыгы тууралуу спектаклин көрүүчүлөргө тартуулады. Жергиликтүү авторлор Кеңешбек Шадыбеков менен Абдыманап Оморовдун “Балалыгым” аттуу пьесасынын негизинде жаралган “Калем сыры” аттуу интерпретацияга 40 аткаруучу тартылып, пьеса Айтматовдун 80 жылдыгына байланыштуу өтө турган фестивалга катыша турган болду.
Июнь 05, 2008
ЖАЛАЛАБАТ: ЧЕГАРА ЖАЙЫНДА БОЛСО КОКУСТУК БОЛМОК ЭМЕС

2-июнда облустун Ноокен районундагы Достук айыл өкмөтүнүн аймагына Өзбекстандын эки чегарачы жоокери куралы менен кирип келген. Алар чегараны мыйзамсыз кесип өтүү менен айылдын Файзулла Абдырахманов аттуу жаранын кармап кетүүгө аракет кылышкан. Коомчулук өкүлдөрүнүн ой-пикири боюнча мындай окуялар эки өлкөнүн ортосундагы чегара тилкелеринин такталбагандыгынан улам болуп жатат.
Июнь 03, 2008
ЖАЛАЛАБАТТА «АТА МЕКЕН» ПАРТИЯСЫ САЯСИЙ КУУГУНТУКТАРДЫ АЙЫПТООДО

2-июнда жыйын курган “Ата Мекен” партиясынын облустук бөлүмү Коомдук парламенттин облустагы өкүлү Жылдыз Эргешованын --> http://rfe.azattyk.org/rubrics/politics/ky/2008/05/46EF04F4-E059-458E-A741-210826A4CFDB.asp үстүнөн жүрүп жаткан сурак иштерине тынчсыздануусун билдирди. Партиянын башка мүчөлөрү менен “Мен ишенбейм” акциясынын жана Түптөгү жөө жүрүштүн катышуучуларына, өлкөдөгү эркин гезиттер менен сыналгылардын айланасындагы соттук териштирүүлөрдү саясий куугунтук деп баалашты. Эргешовага байланыштуу кылмыш ишин жүргүзгөн Жалалабат шаардык ички иштер бөлүмүнүн тергөөчүсү жогоркудай айыптарды четке какты.
Май 30, 2008
ЖАЛАЛАБАТ: КООМДУК ПАРЛАМЕНТЧИНИ БЕШ АЙДАН БЕРИ ЭЗИП ЖАТЫШАТ

Коомдук парламенттин облустагы мүчөсү Жылдыз Эргешовага өткөн жылдын 21-декабрында кылмыш иши козголгон. Ал бирөөнүн паспортун тартып алган жана тоноочулук кылган деген шек менен сурак берүүдө. Анын белгилешинче парламенттик шайлоо кыйла мыйзам бузуулар менен өткөн. Кошумча добуш берүү үчүн бюллетень берилерде паспортун кармап алганы үчүн тергөө ишинин жүрүшү туура эмес. Жылдыз Эргешовага байланыштуу кылмыш ишин жүргүзгөн Жалалабат шаардык ички иштер бөлүмүнүн тергөөчүсү Анарбек Асранов анын айткандарын телефон аркылуу төгүнгө чыгарды. Жылдыз Эргешова менен облустагы кабарчыбыз маектешкен.
Май 30, 2008
ЖАЛАЛАБАТ: Д.САДЫРБАЕВДИ ЖЕРДЕШТЕРИ ЭСКЕРҮҮДӨ

Таанымал саясатчы, үлкөн маданий ишмер Дооронбек Садырбаевдин көз жумганы тууралуу кабарды анын Ноокен районундагы жердештери терең кайгыруу менен кабыл алышты. Ал өлкөнүн демократиялык өнүгүүсүнө чоң салым кошуп, эски жана азыркы бийликтин кемчиликтерин ачык-таасын сындап, адал иштеп, ак жашаган. Бүгүн (30-майда) сөөгү Аларча көрүстөнүнө коюла турган Эл артисти Дооронбек Садырбаевдин --> http://rfe.azattyk.org/rubrics/society/ky/2008/05/781A1E3D-6F5F-4C7B-93F8-11047E5CFF23.asp өмүрү жана чыгармачыл жолуна ушундай бааларын берген анын классташ, мектептеш, тууган адамдары жана шакирттери менен Ырысбай Абдыраимов баарлашкан.
Май 28, 2008
ПРЕЗИДЕНТТИН КАДР САЯСАТЫ ЭЛ ИШЕНИМИН АКТАЙБЫ?

Жалалабат облус бийлигинин “президент кадр саясатын --> http://rfe.azattyk.org/rubrics/politics/ky/2008/05/9B465E6F-3D16-441E-9A3C-45BED3122103.asp туура жүргүзүүдө” деген пикирине саясий партиялардын Жалалабатагы башчыларынын көз караштары ар түрдүү. “Асаба” партиясынын облтөрагасы президенттин айлана-чөйрөсүндөгү адамдардын таза иштерине көзү жетпей, кадрларды даярдоочу институт түзүүнү сунуш кылды. “Кыргызстан Социал-демократтар” жана “Ата мекен” партияларынын облбашчыларынын көз карашында кадрдык орун алмаштыруулар ал багыттагы маселени убактылуу гана чечкендей болду.
Май 27, 2008
ЖАЛАЛАБАТ: КЫМБАТЧЫЛЫК КЫСЫП БАРАТАТ

Облус жарандары азык-түлүк баалары кымбаттап, --> http://rfe.azattyk.org/rubrics/economics/ky/2008/05/39058908-9260-4DEC-9AE8-0BD9ED9F4B84.asp пенсия жана жөлөк пул, айлык маяна менен жашоо оор болуп жаткандыгын айтышууда. Алардын белгилешинче баа бир нече өстү. Облбийликтин агрардык бөлүмү калкты дан-ун азыктары менен камсыз кылуунун аракеттери көрүлүп жаткандыгын билдирет.
Май 23, 2008
АКСЫ СОТУ 27-МАЙДА УЛАНАТ

23-майда Аксы окуясы --> http://rfe.azattyk.org/rubrics/society/ky/2008/05/BD2D1413-3379-477C-BDEF-1E404B26E5D6.asp боюнча Жалалабатта улантылып жаткан республикалык аскердик сотто жарыш жана каяша далил (репликалык) сөздөр сүйлөндү. Анда экс-губернатор Султан Урманаев 2002-жылы 16-мартта эл алдына барбай койгондон эмес, Бекназаровдун баш коргоо чарасы өзгөртүлсүн деген талап орундалбагандан улам 17-марттагы каргаша келип чыккандыгын билдирди. Аксы окуясы боюнча мурда күбө катары сурак берип келсе 6 жылдан кийин эле соттолуучу боло калганына таң калганын айтты.
Май 23, 2008
С.ЖАЙЧЫБЕКОВ СОТ КАЛЫС ЧЕЧИМ ЧЫГАРАРЫНА ИШЕНБЕЙТ

Жалалабатта далай убакыттан бери жүрүп жаткан аскердик соттордун ишине аксылык жабырлануучулар менен алардын адвокаты катышуудан баш тартууда. Анткени алар азыркы бийлик маалында Аксы окуясы адилет тергелбей тургандыгына көздөрү жетип, мамлекеттик бийликке ишенбей калгандыктан 17-мартта өткөн элдик сотто --> http://rfe.azattyk.org/rubrics/human_rights/ky/2008/03/BC589743-C18F-42BC-BF2D-0243669C247B.asp 40 адамды күнөөкөр аташып, саясий чечим кабыл алышкан. Экс-губернатор Султан Урманаевди актоо жөнүндөгү элдик соттун өкүмүн республикалык аскер сотко тапшырганы келген адвокат Сартпай Жайчыбеков кабарчыбыз Ырысбай Абдыраимовдун ушул багыттагы суроолоруна жооп берип, сотко катышпай тургандыгын билдирип, сот залынан чыгып кетти.
Май 22, 2008
АКСЫ ОКУЯСЫ: АРМАНДЫН ОРДУ ТОЛБОЙТ

22-майда Жалалабатта Аксы окуясы --> http://rfe.azattyk.org/rubrics/society/ky/2008/05/C635857C-9DF5-42E6-8F8A-7E7BA3EC6EC4.ASP боюнча айыпталып жаткан облустун мурдагы губернатору Султан Урманаевге байланыштуу сот иши улантылды. Республикалык аскер соттун бейшемби күнкү олтурумуна да аксылык жабырлануучулары менен алардын жактоочусу, чыныгы күбөлөр катышкан жок. Кошумча күбө катары сурак бергендер сотко Урманаевдин 2002-жылы эмне үчүн Бекназаровдун тарапкерлери менен жолугушууга барбай калган себеп-жагдайларды түшүндүрүп беришти.
Май 21, 2008
АКСЫ ОКУЯСЫ БОЮНЧА СОТ ИШИ УЛАНУУДА

Республикалык аскер соту 21-майда түштөн кийин Аксы окуясы боюнча айыпталып келаткан облустун экс-губернатору Султан Урманаевдин Бишкек гарнизондук аскер сотунун өкүмүн жокко чыгаруу боюнча доо арызын кароого киришти. Бишкек гарнизондук сот аны кылмыш кодексинин 304-беренеси боюнча айыптуу деп таап быйыл 6-мартта үч жылдык сыноо мөөнөтү менен беш жылга шарттуу түрдө эркинен ажыраткан. 20-майда ушул эле сот алты жыл мурда Аксыга --> http://rfe.azattyk.org/rubrics/society/ky/2008/05/17F10E0D-D549-42A9-8745-937EF0370795.asp барбаган мамлекеттик мурдагы үч кызматкерге өкүмүн угузган. Анда ички иштер министринин мурунку биринчи орунбасары Садырбек Дубанаев акталган. Облустун мурдагы прокурору Зоотбек Кудайбергенов менен облмилициянын экс-жетекчиси Кубанычбек Токобаев бир жылдык сыноо мөөнөтү менен шарттуу түрдө төрт жылга эркинен ажыратылган. З.Кудайбергенов өзүнө карата мыйзамсыз өкүм чыгарылганын билдирди. К.Токобаев министрдин мурдагы биринчи орунбасары менен өзүнүн орунбасары жана Аксы район милиция башчысы, прокурору, акими акталып жатса, Аксыга барбай ортодо турган менде кайсы күнөө болушу мүмкүн, деп суроо коет.
Май 21, 2008
ЖАЛАЛАБАТ: СУУ ТАЛАШТАН ТОПОЛОҢ ЧЫКЧУДАЙ

19-майда Сузак районундагы Багыш айыл өкмөтүнүн алдына 70ке жакын адам чогулду. Алар сугат сууларынын тартыштыгына --> http://rfe.azattyk.org/rubrics/economics/ky/2008/05/FCC15A2D-F642-4100-9487-D09CD67734AA.ASP жана айыл башчы кайра-кайра алмашылганына нааразы болушту. Багыш айылында туулуп өскөн кишини айыл өкмөт башчылыгына дайындоону талап кылышты. Айыл өкмөтүнүн милдетин убактылуу аткарган Улан Мусанов аларды бир-эки адамдын тилине кирбөөгө чакырды. Райондук айыл чарба департаменти багыштыктардын жашылчалары куурап кеткенин жокко чыгарып, суу тартыш болуп жаткандыгын билдирди.
Май 20, 2008
ЖАЛАЛАБАТ: МААЛЫМАТ КООПСУЗДУГУНДА КӨЙГӨЙЛӨР АРБЫН

Жалалабат облусунун маалымат коопсуздугунда көйгөйлөр арбын. Чегара аймактарында өзбекстандык сегиз маалымат каражаты --> http://rfe.azattyk.org/rubrics/free_speech/ky/2008/05/76EE05C7-7941-4719-98A6-40ED1F24E299.asp таасирдүүлүгүн күчөтүп, кызыктуу телесериалдары жана жаңылыктары менен элди тартып алууда. Карапайым тургундардын мындай пикирлерин кубаттаган облбийликтин маалымат кызматы маалымат коопсуздугундагы проблемаларды ырастаганы менен бул багытта эч кандай иш аткарылбай жатат деген көз карашка кошулган жок.

Дагы жүктөңүз

XS

SM

MD

LG