"Азаттыктын" Бишкектеги кабарчысы. 2010-жылдан 2017-жылга чейин Ош облусунда кабарчы болуп иштеген. Ош Мамлекеттик университетинин журналистика факультетин аяктаган.
Ош аба майданында Ту-134 учагы кырсыкка кабылышынын чоо-жайы териштирилүүдө.
Ошто былтыркы коогалаңда жабыр тарткан 100гө чукул ишкер митингге чыкты. Алар өкмөт тарабынан берилчү 50 миң сомдук кайтарымсыз жардамды жана 150 миң сом өлчөмүндөгү жеңилдетилген ссуданы албай калганын айтышууда.
Ошто окуу жайларда намазкана ачуу демилгеси көтөрүлүүдө. Мындай аракет студенттердин жана окутуучулардын ибадат кылуусуна шарт түзөт дейт облустук казыят.
Бир күн мурда Жогорку Кеңештин төрагалыгынан кеткен Акматбек Келдибеков бүгүн Ош шаарындагы тарапкерлери менен жолугушту.
12-декабрда Ош шаарында жана Алай районунда Жогорку Кеңеш төрагасы Келдибековду колдогон митингдер өттү.
Былтыркы коогалаңда жабыр тарткан ишкерлер 5-декабрда Ошто митингге чыкты. Дүкөндөрү жана соода жайлары өрттөнүп кеткен соодагерлер банктардан алган насыяларын төлөөгө мамлекет тарабынан жардам берилбей жатканына нааразы.
Ошто былтыркы коогалаңда жабыр тарткандарга салынган көп кабаттуу үйлөрдүн айрымдарынын дубалдарынан жарака кетип, тамчы өтө баштады.
Аба ырайынын өзгөрүшү менен Кара-Сууда пахтанын 25-30 пайызы жыйналбай калды. Дыйкандар 2 теримин үзөөрү менен эле пахта талааларын кар жаап калган. Жайы менен мээнет кылган дыйкандар эми кирешесиз калуу коркунучунда турат.
Ошто кара май 39 сомго чыкса, бензин 43-44 сомго чейин көтөрүлдү. Мунун себебин май ташуучу компаниялар Ош-Бишкек жолунда май ташыган унаалардын өтө албай жатканы менен түшүндүрүүдө.
Былтыркы капсалаңда жабыр тарткандар кыйраган үйүн тикелөө менен алек болуп, кышка отун камдоого чамасы жетпей калганын айтууда. Ош жана Жалал-Абадды калыбына келтирүү дирекциясынан жапа чеккен тургундар гуманитардык жардамга жаман үйрөнүп алгандыгын айтып, быйыл аларга бекер көмүр берүү каралбаганын билдиришти.
Былтыркы капсалаңда жапа чеккен үй-бүлөлөр кышка карата азык-түлүк камдоодо кыйналганын айтууда. Айрымдары болсо жарым айда бир эт жесе жеп, болбосо жок жашап атышат.
Өткөн жылкы коогалуу окуяларда Ошто аралаш улуттар эмгектенген мекемелер психологиялык жактан жабыр тарткандыгы айтылган. Кыргыз-өзбек иштеген айрым жерлерде бири-бирине карата күмөн саноолор, чочулоолор орун алып, стресстер болгон. Бирок убакыттын өтүшү менен баары ордуна келүүдө. Шаардык "Ош шамы" гезитинде да кыргыз-өзбек тил табышып, ынтымакта иштеп жатышкан экен.
Ош шаар бийликтери калаадагы өзбек мектептерин латын арибине өткөрүү демилгесин көтөрдү. Аны менен бирге сабактарды кыргыз тилинде окутуу зарылчылыгын да белгилешет. Анткени өзбек мектептеринин бүтүрүүчүлөрү же Кыргызстанда, же Өзбекстанга жогорку окуу жайга тапшыра албай калып жаткан экен. Бирок адистер бул демилгенин ишке ашышы чоң кыйынчылыктарга кептелет деп жатышат.
Ошто дарыгерлердин шалаакылыгынан ВИЧ жуктуруп алган наристелердин ата-энелери митингге чыкты.
Ош мэри Мелис Мырзакматов шаарда муниципалдык милиция түзүү демилгесин көтөрүүдө. Ал шаардагы ички иштер кызматын криминалдык жана муниципиалдык деп өзгөртүү менен милициянын ишин жакшырат деп ишенет. Мындай идеяны шаардыктардын айрымдары колдоп, башкалары нааразы болууда.
Ош облусунун Кара-Суу районундагы Ак-Таш айыл округунда кургак учук менен ооругандар киши санына эсептегенде Борбор Азияда биринчи орунга чыккан.
Кыргыз-өзбек чек арасынын "Достук" бекети ачылгандан бери Кара-Суу базарынын соодасы жанданды. Өзбекстандан келген алармандардын саны артып, соодагерлердин капчыгы калыңдоодо.
Ошто шайлоо бекеттеринин коопсуздугу күчөтүлүүдө. Бюлеттендер жеткирилери менен ар бир шайлоо участогун бир нече милиция жана бирден улуттук коопсуздук кызматкери кайтарууга алмакчы болду.
Өткөн жылкы апрель жана июнь окуяларынан кийин Өзбекстан жаап салган өткөрмө бекеттин ачылышы жергиликтүү тургундарды кубанычка салды.
Ош шаарына барган ар бир кишинин көзү андагы жапыз там, кууш көчөлөрдөн турган кварталдарга түшпөй койбойт. Шаарда жүздөп саналган бул жайларды мындагылар «өзбек маалелери» деп коюшат. Үйлөр каз катар туташ салынган бул көчөлөрдө жалаң өзбек тектүүлөр турат. Башкача айтканда бул алардын тиричилигинин үлгүсү катары калыптанып калган.
Дагы жүктөңүз
