14-июлда Нарын райондук ооруканасынын дарыгерлери алыскы Солтон-Сары жайлоосун кыдырып, малчылардын ден соолугунан кабар алышты. Ар бир үй-бүлөдөгү кишинин санына жараша эң керек болгон дары-дармек бекер таратылды. Бирин-экин жугуштуу оорулар аныкталып, аларды райондук ооруканага тезинен барып дарылануусун эскертишти. Оорукана жетекчиси Сыяпат Сырдыбаева текшерүүдө кан басымы жогору жана сасык тумоологондор көп кездешкенин билдирди. Дарыгерлер жалпы Нарын районуна караштуу Солтон-Сары жайлосунан 30дан ашык үй-бүлөнүн саламаттыгын текшерди. Жергиликтүү бийликтин демилгеси менен мындай саамалык 3-4 жылдан бери уланып келе жатат. Жакынкы күндөрү дарыгерлер Ак-Сай, Арпа жайлоосуна жөнөшөт.