Түгөлбай Сыдыкбековдун айкели тургузулат

Бишкекте Кыргыз Республикасынын Баатыры, Кыргыз Эл жазуучусу Түгөлбай Сыдыкбековдун айкели орнотулат. Ушул жумада маркум жазуучунун туулган күнүнө карата эстеликтин пайдубалы Бишкектеги Ала-Тоо кинотеатрынын жанына куюлуп, капсуласы салынды. Бул салтанатка Түгөлбай Сыдыкбековдун урпактары, шакирттери, окурмандары жана Жогорку Кеңештин депутаттары катышты.