Коронавируска каршы күрөштүн алкагында Орусия Кыргызстандын Саламаттык сактоо министрлигине 500 комплект ПЦР (Полимераз чынжыр реакциясы) тест системаларын берди.
Бул тууралуу саламаттык сактоо министринин орун басары Нурболот Үсөнбаев билдирди. Ал баштаган делегациянын өкүлдөрү «Манас» эл аралык аба майданына келген жүктү тосуп алышты.
«Орусия жиберген 500 комплект ПЦР тест системалары 50 миң жолу дартты лабораториялык жактан тастыктоого жетет», - деди министрдин орун басары.
Биринчи вице-премьер-министр Артем Новиковдун Орусияга болгон жумушчу сапарынын алкагында Роспотребнадзордун жетекчиси, башкы санитардык дарыгер Анна Попова менен жолугушкан. Эки тарап COVID-19га каршы күрөш жана эпидемиологиялык коопсуздукту сактоо жаатында кызматташуу жөнүндө сүйлөшкөн болчу. Анын жыйынтыгында Орусия Кыргызстанга гумжардам катары 50 миң даана тест-системасын бермей болгон.
Коронавируска каршы республикалык ыкчам штаб тараткан маалыматка караганда, 14-ноябрга карата Кыргызстанда коронавирус илдетинен баш-аягы 1 196 адам каза болду.
Оору 65 953 кишиге жугуп, 56 847 бейтап COVID-19 илдетинен айыгып чыкты.
Ал эми Орусиянын өзүндө 14-ноябрдын таңына карата бир күндөн ичинде 22 702 киши коронавирустун жаңы түрүнө чалдыкканын бул илдетке каршы күрөш боюнча чукул штабдан маалымдашты.
Ошентип, өлкөдө апта ичинде ушуну менен үчүнчү ирет таажы вирус илдетине чалдыккандардын жалпы көрсөткүчү өтө жогорку чегине жетти.
Акыркы суткада бул илдеттин айынан 391 киши каза тапты, 18 626 киши айыгып чыкты. Штабдын кабарлашынча, ушул тапта 444 890 киши COVID-19 илдетинен жабыр тартууда.
Жалпысынан, Орусияда бул илдетке жыл башынан бери 1 903 253 киши кабылган. Чукул штабдын маалымдашынча, алардын ичинен 32 834 бейтап кайтыш болгон.
Ал эми орусиялыктар коронавируска каршы чыгарган "Спутник V" вакцинасын массалык өндүрүшкө киргизүү үчүн технологиялык жабдуу азырынча жетишсиз болуп жатканын президент В.Путин жакында мойнуна алган. Расмий бийликтер бул вакцина жакынкы айларда калайыкка сунуштала баштайт деп билдирүүдө.
Коронавируска каршы республикалык ыкчам штабдын бүгүнкү, 14-ноябрдагы маалыматына караганда, кечээтен бери бул илдеттен Баткен облусунан бир киши каза болду. Жалпысынан көз жумгандардын саны 1 196 адамга жетти.
Соңку бир күн ичинде вирус дагы 499 адамдан табылды. Алардын эң көбү Бишкек шаарында – 108 киши жана Чүй облусунда 83, Жалал-Абад облусунда 70, Ысык-Көлдө 59, Ош облусунда 52 бейтап.
Оору жуккандардын жалпы саны 65 953 кишиге жетти.
Бир күндө 540 адам сакайып чыгып, оорудан айыккандардын саны 56 847 кишиге жетти. Ушул күндөрү ооруканада 3 315 адам жатат, дагы 3 905 бейтап үйдөн дарыланууда.
Кыргызстанда март айынын этегинде башталган эпидемия июль айында курчуп, көп киши каза болгон. Сентябрдын башында каза болгондор катталбай калган. Оорунун экинчи толкуну октябрда башталды.
Коронавируска каршы республикалык ыкчам штабдын бүгүнкү, 14-ноябрдагы маалыматына караганда, кечээтен бери бул илдеттен Баткен облусунан бир киши каза болду. Жалпысынан көз жумгандардын саны 1 196 адамга жетти.
Соңку бир күн ичинде вирус дагы 499 адамдан табылды. Алардын эң көбү Бишкек шаарында – 108 киши жана Чүй облусунда 83, Жалал-Абад облусунда 70, Ысык-Көлдө 59, Ош облусунда 52 бейтап.
Оору жуккандардын жалпы саны 65 953 кишиге жетти.
Бир күндө 540 адам сакайып чыгып, оорудан айыккандардын саны 56 847 кишиге жетти. Ушул күндөрү ооруканада 3 315 адам жатат, дагы 3 905 бейтап үйдөн дарыланууда.
Кыргызстанда март айынын этегинде башталган эпидемия июль айында курчуп, көп киши каза болгон. Сентябрдын башында каза болгондор катталбай калган. Оорунун экинчи толкуну октябрда башталды.
АКШ президенти Дональд Трамп коронавируска каршы вакциналар 2021-жылдын апрель айына чейин кеңири колдонула баштарын айтты.
Ал бул тууралуу АКШда ооруну жуктургандардын саны рекорддук көрсөткүчкө жетип, айрым штаттарда чектөөлөр киргизилип жаткан кезде билдирди.
Америкалык «Pfizer» жана германиялык «BioNTech» компаниялары ушул аптада биргелешип чыгарган COVID-19га каршы вакцинасы сыноонун үчүнчү баскычында 90% натыйжалуу экенин көрсөткөн.
Трамп «Pfizer» вакцинасын чукул колдонууга макулдук берүүнү күтүп жаткандыгын да кошумчалады. «Warp Speed» операциясын жетектеген Монсеф Слоуинин айтымында, Америка Кошмо Штаттары жылдын аягына чейин бекитилген эки коронавирус вакцинасын алса болот жана 20 миллион доза кийинки айда саламаттык сактоо кызматкерлерине жана калктын аялуу катмарына таратылышы мүмкүн.
Трамп вакцина жана дарылоо ыкмаларын иштеп чыгууну «АКШнын тарыхындагы эң ири мобилизация» деп атады. Ушул аптанын башында улуттук инфекциялык адис доктор Энтони Фаучи вакциналар апрель, май жана июнь айларында бардык америкалыктарга жеткиликтүү болорун билдирди.