Коронавируска каршы күрөш боюнча республикалык штабдын 17-октябрдагы маалыматына караганда, акыркы бир суткада дагы 21 медицина кызматкери илдетти жуктуруп алды. Алар:
- Баткен облусунда – 6;
- Жалал-Абад облусунда – 5;
- Бишкек шаарында – 5;
- Ысык-Көл облусунда – 3;
- Талас облусунда – 1;
- Ош шаарында – 1.
Ал эми акыркы суткада стационардан алты, үй карантининен 11 медкызматкер чыгарылды.
Жалпысынан республика боюнча COVID-19 диагнозу менен медициналык кызматкерлер арасында – 3529 учур катталды, алардын 3145и сакайды.
Марттан бери вирус жугузуп алгандардын расмий эсеби 51490 адамды түздү. Анын 1108и жашоо менен кош айтышып, 45 509у айыкты.
Вице-премьер-министр Аида Исмаилова коронавируска каршы кыргыз өкмөтү жүргүзүп жаткан иштер чабал экенин айтты.
Бул тууралуу облустардагы саламаттык сактоо тармагындагы жетекчилер жана адистер менен 17-октябрда өткөрүлгөн онлайн кеңешмеде билдиргенин өкмөттүн басма сөз кызматы кабарлады.
Исмаилова илдетке каршы республикалык штабдын жыйынында айтылган маалыматтар менен онлайн кеңешмеде берилген маалыматтар эки башка чыгып жатканын белгиледи.
Анын айтымында, жетекчилер жеке коргонуу каражаттары, медициналык жабдуулар, дары-дармек каражаттары жетиштүү деп маалымат бергени менен, иш жүзүндө ага шайкеш келбеген учурлар болууда.
Кыргызстанда коронавирус жуктургандар алгач мартта аныкталган. Июнь-июль айларында бейтаптар жана өлгөндөр кескин көбөйгөн. Август-сентябрда оору бир аз басаңдап, октябрда кайрадан күчөдү жана өлүм саны өсүүдө. 17-октябрга карата бир суткада 470 адамдан оору аныкталып, беш киши каза болду. Бишкекте жана аймактарда кайрадан күндүзгү стационарлар ачылып, 118 номурундагы сурап-билүү кызматы жанданды.
Марттан бери вирус жугузуп алгандардын расмий эсеби 51490 адамды түздү. Анын 1108и жашоо менен кош айтышып, 45509у айыкты.
Республика боюнча COVID-19 диагнозу менен медициналык кызматкерлер арасында – 3529 учур катталды, алардын 3145и сакайды. Сексенден ашуун медкызматкер көз жумду.
Коронавируска каршы күрөш боюнча республикалык штабдын 18-октябрдагы маалыматына караганда, Кыргызстанда акыркы бир суткада COVID-19 илдетинен үч адам каза болду. Ош, Нарын облустарында бирден киши, дагы бири Бишкекте.
Коронавирус акыркы суткада дагы 554 кишиден жаңы аныкталды. Мурда ооругандардын 227си айыкты.
Оору жаңы такталган учурлар:
- Бишкек - 88;
- Жалал-Абад облусу – 143;
- Ош облусу - 105;
- Баткен облусу - 90;
- Ош шаары - 38;
- Чүй облусу – 46;
- Ысык-Көл облусу – 26;
- Талас облусу - 12;
- Нарын облусу – 6;
Марттан бери вирус жугузуп алгандардын расмий эсеби 52 044 адамды түздү. Анын 1111и жашоо менен кош айтышып, 45 736сы сакайды.
Статистика боюнча учурда вируска чалдыккан 2 489 бейтап стационарда, 2 232 киши үй шартында дарыланып жатат.
2019-жылдын декабрында Кытайдын Ухань аймагынан тараган коронавирус 188 мамлекетке жайылды.
Коронавируска каршы күрөш боюнча республикалык штабдын 19-октябрдагы маалыматына караганда, акыркы суткада дагы 482 кишиден вирус аныкталды.
Акыркы эки аптадан бери биринчи жолу бир суткада киши өлүмү катталган жок. Буга чейин коронавирус жугузуп алгандан кийин кайтыш болгондордун саны 1111 кишиге жеткени маалымдалган.
Марттан бери вирус жугузуп алгандардын расмий эсеби 52 526 адамды түздү. Анын 45 863ү сакайганы айтылды. Бир күндө 127 адам ооруканалардан айыгып чыкты.
Статистика боюнча учурда вируска чалдыккан 2550 бейтап стационарда, 2518и үй шартында дарыланууда.