Быйыл кургакчылык Орто Азия чөлкөмүн катаал сыноого салды. Айрыкча Казакстандын Мангыстау облусунда тарыхта болуп көрбөгөндөй жут ушу күнгө чейин бери эле дегенде үч миңдей мал-жандыктын башын жалмады. Жергиликтүү малчылар тоюттун ордуна койлорго кагазды сууга эзип бергенге аргасыз. Казакстанда болуп жаткан жуттун кесепети Кыргызстанга кандай таасирин тийгизиши мүмкүн? Кыргызстандын малчылары кышка даярбы? "Биз жана дүйнө" телеберүүсүнүн бул жолку чыгарылышында ушул суроолорго жооп издейбиз.