37 жаштагы Амир Хайдерхан Хоти жакында Пакистандагы эң бир оор кызматтардын бирине келгени жатат. 18-февралдагы парламенттик шайлоодо анын секулярдык улутчул Авами Элдик партиясы бир топ мандаттарды утуп алгандан кийин, Хоти радикал экстремисттик күчтөрдүн уюткусу саналган Tүндүк-Батыш Чек ара провинциясына мамлекеттик министр болуп дайындалды. “Азаттыктын” ооган кызматына берген маегинде Хоти талибдер менен “ал-Каидачыл” козголоң күч алып жатканына карабастан, тынчтыкты жана коопсуздуктук бекемдөөгө убада кылды. Маекти Жаңыл Жусубжан даярдады. Биринчи суроо акимдин жаңы ишиндеги башкы милдеттер туурасында болду.
Амир Хайдерхан Хоти: -Алдыда көп кыйынчылыктар бар, бирок баарынан да коопсуздук маселеси маанилүү. Биздин аймактагы кырдаал акыркы жылдары айрыкча курчуп кетти. Бул пуштун элинин башына мүшкүл салды. Ошондуктан биз ата-журтубузда тынчтыкты жана коопсуздукгу калыбына келтирүү үчүн бардык аракетибизди жасайбыз.
“Азаттык”: - Бул максатка кайсы жолдор менен барасыңар?
Амир Хайдерхан Хоти: -Биздин максаттарыбыз айдан ачык. Биз сүйлөшүүлөр, уруу кеңештери жана диалог аркылуу аракеттенебиз.
“Азаттык”: -Бирок Пакистан өкмөтү буга чейин да талибдер менен сүйлөшүп, 2004-жылы, 2005-2006-жылдары тынчтык келишимдерине кол коюшкан, бирок козголоң маселесинде өзгөрүү болгон жок. Азыркы сүйлөшүүлөрдөн майнап чыгаарына кантип ишенсек болот?
Амир Хайдерхан Хоти: -Ал сүйлөшүүлөр жана уруулар кеңештери жаатында катачылыктар кетирилген. Аллах кааласа, биз ал каталардан таалим алып, мындай кемчиликтерди кайталабаганга аракет кылабыз. Биз калктын, уруу аксакалдарынын жана динаятчылардын ишеними менен аракеттенебиз.
“Азаттык”: -Силердин партия коогалаңдуу Сват аймагында ири жеңишке жетишти. Бул маанилүү аймактагы кырдаалды кандай жолдор менен жөнгө саласыңар?
Амир Хайдерхан Хоти: -Биз Сваттагы кырдаалга байланыштуу кеңири кеңеш-таңаш иштерин баштадык. Парламенттин мүчөлөрү менен талкуу жүргүзүп, аксакалдар менен жыйын өткөрдүк. Аллах кааласа, биз Сватта сүйлөшүү жана уруу кеңештери менен талкууларды баштайбыз.
“Азаттык” : -Тилекке каршы, пуштундарды бүгүн дүйнөдө согуш дегенде жантыгынан жата калган эл деп билишет. Буга кандай деп жооп берет элеңер?
Амир Хайдерхан Хоти: -Пуштундар тынчтыкты сүйгөн эл, бирок тилекке каршы алар бөтөн бирөөлөрдүн согушунун капканында калышты. Бүгүн ар бир пуштун тынчтык болсо экен, тынч болсо экен деп тилейт.
Сүрөт img.travel.ru интернет баракчасынан алынды
“Азаттык”: - Бул максатка кайсы жолдор менен барасыңар?
Амир Хайдерхан Хоти: -Биздин максаттарыбыз айдан ачык. Биз сүйлөшүүлөр, уруу кеңештери жана диалог аркылуу аракеттенебиз.
“Азаттык”: -Бирок Пакистан өкмөтү буга чейин да талибдер менен сүйлөшүп, 2004-жылы, 2005-2006-жылдары тынчтык келишимдерине кол коюшкан, бирок козголоң маселесинде өзгөрүү болгон жок. Азыркы сүйлөшүүлөрдөн майнап чыгаарына кантип ишенсек болот?
Амир Хайдерхан Хоти: -Ал сүйлөшүүлөр жана уруулар кеңештери жаатында катачылыктар кетирилген. Аллах кааласа, биз ал каталардан таалим алып, мындай кемчиликтерди кайталабаганга аракет кылабыз. Биз калктын, уруу аксакалдарынын жана динаятчылардын ишеними менен аракеттенебиз.
“Азаттык”: -Силердин партия коогалаңдуу Сват аймагында ири жеңишке жетишти. Бул маанилүү аймактагы кырдаалды кандай жолдор менен жөнгө саласыңар?
Амир Хайдерхан Хоти: -Биз Сваттагы кырдаалга байланыштуу кеңири кеңеш-таңаш иштерин баштадык. Парламенттин мүчөлөрү менен талкуу жүргүзүп, аксакалдар менен жыйын өткөрдүк. Аллах кааласа, биз Сватта сүйлөшүү жана уруу кеңештери менен талкууларды баштайбыз.
“Азаттык” : -Тилекке каршы, пуштундарды бүгүн дүйнөдө согуш дегенде жантыгынан жата калган эл деп билишет. Буга кандай деп жооп берет элеңер?
Амир Хайдерхан Хоти: -Пуштундар тынчтыкты сүйгөн эл, бирок тилекке каршы алар бөтөн бирөөлөрдүн согушунун капканында калышты. Бүгүн ар бир пуштун тынчтык болсо экен, тынч болсо экен деп тилейт.
Сүрөт img.travel.ru интернет баракчасынан алынды