"Азаттыктын" Прагадагы кеңсесинин кызматкери. Кыргыз улуттук университетинин чет тилдер факультетин аяктаган.
Саддамдын туткундалышы “Ирактын массалык кыргын салуучу куралы барбы?” деген маселени кайрадан жандантты. Согуш баштоонун алдында Вашингтон дал ошол куралдын коркунучун башкы жүйөө катары пайдаланган эле. Айрым эксперттер курал эчак эле жок кылынган болушу керек деп божомолдошот. Экс-диктатордун кармалышы бул суроого айкындык киргизеби?
Шейшембиде БУУнун Коопсуздук Кеңешинде Ирактын саясий келечеги жана өлкөдөгү бийликти жергиликтүү органдарга өткөрүп берүүнүн процедуралары талкуулана баштады. Ирактын Убактылуу Башкаруу кеңешинин тышкы иштер министри Зебари Саддамдын режимине жасаган пассивдүүлүгү үчүн Улуттар Уюмун сындады. Ошол эле учурда Багдаддын өкүлү өткөөл мезгилде БУУдан көбүрөөк жардам талап кылынаарына басым жасады.
Соңку кабарларга караганда, Саддам Хусейндин сурактагы алгачкы маалыматтарына таянып, америкалык жоокерлер Ирактын айрым мурдагы аскер төбөлдөрүн камакка алууга жетишти. Ошентип, Саддам Хусейн АКШга каршылык көрсөткөн кээ бир топтор менен байланышта болгону тастыкталууда.
Шаршембиде “Ассошийиетед Пресс” маалымат агенттигинин журналисттери колдоруна ооган колбашчысы Гүлбеддин Хекматиярдын кайрылуусу тартылган видеокассета түшкөнүн кабарлашты. Анда ооган өкмөтүнүн мурдагы премьер-министри Хекматияр мекендештерин АКШ баштаган коалицияга каршы күрөшүүгө үндөйт.
10-декабрда Осло менен Стокгольмдо Нобель сыйлыгын тапшыруу аземдери болуп өттү. Быйыл Нобель тынчтык сыйлыгына алгачкы ирет мусулман аял, ирандык укук коргоочу Ширин Эбади татыктуу болду.
БУУ ишемби күнкү Ооганстандагы кайгылуу окуяны терең иликтөөгө чакырды. Ал күнү америкалык аскерлердин соккусунан 9 бейкүнөө бала набыт болгон. АКШ өкмөтү кырсык үчүн оогандардан кечирим сурады, бирок кыштактын жашоочулары АКШ күчтөрүнө карата ачуусун жашырышпайт. Байкоочулардын айрымдары болсо бул өңдүү жаңжалдуу окуя биринчи жолу болуп жатпагандыгын белгилешүүдө.
Россияда депутаттык мандат үчүн ат салышуу өз марасына жакындап калды. 450 орундуу Мамлекеттик думанын жарымы партиялык тизмелер боюнча, калган жарымы - бир мандаттык округдардан шайланмакчы. Байкоочулар бул жолку шайлоо өнөктүгү кремлчил “Бирдиктүү Россия” партиясынын үстөмдүгү алдында өтүп жатат дешүүдө. Россиядагы парламенттик шайлоого арналган түрмөктүн алгачкы бөлүгүн сунуш этебиз.
Эми Грузиядагы окуялар жөнүндө сөз кылабыз. Соңку күндөрү баш калаа Тбилисиде айырым аскерий төбөлдөр жаңы жетекчиликке нааразылык иретинде төңкөрүш даярдап жатышат деген каңшаар кеп тарай баштады. Кээ бир саясий партиялар да келээрки президенттик шайлоону бойкоттой турганын айтышууда. Убактылуу президент Нино Буржанадзе болсо Грузиянын автономиялуу жумурияттарынын жетекчилерин чогулткандыгы үчүн Москвага нааразылыгын билдирди.
Шейшембиде Бириккен Улуттар Уюмунун СПИД менен күрөшүү программасы жаңы отчетун жарыялады. Анда Чыгыш Европа менен Борбор Азиянын бүтүндөй жаңы мууну 20-кылымдын чумасы деген атка конгон илдеттин коркунучу алдында экени айтылат.
Дүйнөнүн бир катар лидерлери жана эл аралык уюмдар Грузиянын президенти Эдуард Шеварднадзенин эч кандай кан төгүүгө жол бербестен, бийликтен кеткен кадамын кубаттап жатышат. Грузиядагы соңку окуялар эл аралык басма сөздө да кеңири талкууга алынып жатат.
Грузиянын президенти Эдуард Шеварднадзе бүгүн кечинде кызматынан чегинүү жөнүндө жарыя кылды. Оппозиция ага коопсуздук кепилдиктери берилет деп билдирди. Тбилисинин көчөлөрүнө чыккан эл “баркут ыңклабынын” жеңишин майрамдашты. Оппозиция лидери Саакавшили бүгүнкү күндү тарыхый бурулуш катары баалады.
“Кызыктуулар дүйнөсүнө” кезек беребиз. Бугүнкү чыгарылышта Германияда, Кытайда жана башка өлкөлөрдө катталган кызыктуу, таң калтыраарлык жана ажайып окуялар тууралуу сөз болот.
Эми Балкандагы окуялар тууралуу сөз кылабыз. Черногорияда, б.а. Монтенегродо жакында пост-югославиялык доордогу алгачкы эл каттоо өткөрүлдү. Кадыресе статистикалык маалымат чогултуу жараяны бул Балкан жумуриятында саясий өнөктүккө айланып кетти. Айрым жергиликтүү аналитиктер мындай көрүнүштү сербчил оппозициянын өлкөдөгү саясий демилгени өз колуна алуу аракети катары баалап жатышат.
Иракты башкаруу келеээрки июн айына чейин америкалык жетекчиликтен жергиликтүү өткөөл өкмөткө өткөрүп берилүүгө тийиш. Ушундай билдирүү ишемби күнү америкалык администратор Пол Бремер менен Ирактын Башкаруу кеңешинин мүчөлөрү ортосундагы жолугушуудан кийин жасалды. Ирактагы коопсуздук абалы Вашингтон администрациясын баштапкы пландарын өзгөртүүгө мажбурлаган өңдөнөт.
Гиннесс китеби жарым кылымга жакын убакыттан бери дүйнөдө болгон ар түрдүү кызыктуу жетишкендиктерди каттоого алып келатат. Эми болсо китеп өзү рекордсмендердин катарына кошулуп отурат: жакында анын 100 миллионунчу нускасы жарык көрдү.
Кезектеги диний уктуруубуздан Италиядагы мусулмандар жөнүндө сөз кылмакчыбыз. Жакында Аквила провинциясынын соту Навелли шаарчасындагы башталгыч мектептердин биринде исапарастардын көрнөк бурканынын илинип турушуна нааразы болгон мусулман бир кишинин арызын карап, аны канааттандырды. Италияда көптөгөн талаш-тартыштарды жараткан бул чечим эми кассациялык сотто каралууга тийиш.
Бүгүн Палестин автономиясынын парламенти жаңы кабинеттин курамы боюнча добуш берип, аны бекитти. Парламенттин сессиясында чыгып сүйлөгөн премьер-министр Ахмед Корейи Израиль менен тынчтык сүйлөшүүлөрүн улантууга даяр экенин айтып, “Жол картасы” планынын негизинде тынчтык келишимин иштеп чыгуу үчүн эл аралык конференция өткөрүү демилгесин көтөрдү.
Грузияда бийлик менен оппозициянын тирешүүсү уланып жатат. Жекшемби күнкү сүйлөшүүлөрдө тараптар бир мунасага келе алышкан жок. Өлкөнүн коргоо министри “кырдаал контролдон чыкты” деп билдирди. Борбордук шайлоо комиссиясы болсо нааразылыктын себеби болгон парламенттик шайлоонун толук жыйынтыктарын чыгара элек.
“ЮКОС” компаниясына байланыштуу чуулган президент Путин бийликке келгенден бери Россиядагы эң олуттуу саясий кризиске алып келди дешет айрым байкоочулар. Эмки айга белгиленген парламенттик шайлоонунун жакындап келатканын эске алсак, өлкөгө агылгалап байкоо жүргүзгөн саясатчылар менен аналитиктердин “ЮКОС” ишине болгон кызыгуусун түшүнсө болот. Айнура Жекше кызы теманы улантат.
Евросоюздун конституциясына байланышкан талаштуу маселелер башынан эле арбын экени белгилүү. Жакында аларга дагы бир кычыктуу жагдай кошулду. Атап айтканда, Польша биримдиктин декабрдагы саммитинде бирдиктүү конституциянын долбооруна каршы чыгаарын туюндурган ишаара берди.
Дагы жүктөңүз
