"Азаттыктын" Прагадагы кеңсесинин кызматкери. Кыргыз улуттук университетинин чет тилдер факультетин аяктаган.
Никарагуа Абхазия жана Түштүк Осетия жумурияттарынын көз карандысыздыгын тааныды. Ошентип, бул Борбордук америкалык өлкө Грузиянын жикчил аймактарын тааныган Орусиядан кийинки экинчи мамлекет болуп калды. Айрым кабарларга ылайык, Никарагуанын президенти Даниэл Ортега Москванын турумун колдой турганын билдирди.
АКШнын жээгине кечээ түш чакта жеткен “Густав” ураганы адистер болжолдогонодой күчтүү болгон жок. Байкоочулардын баамында, республикалык партиянын талапкери сенатор Жон МакКейн өзүн чукул кырдаалдарды жөндөөгө кудуреттүү саясатчы катары көрсөтө алды. Катуу шамалдан улам партиянын курултайына бир катар өзгөртүүлөр киргизилген эле.
АКШнын түштүк-чыгыш жээгине жакындаган катуу шамал республикалык партиянын курултайына бир топ өзгөртүүлөрдү киргизүүгө мажбур кылды. Буга чейин “Густав” деп аталган ураган Доминикан жумурияты менен Кубада 80дей кишинин өмүрүн алып кетти.
Экинчи дүйнөлүк согуштан кийин Европада орун алган эң ири кыргынды жетектеген адам 13 жылдан кийин колго түшүрүлдү. Босниялык сербдердин Балкан согушу учурундагы лидери Радован Каражич эми Гаагадагы эларалык трибунал тарабынан соттолот.
Израиль жана ливандык шийлердин “Хезболла” кыймылы туткундар менен алмаша башташты. “Хезболла” Кызыл чырым уюмуна 2006-жылы кармалып кеткен эки жөөт аскердин сөөгүн тапшырды. Ал үчүн Израиль ливандык 5 туткунду кайтарууга тийиш.
Даниялык гезитке байланышкан жаңжал тынчый баштагансыды эле, америкалык “Нью-Йоркер” журналы жаңы талаштуу карикатура басып чыгарды. Бул жолу тамаша сүрөттө АКШнын президенттигине талапкер, демократ-сенатор Барак Обама жана анын жубайы куралчан, террорчулардын келбетинде тартылган. Журнал сүрөттү Обама жөнүндөгү айың-кептерге сатира катары бааласа, сенатордун штабы карикатураларды “жагымсыз жана кемсинтүүчү” деп сыпаттады.
Жер ортолук деңиз боюндагы жана Европа биримдигине кирген мамлекеттердин 40тан ашуун жетекчилери Парижде чогулушту. Франциянын президенти Николя Саркозинин демилгеси менен өтүп жаткан жыйында Жер ортолук деңиз биримдиги түзүлмөкчү. Саммитте регионалдык маселелер, анын ичинде иммиграция, айлана-чөйрөнүн булганышы талкууга алынат.
Кечээ АКШнын мамлекеттик катчысы Кондолиза Райс “Эркин Европа/Азаттык” радиосунун Прагадагы баш кеңсесинде болуп, Иран кызматына эксклюзивдүү интервью берди. Райс Ирандын өзөктүк программасынан улам келип чыккан кризисти дипломатиялык жол менен чечсе болот деп айтты. Ошол эле маалда мамкатчы “Вашингтон Ирандын өзүндө улуттук азчылыктардын нааразылык чыгууларын тутандыруу иштерин каржылоодо” деген кабарларды төгүндөгөн жок.
Эң өнүккөн мамлекеттердин башын бириктирген Чоң сегиздин лидерлери Жапониянын Хоккайдо аралына келе башташты. 7-9-июлда ал жердеги Тояко курортунда жылдык саммит өтмөкчү. Бул жолку жыйын да нааразылык демонстрациялары менен коштолууда.
“Азаттыктын” түркмөн кызматына маал-маалы менен маек берип жүргөн, тарых мугалими Сазак Дурдымурадов камактан бошотулду. Анын “Түркмөн Гулагы” деген атка конгон психиатрикалык клиникага жайгаштырылышы укук коргочулардын нааразылыгын жараткан.
Өзбекстандын мамлекеттик маалымат каражаттары “Азаттыктын” өзбек кызматына каршы үгүттөө иштерин улантышууда. Бир нече жума мурун өлкөнүн бир катар телеканалдары радиону каралаган документалдык фильмди көргөзүшкөн эле. Бул аралыкта Каримовдун өкмөтү Европа биримдиги менен адам укуктары чөйрөсүндөгү абалды жакшыртуу жөнүндө сүйлөшүү жүргүзүп жатат.
Бүгүн (шейшембиде) Франция Европа кеңешине жарым жылга төрагалык кыла баштады. Париж бул мөөнөткө ири пландары бар экенин жар салып келген эле. Бирок ирландиялыктар Лиссабон келишимин четке каккандан кийин блок кайрадан кризиске батты. Окуялардын мындай өнүгүшү Париждин ишин кыйындатышы мүмкүн.
Европа Кеңешинин Парламенттик ассамблеясы (PАСЕ) үстүбүздөгү жумада жайкы сессиясына чогулду. Адатта жумшактыгы үчүн сындалып келген уюм бул жолу жаңы мүчө мамлекеттердеги адам укуктарынын абалын катуу сындады.
26-июнда Еврошаркеттин лидерлери Орусиянын жаңы президенти Дмитрий Медведев менен алгачкы жолу жолугушушат. Атап айтканда, Сибирдеги Ханты-Мансийск шаарында стратегиялык шериктештик келишими боюнча сүйлөшүүлөр өтмөкчү. Медведев Европа комиссиясынын төрагасы Жозе Мануэл Баррозо менен биримдиктин тышкы саясат боюнча жооптуу өкүлү Хавьер Солананы кабыл алат.
Жакынкы Чыгыштагы сапарын аяктап жатып, президент Николя Саркози Палестин мамлекетин түзүү Франция үчүн приоритет деп билдирди. Кечээ Саркози Иордан дарыясынын Батыш жээгинде Палестин автономиясынын лидери Махмуд Аббас менен жолугушту. Анын алдында француз мамлекет башчысы Израиль парламентинде сөз сүйлөгөн.
Үстүбүздөгү аптада Европа кеңешинин парламенттик ассамблеясы (ПАСЕ) жайкы сессиясына чогулат. Күн тартибине башка маселелер менен катар Азербайжандагы адам укуктарынын абалы боюнча докладды угуу киргизилген. Өлкө Европа кеңешине мындан 7 жыл илгери кирген. Айрым жергиликтүү саясатчылар кеңеш өлкөнүн демократиялык өнүгүшүнө салым кошуудабы? - деп күмөн санашат. “Азаттык” радиосунун Азербайжан кызматынын кабарчылары Кенан Алиев жана Хадижа Исмаилова маселеге сереп салышкан эле.
Ишембиде Пакистан аймагынан атылган ракеталардан Ооганстандын 5 карапайым тургуну каза тапты. Бул тууралуу Ооганстандын расмий өкүлдөрү жана коалиция күчтөрүнөн билдиришти. Пакистан менен Ооганстан ортосундагы мамилелер --> /rubrics/security/ky/2008/06/0959972A-307E-48A5-A4DB-C287A032CAF1.asp ансыз да курчуп кеткен.
Талапкерлик жарышын жаңы эле аяктаган Барак Обама президент болуп шайланса, Ирандын ядролук куралга ээ болушун алдын алуу үчүн бар аракетин жумшаарына убада берди. АКШ-Израиль Коомдук иштер комитетинде сүйлөгөн Обама ошондой эле Израилдин коопсуздугу анын администрациясынын приоритети болот деп ишендирди.
Кошмо Штаттардын мамлекеттик катчысы Кондолиза Райс АКШ-Израил Коомдук иштер комитетинин жылдык жыйынында чыгып сүйлөп, эки өлкөнүн алакаларын сөз кылды. Бирок докладынын ири бөлүгү Иранга --> http://rfe.azattyk.org/rubrics/politics/ky/2008/05/445F74DE-57F7-45ED-AB34-71C7DCC6195C.asp жана Райстын сөзү менен айтканда, ал өлкө туудуруп жаткан коркунучка арналды.
АКШда күзгү президенттик жарышка катыша турган талапкерлерди тандоо 5 айдай мурун башталган эле. Бүгүн акыркы эки штатта ички партиялык шайлоо өтөт. Республикачылардын атынан Ак Үйдүн кожоюндугуна сенатор МакКейн ат салышаары эбак эле анык болуп калган. Демократтар болсо мурдагы биринчи айым, сенатор Хиллари Клинтон менен сенатор Барак Обаманын --> http://rfe.azattyk.org/rubrics/politics/ky/2008/05/AD0331F5-9FE0-4766-9650-4FF25EC00299.asp оңой эмес күрөшүнө күбө болуп келатышат. Бирок эч кимиси керектүү сандагы делегаттардын добушуна ээ боло алган жок.
Дагы жүктөңүз
