Амирбек Азам уулу

Автору Амирбек Азам уулу

• Август 12, 2003

  ЛИБЕРИЯ: ПРЕЗИДЕНТ ТЕЙЛОР КЕТТИ, ЖАШАСЫН МОЗЕС БЛА!

  Либериянын президенти Чарльз Тейлор эл аралык коомчулук менен өлкө борборун камоого алган эрегишчилердин кысымына туруштук бере албай дүйшөмбү күнү бийликтен кетти. Вице-президент Мозес Бла Нигериядан баш паана тапкан Тейлордун мураскери болуп калды. Ал Либерияны октябрда болчу президенттик шайлоого чейин жетектейт. Башкалаа Монровиядагы жагдайды Батыш Африка өлкөлөрүнүн тынчтык күчтөрү көзөмөлдөөдө.

• Август 12, 2003

  НАТОнун АСКЕРЛЕРИНИН ЕВРОПАДАН ТЫШ ЖАКТАГЫ БИРИНЧИ ТЫНЧТЫК МИССИЯСЫ

  Ооганстандын байтакты Кабулдун коопсуздугун камсыздаган көп улуттуу күчтөрдүн, кыскача англисче аталышы ISAFтин командачылыгы 11-август күнү НАТОго өттү. Түндүк Атлантика уюму эми 54 жыл мурда түзүлгөндөн бери биринчи жолу Европадан тыш жакта эл аралык тынчтык миссиясын аткарат. НАТОнун билдиришинче, ал ISAFтин мандатын алмаштырбайт; Кабулдун жана анын чет жакаларынын гана коопсуздугун камсыздоого көмөктөшөт.

• Август 11, 2003

  ПРЕЗИДЕНТ БУШ: ИРАКТА “ӨТӨ ООР ЖАНА КОРКУНУЧТУУ ИШТЕР БАР”

  Багдадга атайын чакыруу менен келген Кошмо Штаттарынын Федералдык чалгындоо кызматынын адистер тобу бейшемби күнү Иорданиянын элчиканасында болгон жардырууну иликтөөгө жардамдашууда. АКШнын Ирактагы жардандык администрациясынын башчысы Пол Бремер билдиргенге караганда, жардырууну “Ансар ал-Ислам” согушчул тобу менен Саддам Хусейндин жактоочулары уюштурду деп шектелүүдө. Ишемби жана жекшемби күндөрү Басра шаарында электр кубатынын жана күйүүчү майлардын тартыштыгына байланыштуу нааразылык чыгуулар болду.

• Август 08, 2003

  КАЗАКСТАН ДҮЙНӨЛҮК СООДА УЮМУНУН ЭШИГИНДЕ КЕЗЕК КҮТҮҮДӨ

  Дүйнөлүк Соода Уюмуна өтүү Казакстан үчүн өтө маанилүү. Жакында премьер-министр Даниял Ахметов: “Дүйнөлүк Соода уюмуна өтүү-биздин өкмөттүн башкы максаты. Эл аралык уюмга кошулуу экономикалык реформаларды ылдамдатууга түрткү болот”, - деп жарыялаган. Дүйнөлүк Соода Уюмунун жетекчилиги да ушундай көз карашта.

• Август 07, 2003

  ПРЕЗИДЕНТ КАРИМОВ ЭМНЕ ҮЧҮН РОССИЯНЫ МАКТАДЫ?

  Россиянын президенти Владимир Путин шаршемби күнү Самарканд шаарында Өзбекстандын президенти Ислам Каримов менен кездешти. Путин жолугушууда эки өлкө ортосундагы соода азыр “өтө тынчсызданчу” абалда экенине, же акыркы жылдары бештен бирге кыскарып кеткенине көңүл бөлдү. Каримов болсо Россия кемелине толуп баратканына басым жасап, эки тараптуу соода-экономикалык мамилелерди “мурдакы калыбына келтирүү” зарыл деди.

• Август 06, 2003

  АРАБ ЛИГАСЫ ИРАКТЫН БАШКАРУУЧУ КЕҢЕШИН ТААНЫЙБЫ?

  БУУнун башкатчысы Кофи Аннан Улуттар Уюмунун Коопсуздук Кеңешине кайрылып, аны Ирактын Башкаруучу кеңешин таанууга чакырды. Кошмо Штаттары дайындаган Башкаруучу кеңеш, Аннандын айтымында, Ирактын болочок өкмөтүн түзүүдөгү маанилүү алгачкы кадам болуп саналат.

• Июль 19, 2003

  ТИБЕТТИК КЕЧИЛ АЯЛ НГАВАНГДЫН ТАР ЖОЛ, ТАЙГАК КЕЧҮҮСҮ

  Британиянын премьер-министри Тони Блэр жекшембиде Бээжинге иш сапары менен келүүдө. Ал Кытайдын төрагасы Ху Цзинтао жана башка расмий жетекчилер менен жолугат. “Хюман райтс уотч” жана башка эл аралык укук коргоо уюмдары жана бозгунчулукта жүргөн тибеттик саясатчылар менен коомдук ишмерлер Тони Блэрден Бээжиндеги сүйлөшүүлөрү маалында Тибеттеги адам укуктарынын маселесин козгоосун өтүнүүдө. Эми бозгунчулукта жүргөн даңазалуу тибет кечил айымы Нгаванг Сандролдун өмүрдүк күрөшү тууралуу баянга назар салыңыздар. 13 жашында Кытай бийликтери абакка салып, өмүрүнүн 21 жылын түрмөдө өткөргөн бул айым азыркы тапта Далай Ламанын соңку саясатын, атап айтканда, Тибет Кытайдын курамында кала берсин, бирок аймактык кеңири автономияга ээ болсун деген талабын колдоодо.

• Июль 06, 2003

  C. ШУШКЕВИЧ: МЕН БИЙЛИККЕ ЖАБЫШПАЙ АБИЙРИМДИ САКТАП КАЛГАНЫМ ҮЧҮН СЫЙМЫКТАНАМ (Маек, 2-бөлүк)

  С.Шушкевичтин ысмы 20 кылымдын аяк ченинде болгон өтө ири саясый окуя-Белорус, Россия жана Украинанын мамлекет башчыларынын Беловеж токоюндагы СССРдин кыйроосуна алып келген келишимге кол кою жана Көз карандысыз мамлекеттер шериктешиги-КМШнын түзүлүшү менен менен байланышкан. Себеби, 1991-94-жылдары С. Шушкевич Белорус Жогорку Кеңешинин төрагасы же Белорустун биринчи лидери болгон. Соңку жылдары Станислав Станиславович оппозициядагы социал-демократтык партиянын төрагасы. Ал жакында “Эркин Европа/Азаттык” радиосунун 50 жылдык мааракесине сый конок катары келип, “Күнкорссуздук жана эркиндик” деген темада доклад жасады. С. Шушкевич менен кабарчыбыз Амирбек Азам уулу өткөргөн маектин 2-чи бөлүгүндө Белорус-Россия союзу, бийлик табияты, белорус шайлоочуларынын аны эмес, А. Лукагенкону колдоосунун себептери жөнүндө кеп болот.

• Июнь 30, 2003

  ИРАНДЫК ПАРЛАМЕНТАРИЙЛЕРДИН НААРАЗЫЛЫК АКЦИЯСЫ

  Ишемби күнү Иран парламентинин төрт мүчөсү 48 сааттык нааразылык акциясын баштады. Парламентарийлер ай башында болгон 10 күндүк антиөкмөттүк толкундоолордун катышуучуларын абактан бошотууну, аларга кандай мамиле жасалганы жана алардын кандай шартта кармалып жатканы жөнүндө маалымат берүүнү талап кылышууда. Ырасмий маалыматтар боюнча, азыр абакта отурган 2 миңдей адамдын 800гө жакыны студенттер.

• Июнь 30, 2003

  С. ШУШКЕВИЧ: БИРДИКТҮҮ ЭКОНОМИКАЛЫК МЕЙКИНДИК БАРДЫК ТАРАПТАР ҮЧҮН ПАЙДАЛУУ (1-бөлүк)

  Академик-физик Станислав Станиславович Шушкевич Белорустун оппозициядагы Социал-демократтык Храмада партиясынын төрагасы. С. Шушкевич 1991-жылкы Москвадагы ишке ашпаган август төңкөрүшүнөн кийин Белорус парламентинин төрагасы шайланып, 1994-жылдын жайына чейин республиканын биринчи жетекчиси болгон. Станислав Шушкевичтин ысмы СССРдин кыйроосуна алып барган Беловеж келишими менен да байланыштуу. Экс-спикер кабарчыбыз Амирбек Азам уулу менен болгон маегинин биринчи бөлүгүндө КМШ өлкөлөрүнүн экономикалык союзун түзүүнүн зарылдыгы, сөз эркиндиги жана постсоветтик республикалардын демократиялык жолдон артка кайтуу себептери жөнүндө сөз болот.

• Июнь 26, 2003

  КУМСА ЕПИСКОП АНГЛИКАН ЧИРКӨӨСҮН ЫДЫРАТАБЫ?

  Англикан чиркөөсү - дүйнөдөгү 70 миллиондон көп протестант-англикандарды бириктирет. Ал Британиянын мамлекеттик чиркөөсү. Соңку жылдары борчу өсүп, жамаат саны азайып бараткан чиркөө азыр эми кумса адам епископ дайындалганга байланыштуу жарылып-бөлүнгөнү турат.

• Июнь 22, 2003

  АДАМЗАТ ТАРЫХЫН 980 МИЛЛИОН ЖЫЛ МЕНЕН ЭСЕПТЕГЕН МАНДЕЙЛЕР

  Христианчылыкка чейин эле белгилүү болгон мандейлер Иса пайгамбардан мурда өткөн Иоанн Баптистти пир тутушат жана өздөрүнүн динин Адам Ата заманынан башат алат деп билишет. Ирактын түштүгүндө жана Түштүк Батыш Иранда жашаган байыркы диний жамааттын үрп-адаттары кандай?

• Июнь 21, 2003

  АКШ МЕНЕН ЕВРОПАНЫН СООДА ЧАТАГЫ

  Евробиримдиктин аткаруу органы -Еврокомиссия Кошмо Штаттарын европалык товарларды ички базарына киргизбөө аракетин жасоодо деп күнөөлөп, Дүйнөлүк соода уюмуна арызданмак болууда. Бул Евробиримдик менен АКШ ортосундагы биринчи соода таймашы эмес жана анын өзгөчөлүгү-талаш Ирак согушуна байланаштуу осолдой түшкөн трансатлантикалык мамилелерди чагылдырат.

• Июнь 20, 2003

  ФРАНЦУЗ ПОЛИЦИЯСЫНЫН ИРАНДЫК “МУЖАХИДДИН-И-ХАЛК” ОППОЗИЦИЯЧЫЛ ТОБУНА КАРШЫ КАПЫЛЕТ ЖОРТУУЛУ

  Француз полициясы шейшемби күнү Париждин ар кайсы бөлүгүндө капылет өткөрүлгөн атайын операция учурунда “Мужахиддин-и-Халк” тобунун 160ка жакын мүчөсүн камакка алды. “Мужахиддин-и-Халк” - оппозициядагы Ирандын каршылык көрсөтүү улуттук кеңеши партиясынын куралдуу канаты. Француз бийликтеринин күтүүсүз кадамы уюмдун Парижде жана Лондондо жашаган тарапкерлеринин нааразычылыгын жаратты. Ал түгүл ирандык төрт аял өзүн өрттөп, алардын бирөө мерт болду.

• Июнь 19, 2003

  ИРАН МАГАТЭГЕ МОЮН ТОЛГООСУН ТОКТОТОБУ?

  Атомдук энергия боюнча эл аралык агенттиктин Венада өтүп жаткан жыйынынын күн тартибиндеги негизги маселе - Ирандын өзөктүк программасы болууда. Агенттиктин өкүлү Мелисса Флеминг айымдын сөзү менен айтканда, буга Ирандын өзөктүк программасы амбициялуу максатты көздөгөнү себеп болгон. Ошондуктан, Улуттар Уюмунун жетеги астындагы уюм жана бир катар ядролук державалар Ирандын Өзөктүк куралдарды жайылтпоо жөнүндөгү келишимге кошумча протоколго кол коюусун талап кылышууда.

• Июнь 18, 2003

  ИРАН ӨЗӨКТҮК КУРАЛДЫН ҮСТҮНӨН ИШТЕП ЖАТАТ ДЕГЕН КЕП ЧЫН ЧЫГЫП КАЛБАСЫН...

  Дүйшөмбү күнү Атомдук энергия боюнча эл аралык агенттиктин башкы директору Мохаммед эл-Барадейи Иранды Өзөктүк куралдарды жайылтпоо жөнүндөгү келишимге кошумча протоколго кол коюуга чакырды. Протоколго кол коюлса, Улуттар Уюмунун эксперттери Ирандагы шектүү көрүнгөн бардык жайларды текшерүүгө мүмкүндүк алат. Ырасмий Тегеран азырынча протоколго кол койбосун билдирди.

• Июнь 16, 2003

  ТЕГЕРАНДАГЫ АНТИӨКМӨТТҮК ТОЛКУНДООЛОР БАШКА ШААРЛАРДА КОЛДООГО АЛЫНДЫ

  Өткөн шейшемби күнү Тегеран университетинде башталган нааразылык акциясы дале басыла элек. Ал турсун ал Ирандын башка шаарларында да антиөкмөттүк толкундоолордун чыгышына түрткү болду. Жекшемби күнү Исфахан, Шираз, Аваз жана Мешхед шаарларында да миңдеген адамдар менен студенттер демонстрацияга чыгышып, президент Хатаминин өкмөтүн реформаны кечеңдетүүдө деп күнөөлөшүп, анын кызматтан кетүүсүн талап кылышканын жергиликтүү маалымат каражаттары кабарлады. Нааразылык акциясы өкмөттүн айрым университеттерди менчиктештирүү планына байланыштуу башталган эле.

• Июнь 16, 2003

  ЧЕХТЕР ЖОГОТКОН ОРДУН КАЙРА ТАПТЫ

  Чехиялыктар жума-ишемби күндөрү болгон референдумда өлкөнүн Европа Союзуна кирүүсүнө макулдук беришти. Референдумдун жыйынтыгы боюнча добуш бергендердин 77,3 проценти Чехиянын ЕСке кошулуусун жактаган. Бул алдын ала эсептөөлөргө караганда бир кыйла жогорку көрсөткүч. Чехиянын премьер-министри Владимир Шпидланын айтымында, өлкө эми “келечекти көздөй кеткен жаңы жолду ачты”.

• Июнь 12, 2003

  БУТПАРАСЧЫЛ ТАЙЛАНДДА ИСЛАМЧЫЛАР КАРМАЛДЫ

  Үстүбүздөгү жуманын башында Тайланддын коопсуздук күчтөрү төрт ислам согушчанын камакка алды. Ырасмий маалыматтарга караганда, алар Сингапурдагы жана Тайландагы чет элдик элчиликтерде жана курорт жайларда жардырууларды уюштурууну пландаштырган деп шектелүүдө. Ал эми байкоочулар Түштүк Чыгыш Азияда мусулман мамлекетин курууну алдына максат кылып койгон “Жемаа Исламия” уюмунун мүчөлөрүнүн кармалышы ислам региондун коопсуздугу жана экономикасы үчүн коркунучтуу күчкө айланып баратканын күбөлөйт дешет.

• Июнь 11, 2003

  РОССИЯ ФЕДЕРАЦИЯСЫНЫН МУРДАКЫ ЖОГОРКУ КЕҢЕШИНИН ТӨРАГАСЫ Р. ХАСБУЛАТОВ: БИЙЛИКТЕГИЛЕР МЕНДЕН КОРКУШАТ...

  7-июнь, жума күнү “Эркин Европа/Азаттык” радиосунун Прагадагы башкеңсесинде радионун түзүлгөндүгүнүн 50 жылдыгына арналган мааракелик илимий конференция өттү. Ага көптөгөн коноктор, алардын ичинде Россия Федерациясынын мурдакы Жогорку Кеңешинин төрагасы Руслан Хасбулатов да келип, “Эркиндик” деген темада доклад жасады. Экс-спикер Кыргыз бөлүмүнүн кызматкери Амирбек Азам уулуна берген интервьюда Борис Ельцин менен болгон эрөөлдө жеңилүүсүнө, Чеченстандагы согуштун сырына жана Кыргызстандагы саясый-экономикалык жагдайга, дагы башка темаларга токтолот.

Дагы жүктөңүз