Амирбек Азам уулу

Автору Амирбек Азам уулу

• Ноябрь 07, 2007

  ФЕДЕРАЛИЗМ – ИРАКТЫН БҮТҮНДҮГҮН САКТООНУН ЖОЛУ

  Нажаф шаарынын губернатору Абу Гулал-федерализм Ирактын региондорун өнүктүрүүнүн эң мыкты жолу деп эсептейт. Гулалдын айтымында, Нажаф шаары Багдад берген жалчыбаган бийликтен пайдаланып, чоң экономикалык ийгиликке: өзүн өзү азык түлүк жана күйүүчү майлар менен жетерлик камсыздоого жетишкен. Гулал губернаторлук тажрыйбасы тууралуу “Эркин Европа/Азыттык” радиосунун Прагадагы башкеңсесине 6- ноябрда келгенде айтып берди.

• Ноябрь 06, 2007

  ТҮРКМӨН ЛИДЕРИ ЕВРОБИРИМДИККЕ ЭЧ КАНДАЙ УБАДА БЕРГЕН ЖОК

  Брюсселге эки күндүк ырасмий визит менен келген Түркмөнстандын президенти Гурбангулы Бердымухаммедовду Евробримдиктин жетекчилиги чоң сыпаачылыктар менен күтүп алышты. Биримдиктин ырасмий адамдарынын “Азаттыктын” кабарчысына айтышынча, түркмөн лидери болочокто өлкөнү авторитардык башкаруудан демократияны көздөй бурса, Брюссель өз ара тыкыс кызматташып, Түркмөнстанга жардам берүүгө даяр. Евробримдик мындай жолду түркмөн газына чыгуунун ишеимдүү жолу катары көрөт сыяктуу.

• Ноябрь 05, 2007

  СААКАШВИЛИ ОППОЗИЦИЯНЫН ПАРЛАМЕНТТИК ШАЙЛООНУ ЭРТЕ ӨТКӨРҮҮ ТАЛАБЫН ЧЕТКЕ КАКТЫ

  Тбилисиде жекшемби күнү да он миңдеген адамдар демонстрацияга чыгып, президент Михаил Саакашвилини бийликтен кетүүгө жана парламенттик шайлоону келерки апрелде же мөөнөтүнөн мурда өткөрүүгө чакырышты. Оппозиция Саакашвилини Грузияны демократия жолунан буруп, өлкөдө авторитардык башкарууну орнотууда деп да күнөөлөп жатат. Саакашвили жекшемби күнү жасаган телекайрылуусунда оппозициянын парламенттик шайлоону мөөнөтүнөн мурда өткөрүү талабын четке какты.

• Ноябрь 03, 2007

  ЧЕХИЯДА КЫРГЫЗСТАНДЫН АРДАКТУУ КОНСУЛДУГУ АЧЫЛДЫ

  1-ноябрда Чехиянын борбору Прагада Кыргызстандын Ардактуу консулдугу ачылды. Ырасмий салтанатка Кыргыз Республикасынын тышкы иштер министринин орун басары Эрмек Ибраимов, элчи Рина Приживойт, дипломаттар, Чехиянын тышкы иштер министрлигинин өкүлдөрү, кыргызстандык студенттер менен эмгек мигранттары жана Чех коомчулугунун өкүлдөрү катышты. Кечеге “Жагалмай” тобу аткарган кыргыздын ыр-күүлөрү шаң берип турду.

• Ноябрь 02, 2007

  МУСТАФА АКЙОЛ: ТҮРКИЯДА ИСЛАМЧЫЛДАР ИСЛАМ МАМЛЕКЕТИН КУРУУНУ КААЛАШПАЙТ

  Түркиянын исламчыл өкмөтү өлкөнү исламдаштыра баштаган жокпу? Өлкө мусулмандары менен дүнүйөвий секулярчылардын саясый көзкараштарындагы айрымачылыктар эмнеде? Ислам дөөлөттөрү демократияга каршы эмеспи? Евробиримдиктин Түркияга эшик жабуусу эмнеге алып барышы ыктымал? Түркия “армян кыргынын” эмне үчүн тааныбай жатат? Ушул маселелер боюнча журналист- илимпоз Мустафа Акйол менен кабарчыбыз Амирбек Азам уулу маектешкен. Доктор Акйол Анкарада англис тилинде чыгуучу “Turkish Daily News” гезитинин башкы редакторунун орун басары.

• Ноябрь 02, 2007

  ТБИЛИСИДЕ «РОЗА ЫҢКЫЛАБЫНАН» БЕРКИ ЭҢ ЧОҢ ДЕМОНСТРАЦИЯ ӨТҮҮДӨ

  2-ноябрда Тбилисиге президент Саакашвилинын бийлигине нааразы он миңдеген эл агалып келүүдө. Бул 2003- жылкы “Роза ынкылабынан” бери оппозиция уюштурган эң чоң демонстрация деп айтылууда. Оппозиция бийликти нааразылык акциясы алдында антипрезиденттик кыймылдын көрүнүктүү өкүлү Ираклий Окруашвилини Грузиядан күчтөп чыгарып жиберди деп да күнөөлөп жатат. Талдоочулардын айтышынча, чоң демонстрацияга карабай, Саакашвилинин өкмөтүн элдин көбү колдойт.

• Ноябрь 02, 2007

  ӨЗБЕКСТАНДЫН ЭКОНОМИКАСЫ 9,8 % ӨСКӨНҮНӨ ТАЛДООЧУЛАР ИШЕНБЕЙТ

  Өзбек бийликтеринин ырасташынча, өлкөнүн экономикасы үстүбүздөгү жылдын алгачкы тогуз айында дээрлик 10 процентке (9,8 %) өскөн. Бирок, маалымат каражаттары жана статистика органдары бийликтин чеңгелинде болгондуктан, серепчилер ички дүң продукция - президент Каримовдун өкмөтү айткандай - 9,8 процентке өскөнүнө ишенишпейт. Карапайым калк да экономикалык жетишкендиктин “үзүрүн” сезишпегенин, тескерисинче, азык-түлүк акыркы айларда кымбаттап кеткенин айтышат.

• Ноябрь 01, 2007

  ГРУЗИЯ ПАРЛАМЕНТИ ОРУСИЯНЫН ТЫНЧТЫК КҮЧТӨРҮН СҮРҮП ЧЫГАРУУГА ЧАКЫРУУДА

  Грузия парламенти аткаруу бийлигине кысым жасап, тынчтык батальонун Абхазиядан чыгарып кетүүнүн мөөнөтүн тактоого шаштырууда. Бул жөрөлгөгө 30- октябрда Грузия- Абхазия ортосундагы бейтарап тилкеде орусиялык тынчтык күчтөрү грузин полициясынын бир нече кызматкерин ур-токмокко алуусу түрткү болду. Парламаент төрагасы Нино Буржанадзенин шаршемби күнү билдиришинче, грузин өкмөтү орусиялык тынчтык аскерлеринин мандатын токтотуу оң тапкан жана аларды эларалык күчтөр менен алмаштырууну сурап БУУга кайрымакчы.

• Октябрь 31, 2007

  СААКАШВИЛИ РОССИЯЛЫК ГЕНЕРАЛДЫ «ПЕРСОНА НОН ГРАТА» ДЕП ЖАРЫЯЛАДЫ

  Россия жана Грузиянын мамилеси осолдооодо. Президент Саакашвили Грузия менен жикчил Абхазия ортосундагы бейтарап коопсуздук аймагына күтүүсүз визит менен барды. Ал Россиянын тынчтык күчтөрүн Москва- Тбилиси арасында “чоң провокацияга” айланчу чатак ишти жасады деп күнөөлөп, алардын комнадачысы, генерал Чабандын өлкөдөн чыгып кетүүсүн талап кылды. Грузин тараптын ырасташынча, 30-октябрь күнү россиялык батальондун жоокерлери Ганмухури кыштагында грузин полициясынын үч кызматкерин камакка алып, ур-токмокко алышкан.

• Октябрь 31, 2007

  ТЕРРОРГО КАРШЫ КҮРӨШ ЖАНА БАТЫШ ИДЕОЛОГИЯСЫ

  Шейшемби күнү “Эркин Европа/ Азаттык” радиосунун Прагадагы башкеңсесинде “Бизди эмне бириктирип турат жана эмне бөлөт?” деген темадагы эл аралык конференция өттү. Анда негизинен 2001-жылдын 11 –сентябрындагы АКШдагы террордук чабуулдардан кийин Ислам өлкөлөрү менен Батыш ортосундагы пайда болгон өз ара ишенбөөчүлүктөн чыгуунун жолдору талкууланды. Докладчылардын пикиринде, Ислам жана Батыш бирин бири түшүнүүсү үчүн өз ара диалог өзгөчө зарыл.

• Октябрь 30, 2007

  АДАМЗАТ ӨЗҮН ТЕРРОРДОН КОРГОО ҮЧҮН БӨЛҮШПӨЙ ДИАЛОГГО БАРА АЛАБЫ?

  “Эркин Европа/ Азаттык” радиосунун Прагадагы башкеңсесинде “Бизди эмне бириктирип турат жана эмне бөлөт?” темадагы эл аралык конференция ачылды. Илимий жыйындын максаты Ислам менен Батыш коомунун ортосундагы чиелешкен суроолордун жандырмагын издөө. Анткени, жыйында докладчылардын бири белгилегендей “диндер арасындагы айрымачылыктарга карабай, цивилизация өзүн коргой билүүсү абзел”. (1- бөлүк)

• Октябрь 30, 2007

  ӨЗБЕКСТАН: ШАЙЛОО ӨНӨКТҮГҮ БИЙЛИК СЫНЧЫЛАРЫН ОМУРООЛОП КОРКУТУУ МЕНЕН КОШТОЛУУДА

  Өзбекстанда 23- декабрда кезектеги президенттик шайлоо болот. Көпчүлүк талдоочулар өлкөнү 18 жылдан бери кыңк эткирбей башкарып келаткан Ислам Каримовдун келерки жети жылга бийликте каларынан шек санашпайт. Ага карабай, шайлоо өнөктүгү бийлик оппонентерин коркутуп- куугунтуктоо, атүгүл айрымдарын садага чабуу менен башталды.

• Октябрь 29, 2007

  АРГЕНТИНАНЫН КАНАЙЫМЫ 13 АТААНДАШТЫ ЖЕҢИП, ПРЕЗИДЕНТ БОЛУП ШАЙЛАНДЫ

  Аргентинанын канайымы Кристина Фернандес Киршнер жекшемби күнкү президенттик шайлоодо жеңип чыкканын жарыя кылды. Борборшайлооком 54 жаштагы Кристина айымдын жеңишин ырасмий тастыктаса, ал 10-декабрда күйөөсүнүн ордуна тактыга отурат. Эрди- зайып Киршнерлер соңку 20 жылда чоң саясатка чогуу аралашып жүргөндүктөн, жубайларды эл арасында “Түштүк Американын Клинтондору” деп коюшат. Бирок, Кристина аны Хиллари Клинтон же Эвита Перрон менен салыштырууга каршы жана “бирөөнү туурабай, өзүңдү каалагандай алып жүргөндөн артык эч нерсе жок” дейт.

• Октябрь 26, 2007

  АКШ ӨКМӨТҮ ИРАНГА ЭКОНОМИКАЛЫК КЫСЫМДЫ ДАГЫ КҮЧӨТТҮ

  АКШ Иранга каршы кошумча санкция киргизээрин жарыя кылды. Ага ылайык, АКШнын банктары Ирандын коргоо министрлигин, Ислам революциясынын сакчылар корпусун, жыйырма ашуун банктарды жана компанияларды, жеке инсандарды тейлебейт. Катаал чара Ирандын Ирактагы жана Жакынкы Чыгыштагы террорчул уюмдарды колдогону, ракета жана баллистикалык ракеталардын технологиясын таратканына байланыштуу кабыл алынды. Максат- Иранга саясый кысым жасап, ядролук дымагынан жана Ирактагы козголоңчуларды колдоодон баш тарттыруу.

• Октябрь 25, 2007

  ИРАК КҮРТТӨРҮ АНКАРАНЫ ЖАРГА ТАКАШЫ ЫКТЫМАЛ

  Түркия Ирак жак чекарасына 100 миңдей аскер тартты. Ошол эле учурда Күрт жумушчу партиясы- ПККнын согушчандарынын кандуу чабуулунан улам түзүлгөн кырдаалды дипломаттык жол менен жөндөөнү каалаганын айтууда. Бул деген, ырасмий Багдад ирактык күрттөрдүн аскери-пешмаргелерди ПККнын согушчандарына каршы жөнөтсүн дегенди түшүндүрөт. Бирок Ирак күрттөрүнүн провинциалдык өкмөтү ал кызматы үчүн Анкаранын алардын өкмөтүн ырасмий таанусун талап кылышы ыктымал.

• Октябрь 24, 2007

  АКШнын КОРГОО МИНИСТРИ КАНСЫЗ СОГУШ ЧЫГЫП КЕТЕРИНЕ ИШЕНБЕЙТ

  АКШнын Коргоо министри Роберт Гэйтс кечээ “Азаттык” радиосуна кеңири интервью берди. Министр интервьюда Вашингтон Москваны стратегиялык өнөктөш деп эсептээрин белгилеп, Россиянын миң жылдык тарыхына бийликке кыңк этпей баш ийүү мүнөздүү болгондуктан, өлкөдөгү демократиянын абалына сабырдуулук менен мамиле кылууга чакырды. Ирандын ядролук программасы, Косово чатагы, АКШнын ракетадан коргонуу планы сыяктуу талаштуу проблемалар Вашингтон- Москва арасында жаңы кансыз согушту жаратышы ыктымал деген кепти Роберт Гэйтс негизсиз сөз катары четке какты.

• Октябрь 23, 2007

  КҮРТ ЖУМУШЧУ ПАРТИЯСЫ ТҮРКИЯГА ТАЛАП КОЙДУ

  Түркиянын куралдуу күчтөрү Күрт жумушчу партиясы- ПККнын өңүттөрүнө чабуул койгонду токтотуп, Түндүк Иракка басып кирүү планынан баш тартса, ПККнын согушчандары ок атууларды токтотууга макул экенин билдирди. Жекшемби күнү Ирак чек арасына чукул жайда козголоңчулар түркиялык 12 аскерди катардан чыгып, сегиз жоокерди туткунга алгандан кийин Анкара бул аймакка кошумча аскер тарта баштаган эле. 17- октябрда Түркия парламенти армиянын Ирактын түндүгүнө кирип, күрт согушчандарына каршы операция өткөрүүсүнө уруксат берген.

• Октябрь 22, 2007

  ЕВРОБИРИМДИКТИН МҮЧӨЛӨРҮ КОНСТИТУЦИЯНЫ АЛМАШТЫРЧУ КЕЛИШИМ БОЮНЧА МУНАСАГА КЕЛИШТИ

  Евробримдик 19- октябрда Лиссабондо өткөн жыйынында Европа конституциясынын долбоорун алмаштырчу келишимдин долбоору боюнча бир мунасага келишти. Мунун менен 2004-жылы биримдик кеңейгенден бери келаткан талашка чекит коюлду. Келишим Евробиримдиктин жигердүү иштөөсүнө өбөлгө түзүп, анын дүйнөлүк саясатта кубаттуу оюнчу кылыш керек.

• Октябрь 19, 2007

  МАМДЕПАРТАМЕНТ : ВАШИНГТОН-МОСКВА СҮЙЛӨШҮҮЛӨРҮ ҮЗҮРЛҮҮ БОЛУУДА

  АКШнын Мамкатчысы Кондолиза Райс жана Коргоо министри Роберт Гэйтс өткөн жумада Москвага келишкенде, россиялык өнөктөштөрү Сергей Лавров менен Анатолий Сердюков аларды салкын кабыл алышкан. Ошондуктан, маалымат каражаттарында эки өлкөнүн мамилеси начарлап кетти деген пикирлер көп айтылды. Мындай кеп- сөздү Мамкатчынын Европа мамлекеттери боюнча орун басары Даниэл Фрид айым “Азаттыкка” берген интервьюда негизсиз деп, Вашингтондо АКШнын Европада ракетадан коргонуу системасын орнотуу боюнча эки жак бир мунасага келет деп ишене турганын айтты.

• Октябрь 17, 2007

  РОССИЯ ЖАНА ИРАН: ЭЗЕЛКИ ДУШМАНДАР, БҮГҮНКҮ ӨНӨКТӨШТӨР

  Россия президенти Владимир Путин шейшемби күнү Ирандын президенти Махмуд Ахмединежад менен кездешти. Каспий өлкөлөрүнүн Тегерандагы жыйынын улай өткөн эки лидердин жолугушуусу чоң тарыхый окуя. Себеби, Россиянын мамлекет башчысы 1943- жылдан бери биринчи жолу Тегеранга келди. Россия менен Иран эзелтен бири бирине кас. Бирок Москва акыркы жылдары тыш өлкөлөр менен өз кызыкчылыгына ылайык кызматташып, Ирандын эларалык маанилүү өнөгүнө айланган.

Дагы жүктөңүз