"Азаттыктын" Прагадагы кеңсесинин кызматкери, журналист. Кыргыз улуттук университетин, Коста Рикадагы Улуттар Уюмунун университетин аяктаган.
26-мартта “Ата Мекен” партиясынын төрагасы Өмүрбек Текебаев Казакстандын Кордой шаарына барып, өткөн жыл этегинде Алматыда киши колдуу болгон журналист Геннадий Павлюктун өлүмүн иликтөө-тескөө иштери боюнча сурак берип келди. Ө.Текебаев казак тергөөчүлөрү көрсөткөн беш сүрөттүн ичинен Улуттук Коопсуздук кызматынын офицери Алдаяр Исманкуловдун сүрөтүн тааныгандыгын "Азаттыкка" билдирди.
26-мартта “Ата Мекен” партиясынын төрагасы Өмүрбек Текебаев Алматыда киши колдуу болгон журналист Геннадий Павлюктун өлүмүн иликтөө-тескөө иштери боюнча Казакстандын аймагында сурак берип келди.
2005 - жылы 24-мартта Кыргызстанда мамлекеттик бийликти алмаштыруунун активдүү катышуучуларынын бири, “Ата Мекен” партиясынын төрага орун басары Дүйшөнкул Чотонов “Азаттыкка” курган маегинде март окуясына өз баасын берди.
Коомдук ишмер, мурдагы президенттин Коопсуздук кеңешинин катчысы Болот Жанузаков Март окуясын утурлап “Азаттыкка” маек курду. “Кут” саясий партиясынын лидери Болот Жанузаков сөз учугун 2005-жылдын 24-мартын эскерүү менен баштады.
2003-жылы 20-мартта АКШнын куралдуу күчтөрү жана анын шериктештери Саддам Хусейиндин бийлигин кулатуу максатында Иракка сокку урган эле. Бул жети жыл аралыгында ирак согушуна ар кандай баа берилип келет.
АКШнын Мамдепартаменти Адам укуктарын коргоону жүзөгө ашыруу боюнча 2009-жылдык баяндамасын жарыялады. Кыргызстан тууралуу бөлүгүндө адам укуктарынын бир катар көйгөйлөрү белгиленет. АКШда жашаган оппозициялык саясатчы, “Ата Мекен” партиясынын мүчөсү Равшан Жээнбеков жарыяланган баяндамадагы Кыргызстанга берилген баа тууралуу өз пикири менен бөлүшөт.
АКШнын Мамдепартаменти Адам укуктарынын абалы боюнча 2009-жылды иликтеген баяндамасын жарыялады. Баяндаманын Кыргызстанга арналган бөлүгүндө белгисиз жагдайда адам өмүрү кыйылган фактылар, мыйзамсыз кармоолор жана камоолор, маалымат каражаттарынын эркиндигинин чектелиши, жарандардын эркин жыйындарды өткөрүү укуктарынын басмырланышы, оппозициялык лидерлердин камалышы, коррупциянын күчөшү жана башка толгон-токой кейиштүү көрүнүштөр көрсөтүлгөн.
Кыргызстанда ишмердүүлүк кылган “MGN Group” тобунун жетекчиси Евгений Гуревич бардык жетекчилик кызматтарын тапшырды. Анын мындай кадамга барышына Италия сотунун аны камоо жөнүндөгү чечими түрткү берди.
Кыргыз өкмөтүнүн өтүнүчү менен АКШ беш жарым миллион доллар каражатты Баткен облусунда антитеррордук машыгуу борборун түзүүгө бөлдү. Ошол эле учурда АКШ Кыргызстандын түштүгүндө аскерий база ачууну көздөбөй тургандыгын билдирди. АКШ өкмөтүнүн мындай аскерий көмөгү – Кыргызстандын коңшу өлкөлөр менен мамилесине терс таасирин тийгизет деген дагы пикирлерди жаратууда.
Кыргызстандын жаратылыш бермети Ысык-Көлгө туристтердин кызыгуусу артып, ага байланыштуу эс алуу жайларынын көбөйүп жатканы көлдүн келечегине коркунуч келтирүүдө. Көлдүн экологиялык коопсуздугун камсыз кылуу максатында Азия өнүктүрүү банкы менен кыргыз өкмөтү биргелешкен аракеттерди көрө баштады.
Кыргызстанда гендердик теңчилик тууралуу пикирлер ар түрдүү. Расмий тараптар бул маселе эбак чечилгенин айтып, бийлик бутактарына аялзатынын калың катмары тартылганын белгилейт. Адистер тескерисинче, өлкөнүн чабал экономикасы ириде аялдарга кедергисин тийгизип, анын кесепети бүтүндөй коомго таасир этип жатканын тастыкташат.
Жогорку Кеңештин социал-демократтар фракциясынын лидери Роза Отунбаева орусиялык абройлуу «Москва жаңырыгы» («Эхо Москвы») үналгысына Кыргызстандагы учурдагы жагдай тууралуу кеңири маек курду.
Украиналыктар президенттик шайлоо жарышынын экинчи айлампасын өткөрүүдө. Кыргызстандагы украиналык жарандар дагы өз тандооcун билдиришти. 17-анварда өткөн шайлоонун биринчи айлампасында 18 талапкер катышып, алардын ичинен Виктор Янукович 35% , ал эми Юлия Тимошенко 25% добуш алып, шайлоонун экинчи жарышына аттанышкан.
30-январда АКШда чет өлкөдө жашаган кыргызстандыктардын башын бириктире турган кыймылдын уюштуруу жыйыны өттү. Анын максаты - Кыргызстанда демократиянын өнүгүшү менен мыйзамдуулуктун сакталышына колдоо көрсөтүү жана өлкөдөгү үй-бүлөлүк башкарууга жол бербөө.
Киши колдуу болуп көз жумган журналист Геннадий Павлюктун кырк күндүгүнө карата эскерүү иш чаралары өтүүдө. Жергиликтүү жана эл аралык бир катар медиа уюмдар журналистти эскерүү боюнча бирдиктүү акцияны башташты.
Эркин журналист Г.Павлюктун өлгөнүнө кырк күн болду. Бул күнгө карата “Журналисттер” коомдук бирикмеси баштаган медиа уюмдар “Эстен кетпейт. Геннадий Павлюктун киши колдуу болгонуна кырк күн” деген акция баштады.
Бишкектин сыртындагы Степное айылында Кыргызстандагы аялдардын жалгыз абагы жайгашкан. Жакында ушул эле айылда түрмөдө жазасын өтөп бүтүп, эркиндикке чыккандар үчүн кадимки турмушка көнүү борбору ачылды. Борбор үчүн абактын тышында жайгашкан мурдагы эски мончонун имараты атайын оңдоодон өткөрүлүп, кадимки үйдөгүдөй шарт түзүлгөн. Бул жерде түрмөдөн жаңы чыккан аялдар 1 айга чейин жашап, коомго кайра аралашууга кадам таштайт.
Дүйнөлүк каржы каатчылыгы өнүгүп келаткан мамлекеттердеги миллиондогон балдардын билим алуусуна чоң залакасын тийгизип, алды менен андай өлкөлөрдүн экономикалык кубатын азайтып, жакырчылыктын көбөйүшүнө, калктын саламаттыгынын начарлашына кедергесин тийгизүүдө.
Мурдагы коргоо министри генерал Исмаил Исаковдун уулу Руслан Исаков учурда президент Бакиевдин бийлигине каршы чет өлкөдө саясий кыймыл уюштурууда. Ал "Азаттыкка" берген маегинде Бакиевдин бийлигин "кылмыштуу антидемократиялык режим" катары сынга алды жана атасынын жолун жолдоп башкаруучу режимге каршы күрөштү улантарын билдирди.
Учурда чет өлкөдө жашап жаткан саясатчы, Cоциал-демократтар партиясынын мурдагы жоопту катчысы Эдил Байсалов Кыргызстандагы соңку саясий өзгөрүүлөргө, адам укуктарынын жагдайына байланыштуу телефон аркылуу "Азаттыктын" суроолоруна жооп берди.
Дагы жүктөңүз
