“Азаттыктын” Бишкектеги кабарчысы. 2011-жылы Мамлекеттик Ардак грамота менен сыйланган. Кыргыз улуттук университетинин филология факультетин аяктаган.
Барак Обаманын АКШ президенттигине шайланышы, анын мындан аркы саясаты кандай болоору тууралуу дүйнө коомчулугунда түрдүү пикирлер айтылууда. "Кут" партиясынын төрагасы Б.Жанузаков ушул маселенин тегерегинде “Азаттыктын” түз ободогу суроолоруна жооп берди.
Бүгүн таңкы “Азаттыкта” ЖК депутаты, социал-демократтар партиясынын мүчөсү, мурдагы тышкы иштер министри Роза Отунбаева, саясатчы Токтогул Какчекеев жана саясат талдоочу Марс Сариев АКШдагы шайлоо тууралуу тегерек үстөлдө маек курушту.
“Азаттыктын” түз обосундагы талкууда бул жолу кечээ оппозициялык күчтөр кол койгон меморандум тууралуу сөз болду. Талкууга Ревкомдун башчысы А.Бекназаров, “Ак шумкар” партиясынын төрагасы Т.Сариев жана “Жаңы Кыргызстан” партиясынын өкүлү К.Макеев катышты.
Эртең, 4-ноябрда АКШда президенттик шайлоо болот. Учурда АКШда жашап жаткан мурдагы мамлекеттик ишмер, саясатчы, быйыл бул өлкөдөгү Масачусец технологиялык университетинин бүтүргөн Равшан Жээнбековду “Азаттыктын” таңкы түз обосунда ушул шайлоонун тегерегинде кепке тарттык.
Оппозиция Кыргызстана сегодня намерена подписать меморандум о сотрудничестве. Он должен стать ее манифестом, отрезающим все пути к отступлению в схватке за власть.
Бүгүн оппозициялык күчтөр биригүү меморандумуна кол коюшмакчы. Анын алдында “Ата Мекен” партиясынын төрагасы Ө.Текебаев ушул маселенин тегерегинде "Азаттыктын" түз ободогу суроолоруна жооп берди
Дыйкандар кургакчылыктын айынан бул жылы картошканын түшүмү жакшы болбой калгандыгын айтышууда. Керектөөчүлөр болсо картошканын баасы кымбаттыгына нааразы болуп жатышат.
Европарламенттин “Европа биримдиги - Кыргызстан” комитетинин мүчөлөрүнөн куралган делегация Бишкектеги расмий иш сапарынын маалында Кыргызстанда шайлоо маалында болгон кейиштүү көрүнүштөрдү козгошту.
К.Бакиевди мөөнөтүнөн мурда бийликтен кетирүүнү максат кылган Революциялык комитеттин жетекчиси А.Бекназаров уюмдун соңку аракеттери жана жакынкы пландары тууралуу “Азаттыкка” айтып берди.
Cоттук териштирүүлөр ачык болууга тийиш деп Кыргызстанда мыйзамдар түздөн түз талап кылса да, байкоочуларга, ММК өкүлдөрүнө соттук жыйындарга катышууга жол тосулуп келген учурлар көп.
Дайынсыз жоголуп жаткан ЖК депутаты Руслан Шаботоевдин жердештери бүгүн Бишкек-Торугарт жолун тосуп, депутатты издөө иши ачык натыйжа бергидей аракет менен жүргүзүлсүн деп талап кылышты. Ал ортодо дагы бир депутаттын дайынсыз жоголгон уулунун автоунаасы табылды.
Кыргызстандагы бодо мал тукумунун асылдуулугу соңку жылдарда бир кыйла төмөндөп кетти. Окумуштуулардын айтымында, акыркы жылдары малдын эттүүлүгү жана сүттүүлүгү дээрлик 70-80% азайды. Ушул тапта бир катар мал чарбалары бодо мал тукумун асылдандыруу иштерин жүргүзүшүүдө. Апталык “Адам жана базар” аттуу экономикалык программабыздын бул жолку чыгарылышында Чүйдүн Панфилов районундагы Арстанбек Дүйшеев атындагы асыл тукум мал заводундагы малдын асылдуулугун арттыруу багытында жүргүзүлүп жаткан иштер тууралуу баяндалмакчы.
Бишкек шаар мэри шаарды жылытууну 1-ноябрдан тарта жүргүзүүнү баштоо тууралуу буйрукка кол койду. Өнөр жай, энергетика жана отун ресурстары министри буга чейин электр энергиясын маал-маалы менен өчүрүү жылуулук берүү башталгандан тарта токтотулаарын маалымдаган. Бирок ошол эле учурда айрым облустар мындай мүмкүнчүлүктөн сыртта калаары айтылып, электр энергиясын маал-маалы менен өчүрүү кыш бүткүчө улантылаары болжолдонууда.
Бүгүн парламенттеги социал-демократтар жана коммунисттер фракциялары суу-энергетика тармагын иликтөө боюнча көз карандысыз комиссия түзүү сунушу менен чыгышты. Бирок бул демилге “Ак Жол” фракциясынын мүчөлөрүнүн каршылыгы менен өтпөй калды. Өкмөт болсо өлкөдөгү энергетикалык кризиске карабай кышка даярдык жакшы жүрүп жаткандыгын белгилөөдө. Бирок ошол эле учурда 9,5 млрд метр куб гана суу бар Токтогул ГЭСинин абалы, отун-көмүрдүн баасы асмандап жаткан учурда кышка даярдыктын чыныгы деңгээли кандай, деген суроолор пайда болууда.
24-октябрда маркум журналист Алишер Саиповдун киши колдуу болуп өлтүрүлгөнүнө бир жыл болот. Кыргызстандагы журналист коомчулугу жыл аралыгында анын өлүмүнүн бети ачылбай келе жаткандыгына, өлкөдөгү сөз эркиндигинин абалы жылдан-жылга начарлап бараткандыгына тынчсызданышууда. Маркум журналисттин жакындары болсо Алишер Саиповдун өлүмү боюнча козголгон кылмыш ишинин жүрүшүн өз көзөмөлүнө алгандыгын билдирген президент Курманбек Бакиевден да эч кандай жооп болбогондугуна нааразылыгын билдирип келишет.
Акыркы айда Кыргызстандын азык-түлүк базарларында сүт азыктарынын баасы 20-30 пайызга кымбаттады. Байкоочулардын пикиринде мындан сүт азыктарын кайра иштетүүчүлөр гана пайда көрбөсө, малчылардын көргөн кирешеси аз.
10-октябрда Кыргызстандын Коопсуздук кеңешинин катчысы, “Жаңы Кыргызстан” саясий партиясынын төрагасы Исмаил Исаков кызматынан кетүүгө арызын берди. Ал бул кадамын президент Курманбек Бакиевдин ички, тышкы жана кадр саясаты менен макул эместигине байланыштырып, март ыңкылабынын алдына коюлган үмүт-максаттар ишке ашпай калгандыгын белгилеген. Саясий айдыңда Коопсуздук Кеңешинин мурдагы катчысынын мындай кадамы кызуу талкууга алынып, түрдүү пикирлерди жаратууда.
Расмий сапар менен келген Орусиянын президенти Дмитрий Медведев бүгүн Кыргызстандын президенти Курманбек Бакиев менен жолугушту. Жолугушуунун соңунда эки өлкөнүн ортосундагы саясий-экономикалык, маданий-гуманитардык жана башка багыттар боюнча эки тараптуу кызматташууларды өркүндөтүү тууралуу келишимдерге кол коюлду. Айрым саясат талдоочулар эки өлкө мамлекет башчыларынын буга чейинки жолугушуулары Кыргызстан үчүн пайдалуу боло бербегендигин, бирок бул жолу Орусия Борбор Азиядагы таасирин сактап калуу үчүн Кыргызстанга убада кылган экономикалык көмөгүн ишке ашыруусу ыктымалдыгын айтышууда.
Бүгүн “Америкалык базаны Кыргызстандан чыгаруу” кыймылы 9-10-октябрда Бишкекте өтө турган саммиттин катышуучуларына кайрылуу кабыл алып, алардан АКШнын аскерий аба базасын Кыргызстандан чыгаруу талабын өлкө бийлигине коюуну өтүнүштү. Ошондой эле бүгүн “Жоомарт” патриоттук кыймылы менен “Акыл-эс. Рух. Ыйман” коомдук бирикмеси да антитеррордук күчтөрдүн “Манас” аскерий аба базасы Кыргызстандан тез арада чыгып кетүүсү зарылдыгын белгилешти. Айрым саясат талдоочулар АКШ баштаган коалициялык күчтөрдү Кыргызстандан чыгарууга башка мамлекет башчылары таасир этүүгө укугу жоктугун айтышууда.
30-сентябрдан бери дайынсыз жок болуп жаткан ЖК депутаты Руслан Шаботоевди издөө иштери өтө начар, солгун жүрүп жатат, буга байланыштуу кылмыш иши да козголбоптур. Мындай маалыматты парламенттеги социал-демократтар фракциясынын лидери Бакыт Бешимов кечээ билдирди. Ал эми ИИМ басма сөз кызматы бул ишке байланыштуу кылмыш иши козголуп, тиешелүү адамдар көрсөтмө беришкендигин маалымдоодо. Жоголгон депутаттын жакындары кечээ коомчулукка кайрылуу таратып, Руслан Шаботоевди издөө иштери өтө солгун жүрүп жаткандыгына нааразылыгын билдиришкен эле.
Дагы жүктөңүз
