“Азаттыктын” Бишкектеги кабарчысы. 2011-жылы Мамлекеттик Ардак грамота менен сыйланган. Кыргыз улуттук университетинин филология факультетин аяктаган.
Кыргызстандын Борбордук шайлоо комиссиясы депутаттыкка ат салышып жаткан Рысбек Акматбаевди шайлоодон четтетип коюуга укуктук негиз жок экендиги жөнүндө расмий билдирүү таркатты. Мурда соттолгон фактысы жоюла элек болушу мүмкүн Акматбаевди депутаттык жарыштан алып салбай жаткандыгы үчүн Боршайкомду бейөкмөт уюмдар сынга алып жатышкан болчу.БШКны айыптаган сын-пикирлер айрым маалымат каражаттарында да жарыяланып кеткен.
Бишкек шаардык соту 15-март күнү Рысбек Акматбаевдин ишин карап баштады. Акматбаев баш болгон тогуз адамды актаган Биринчи май райондук сотунун чечимин талашкан арыз менен шаардык сотко Бишкек милициясынын тергөөчүлөрү кайрылышкан болчу.
Жыл жаңыргандан берки өлкөбүздүн социалдык-экономикалык жетишкендиктери өткөн жылкы эки айлык көрсөткүчтөргө караганда кубантарлык эмес. Бул 14-март күнү Өкмөт үйүндө өткөн жыйында белгилүү болду. Тоо-кен тармагында өсүш дээрлик жок, ал эми энергетиканын жалпы карызы 1 млрд сомдон ашкан.
Жакында март ыңкылабына бир жыл болот. Былтыр ушул күндөрү Кыргызстандын ар кайсы аймактарында шайлоонун 1-айлампасынын жыйынтыгына нааразы болушкан шайлоочулар нааразылык билдирип атышкан эле. Ал эми Жалалабадда Элдик кыймылдын мүчөлөрү Акаевдин бийлигин алмаштырууну пландаштырып жатышкан. Ошол күндөрдүн негизги жетекчилеринин бири, Элдик кыймылдын штаб башчысы болуп турган Азимбек Бекназаров ыңкылап кандайча ишке ашырылганы тууралуу “Азаттыкка”айтып берди.
Жакында март ыңкылабына бир жыл болот. Былтыр ушул күндөрү Кыргызстандын ар кайсы аймактарында шайлоонун 1-айлампасынын жыйынтыгына нааразы болушкан шайлоочулар нааразылык билдирип атышкан эле. Ал эми Жалалабадда Элдик кыймылдын мүчөлөрү Акаевдин бийлигин алмаштырууну пландаштырып жатышкан. Ошол күндөрдүн негизги жетекчилеринин бири, элдик кыймылдын штаб башчысы болуп турган Азимбек Бекназаров ыңкылап кандайча ишке ашырылганы тууралуу “Азаттыктын” угармандарына айтып берди. Анда назарыңыздарга ошол маекти сунуштайбыз. Аны кабарчыбыз Замира Кожобаева жүргүзөт.
Казакстандын белгилүү оппозиционери Алтынбек Сарсенбаевдин өлүмүнө тиешеси бар деген шек менен Казакстандын улуттук коопсуздук кызматынын “Арстан” деп аталган атайын бирикмесинин беш кызматкери кармалгандан кийин, улуттук коопсуздук кызматынын жетекчиси Нартай Дутбаев кызматтан чегинди. Буга карата айрым кыргыз саясатчылар өз пикирин билдирип, Кыргызстандын күч стуктураларынын жетекчилери Таштемир Айтбаев менен коопсуздук кеңешинин төрагасы Мирослав Ниязов тууралуу сөздөр айтыла баштады. Таштемир Айтбаевге парламент бир нече жолу ишеним көрсөткөн жок, ал эми коопсуздук кеңешинин катчысына сөзүнө турган жок деген кинелер коюулууда.
Март ыңкылабынын негизги себеби-былтыркы парламенттик шайлоо болгондугу тууралуу саясатчылар башынан эле айтып келишет. Алар шайлоонун адилетсиз өткөндүгү, парламенттик шайлоого президенттин кызы менен баласынын бир убакта баруусу да элдин кыжырын келтирип, бийликти төңкөрүүгө алып келди деген пикирде.
Кемин районундагы Орловка айлынан орун алган таштандыдан кремний казуу иши токтотулгандыгын райондук администрациядан билдиришти. Ошол эле убакта бейөкмөт уюмдар жана коомчулук таштанды жабылбай эле, бүгүнкү күндө да жүздөгөн адамдар ал жерди чукулап жүрүшкөндүгүн айтып жатышат. Буга чейин бейөкмөт уюмдар бул таштандыда радиациянын деңгээли нормадан бир нече эсе ашыкча экендигин белгилешип, аны жабуу тууралуу маселе көтөрүп чыгышкан болчу.
Кыргызстандын Башкы прокуратурасы Президенттин ар-намысына жана беделине акараат келтирген сөзү үчүн Жогорку Кеңештин төрагасы Ө. Текебаевди сотко берүүгө тийиш. Бул жөнүндө башкы прокурор К. Конгантиев 9-февралда парламент жыйынында сүйлөгөн сөзүндө билдирди.
Кызматынан кетүү жөнүндө жеке өзүнчө чечим кабыл алганы жөнүндө парламент спикери АкиПресс агенттигине бүгүн билдирген. 8-февралда Өмүрбек Текебаев кызматынан чегинүү маселесин парламенттеги ымаласы жакшы депутаттар жана фракция жетекчилери менен жабык эшиктин артында талкуулап, сүйлөшүү жүргүздү.
Эмгек акынын аздыгы, курал-жарактын эскилиги, тартыштыгы кыргыз милициясы үчүн ашынган кылмыштуулук менен күрөшүүгө тоскоол болгон курч проблемалар. Анысы аз келгенсип, кылмышкерлерди кармап камоого прокуратура органдары создуктуруп улуксат бергиче, алардын изи сууп кетүүдө. Кол байлаган ушундай орчундуу проблемалары менен дооматтарын кыргыз милициясынын кылмыштуулукка каршы күрөшкөн бөлүктөрүнүн өкүлдөрү премьер-министр Ф. Кулов менен 1-февралда болгон жолугушууда ортого салышты.
Кыргыз парламенти 31-январда паспорт тартышыгына жол бергендиги үчүн Маалымат технологиялары жана ресурстар боюнча мамлекеттик агенттиктин жетекчиси Амангелди Кенжетаевди кызматтан бошотуу тууралуу Президентке сунуш киргизүү жөнүндө чечим кабыл алды.
Коопсуздук кызматынын уюшкан кылмыштуулукка каршы бөлүмүнүн кызматкери Алдаяр Исманкулов киши өлтүрүү кылмышына колдонулганы шектелип жаткан тапанча менен кармалышы коомчулукта дүңгүрөгөн кепти жаратты. Жогорку Кеңештин депутаттары бул окуяны дароо талкуулап, кылмыштуулукка каршы күрөшпөй жатат деп сындап, УККнын жетекчисинин кызматтан чегинишин талап кылып башташты.
«Эркиндик» партиясынын лидери Т. Тургуналиев Жогорку Кеңешти таркатуу максатынан баш тартпай турганын билдирүүдө. Ал парламентти таратуу демилгесин карапайым калк бары бир колдоого алат деп ишенет жана жакын арада кол топтоого кайрадан киришмекчи. «Эркиндик» партиясы топтогон колдун көбү жарабай, талап кылынган 300 миң чекке караандабай калганын Боршайком кечээ жарыя кылган.
Цемент менен шыйпырдын жетишсиздиги, кымбаттыгы жана адис жумушчулардын тартыштыгы Кыргызстанда курулуш тармагын аксатып жаткан курч проблемалар болуп саналат. Бул жөнүндө өлкөдөгү ири курулуш ишканаларынын жетекчилери 17-январда премьер-министр Феликс Кулов менен болгон жолугушууда белгилешти.
Кыргызстандын баш прокурору Камбаралы Конгантиев мамлекетти жолдон тайдырууга жана реформаларды токтотууга аракет жасаган айрым бир саясий топтор өлкөнү президенттик-парламенттик башкаруудан парламенттик башкарууга өткөрүү жөнүндө бейнегиз маселе көтөрүп жатканын билдирүүдө. Бул жөнүндө баш прокурор Чүй облусунун Ысыката районунун тургундары менен жолугушууда сүйлөгөн сөзүндө баса белгилеген.
Тигүү өнөр жайын көмүскөдөн чыгарууга кыргыз өкмөтү чындап кирише баштагандай. Бул тармакта ишкерлердин салыгын жөнөкөйлөтүү тууралуу өкмөт өткөн айдын аягында чечим чыгарган.
Кыргызстандагы Талдыбулак, Жерүй алтын кендеринин айланасында чет элдик ишкерлер менен кыргыз өкмөтүнүн ортосундагы келишпестик дагы деле уланууда. Жерүй алтын кенин иштетүүгө уруксаты бар «Оксус» компаниясы келишимди бузганы үчүн кыргыз өкмөтүн эл аралык сотко берерин билдирип жатат. Ал эми Талдыбулак алтын кени мурунку президенттин жакындарынын бирине караштуу «Талдыбулак инвестмент» ишканасына таандык экендиги аныкталды.
Жогорку Кеңештин төрагасы Өмүрбек Текебаев Ганси авиабазасы төлөгөн каражаттарды мамлекеттик бюджетке түшүрүү максатында парламент мыйзам долбоорун иштеп чыгарын айтып чыкты. Америкалык аскер базасы тейлөө акысын «Манас» аэропортуна төлөп келатат. Аэропорттун 2006-жылы авиабазадан ала турган акчасы 505 млн сом болмокчу.
Жаңы жылдан тарта калкты социалдык жактан коргоо министрлиги акчалаштыруу системасын киргизүүнү көздөөдө. Буга ылайык жеңилдиктердин айрым бир түрлөрү акчалай төлөм менен алмаштырылмакчы. Бирок согуш ардагерлери, майыптар жана жалгыз бой пенсионерлер буга каршы чыгышууда. Алар жеңилдиктер мурдагыдай калыбында калтырылышын талап кылып жатышат.
Дагы жүктөңүз
