Шайлообек Дүйшеев

ЖОЛКАЙДА…

«Агым» гезити, УТРК деректири Мелис Эшимкановдун «Оппозициям, сага айтам, бийлигим сен ук!» деген макаласын жарыялады. Мелис мырза макаласында, менин оппозициядагы досторум адатынча текеберленип, какшыктап, «Бакиев экөөңөрдүн кыял-тилегиңер томояктарга алтын чөйчөктөн бал ичиргендей жомок эмеспи? Кимди алдаганы жатасыңар, бири-бириңердиби же өлкөнүбү? Ишенбейбиз!» деп айкырык салышса таң калбайм, талашпайм. Курманбек Бакиев сага жагабы, жакпайбы, биринчиден бу кишинин пешенесине, чакчелекей мезгилде элиңди башкар, мамлекетиңди жоготуп алба, алакандай улуттун башын коштур деген оор жүк берилди, ага дарамети жетеби, жетпейби, мезгил көрсөтөт. Оппозициямын! Эл үчүн өпкө-боорумду садага чабамын, кыргызым үчүн Чолпонбайдай төшүмдү окко тосууга даярмын деп кыйкырганыңды түшүнөм, сыйлайм, а бирок турмуш жалаң ооз желинен, кооз сөздөрдөн, бийлик менен тирешүүдөн турбайт, мансаптын куралына айлангандан качсак гана атаганат. Ишенем. Бакиев үлкөн реформалар аркылуу жакшылык жол тандаганына, деп жазып чыкты.

«ЖЕЛ КОЗУЛАР»

Советтер Союзу жашап турганда чыккан. Кайсыл бир чабандын аты-жөнүн чыгаргысы келгенде анын төлдөгөн козуларына «асмандан» алып, кошуп жазган козуларды «жел козу» деп аташкан. Мына ушундай жол менен далайлар калпты чын кылып, жокту бар деп, барды жок деп бурмалап, акыйкаттыкка чалма салып келишкен. Мындай «жел козулар» бийликтин шайлоодо колдоно турган эң ыңгайлуу куралдарынын бири дешет. Алтургай тизмеге эбак сөөгү сөпөт болгон маркумдар кирип алып, добуштарын жалаң бийлик үчүн «берип» келаткан учурлар жок эмес.

ПУЛ КЫРГЫЗ БОЛОМ ДЕП КУЛ КЫРГЫЗГА АЙЛАНГАНДАР

«Дело №…» гезити Алматы шаарынын ичиндеги зымкарагайларга чапталган жарыялардан же телевизордогу жүгүртмө жарнамалардан «Кыргыздар сатылат» деген кулактандырууну күн сайын окууга болорун, ушул кезде Казакстандын кул базарларындагы эң арзан деген кул- кыргыздар экенин коңшу өлкөгө иштеп барып келген Максат деген Оштук жигит айтып бергенин жазып чыкты.

АБЫКЕ ТАЛООН …

Манастын көзү өткөндөн кийин анын аталаш туугандары Абыке менен Көбөш кыргыздын Теңирге тете Бакайын төө кайтартып, баатырдын энеси Чыйырды менен өмүрлүк жары Каныкейди бөтөн жакка кубалап, байлыгы менен мал-мүлкүн каракчылык менен талап алган… деп айтылат эпосто.

ШАНХАЙ… НАН…

Кыргызстанда Шанхай Кызматташтык Уюмуна кирген өлкөлөрдүн Бишкек саммити өтүп жатат. Акүйдөгү атка минерлердин бүгүн баш ийкөөгө да чолосу жок. Ал эми карапайым калк болсо кара курсактын кайгысын тартууда. Бишкекте бир кап ун-700-800, Жалал Абадда-1000 сомго чыкты. Айрым адистердин айтуусунда нандын баасы дагы жогорулашы мүмкүн…

СССР ТИРИЛЕ БАШТАДЫБЫ?

КАРЫСЫ БАРДЫН КАРЫЗЫ БАР

Кыргызстандын ири финансы пирамидаларынын бири эсептелген «Рентон групп» урап түшөрү менен ага акчаларын сактап келишкен 30 миңден ашуун кары-картаңдар ушу күнгө чейин аласаларын алалбай келатышат. Аласа көлөмү - 300 миллион сомго барабар.

САМЫНТАШ САЯСАТ

Дүйнө коомчулугунун көңүлү ушу кезде Бишкекте өтө турган ШКУ саммитине бурулуп турганын, уюмдун ичинде Кыргызстан аянты боюнча да, калкынын саны боюнча да кичинекей өлкө экенин, илгери эле орус саякатчысы Семенов-Тяньшанский Түштүк Чыгыш Азияны Кытайдын дарбазасы деп атаганын, кубаттуу державалар биздин жерге аскердик базаларын, армиясынын айрым бир бөлүктөрүн жайгаштырууга, ар кандай долбоорлор аркылуу капиталын салууга жан үрөп атканын, ошол эле учурда Кыргызстан бардыгына жаман көрүнгүсү келбеген, бардыгына жаккысы келген өлкө болууга болгон аракетин жумшап келатканын, бирок мындай самынташ саясаттын үстүндө ал канчага чейин кармалып турарына көзү ачыктык кылуу кыйын экендигин жазды «Новый Кыргызстан» гезити.

ЭШИМКАНОВ ЭЛЧИЛИКТЕН ЭМНЕГЕ БАШ ТАРТТЫ?

- Чындап келгенде бул боюнча азырынча ырасмий маалыматтар жок, бирок уу-дуу сөздөр батпай баратат. Оюн айтып берүүсүн сурансак өтүнүчүбүздү Мелис мырза жоопсуз калтырды,- деп кабарлаган «Комсомольская правда Кыргызстан» гезити, М.Эшимканов элчилик кызматтан бийлик анын апрель митингиндеги шериктештери Ф.Куловду, Ө.Суваналиевди, Ө.Абдырахмановду жана А.Айтикеевди куугунтуктап келаткандыгы үчүн баш тартканын билдиргенин маалымдады.

АДЕГЕНДЕ АШКАЗАН ИДЕОЛОГИЯСЫБЫ?

БАА КУТУРСА ЭЛДИ «КАБАБЫ?»

«Бийлик нандын баасынын кымбатташын токтотууга аракет кылууда. Ал эми шаардыктар баанын дагы жогорулашын күтүүдө».

МАКСИМ БАКИЕВ МАСКӨӨНҮ ИНВЕСТИЦИЯЛАЙБЫ?

«Новый Кыргызстан» гезити «Кыргыз президентинин уулуна визитканын кереги жок» деген тема менен Максим Бакиевдин өзү менен баарлашууну басты. «Сиздин Кыргызстанда кандай менчик мүлктөрүңүз бар?» деген суроого М.Бакиев: «Үй, машинадан бөлөк эч кандай менчигим жок» деп жооп берет.

ТООЛОР ТОКОЛ КАЛАБЫ?

ХIХ кылымдагы кыргыз ойчулу, акын Калыгул Бай уулу айтылуу санаттарынын биринде: «…Кул бий болор, уй пул болор, көл кесел болор, тоо токол болор» деп айткан экен. Бүгүн кыргыз окумуштуулары кыргыздын жаратылышы да деградацияга учурай баштады деп коңгуроо кага баштады.

МЕКТЕПТЕРДИН ТАҢЫ БЕЙКУТ… АЗЫРЫНЧА

Мектеп окуучулары, айталы өрүшү өр тарткан өлкөлөр делген - АКШ, Канада, Жапония, Франция, Испания, Польшада - 12, Германия, Швеция, Чехия, Италияда - 13, Голландияда - 14 жыл билим алышат. 12 жылдык билим берүү амалына КМШ өлкөлөрүнүн ичинен Балтика боюндагы республикалар, Молдова, Украина, Беларусь, Өзбекстан өткөн. Билим берүүнүн мындай жолуна өтүү маселеси кезинде Кыргызстанда да көтөрүлүп барып тынчып калган.

КАТ КЕТТИ

Кыргыз элинде «Ат кетти» деген айтылуу күү бар. Биз басма сөз баяныбыздын баштемасын «кат кетти» деп атадык. Анткени бүгүнкү жарык көргөн гезиттердин көбү сүйлөшүп алгансып, калк өкүлдөрүнүн Акүй менен Көкүйгө жазган кайрылуу каттарын баскан.

АКЫЛСЫЗ ШААР ЖАНА АКЫЛМАН КЕЛЕМИШТЕР ТУУРАЛУУ ИКАЯ

КЫРГЫЗСТАНДЫН АЖАЛЫ СУУДАНБЫ?

Кыргызстан бүгүн тагдыр чечер маселенин алдында турат. Анткени адистер жана байкоочулар бүгүн Камбар Ата-1 жана Камбар Ата-2 ГЭСтеринин артында бир эле энергетика маселеси эмес, келечекте кун жеткис кудуретке айлана турган суу маселеси турганын, андыктан Кыргызстан бүгүн өз ыктыяры менен Борбор Азия чөлкөмүндө «суу башы болгондон» баш тартса… анда ал ыктыярдуу түрдө эгемендигинен да ажырай тургандыгын айтышууда.

АКҮЙДӨГҮ КАГАЗ ЖООКЕР КИМ?

АКҮЙДӨ АРАК КУЮП БЕРЕР АДАМ КАЛБАДЫБЫ?

ЖАКШЫ ПАДЫША МЕНЕН ЖАМАН ПАДЫША

Бул сыяктуу окуялар убагында кадимки эле турмушта болуп, эл оозунда айтыла берип, кийин муундан муунга көчүп олтуруп уламышка айланып кеткен. Кезинде ай-ааламдын чаңын көккө сапырган улуу Чыңгызхан менен Аксак Темир да бийликке келери менен жерин кеңейтип, элин көбөйткөн…