Душанбе: Путин менен Алиевди элдештирген саммит

Дүйшөмбүдөгү саммит алдында Орусия менен Азербайжандын президенттери жолугушту. Былтыр азербайжандык жүргүнчү учак кырсыкка кабылгандан кийин ортодогу мамилелер кескин начарлап кеткен. Владимир Путин Илхам Алиевден ал окуя үчүн дагы бир жолу кечирим сурап, лайнердин жанында орусиялык эки ракета жарылганын айтты. Авиакырсык 38 кишинин өмүрүн алган. Он ай бою Москва трагедияга себепкер болгонун мойнуна албай келди.