Газа: Израил армиясынын соккусунан ондогон киши набыт болду

Газа тилкесинде шейшембинин кечинде жана түн ичинде урулган соккулардан ондогон киши мерт кетти. Бул тууралуу палестин анклавынын жарандык коргонуу кызматына жана саламаттыкты сактоо мекемесине шилтеме менен кабар агенттиктери жазды. Израилдин өкмөтү ХАМАС радикал тобу ок атышпоо келишиминин шартын бузуп, барымтада каза болгон маркумдардын сөөктөрүн кайтарып берүүдө алдамчылык кылган деген жүйө менен аскерлерге Газага чабуул коюу буйругун берген. Андан кийин бир жоокери окко учканын айтып, бомбалоону шаршембиде таң эрте улантты. АКШ жана Еврошаркетте террордук деп таанылган ХАМАС тынчтык келишимин аткарып жатканын айтууда.