«Азаттык» Украинада уруш башталгандан көп өтпөй Кыргызстанда жана Казакстанда ачылган компаниялар Орусияга Батышта чыгарылган, санкцияга кабылган электроника товарларын жөнөтүп жатканын аныктап чыкты.
Шаршембиге караган түнү Орусия 49 дрон менен сокку урганын, алардын 44ү атып түшүрүлгөнүн украин куралдуу күчтөрүнүн башкы штабы билдирди. Маалыматка караганда, орус аскерлери "Искендер" баллистикалык ракеталары менен кемелерге каршы "Оникс" ракетасын пайдаланган.
