Амирбек Азам уулу

Автору Амирбек Азам уулу

• Сентябрь 21, 2006

  ООГАНСТАНДА ИЙНЕ САЙЫНГАН БАҢГИЛЕР КӨБӨЙДҮ

  Италиянын Кызыл Чырым, Ооганстандын Кызыл Жарым Ай жана Европанын Сенлис уюмдары Ооганстанда СПИДди жайылтуучу ВИЧ инфекциясынын эпидемиясына каршы чогуу күрөшмөк болушту. Демилгечилер атайын долбоор ийне сайып, маң заттарын колдонгон адамдар аркылуу жукчу өмүргө коркунучтуу инфекцияны оонандар арасында жайылтпай токтотууга мүмкүндүк берет деген үмүттө.

• Сентябрь 18, 2006

  XIV-КЫЛЫМДА ВИЗАНТИЯ ИМПЕРАТОРУ АЙТКАН СӨЗДҮН МУСУЛМАН ДҮЙНӨСҮНДӨГҮ ЖАҢЫРЫГЫ

  Рим католик чиркөөсүнүн башчысы Папа Бенедикт өткөн аптада ислам жөнүндө айткан сөзү мусулман дүйнөсүндө нараазычылыкты жаратканына “өкүнүчүн” билдирип, бирок кечирим сураган жок. Папанын айтымында, ал өз сөзүндө 14-кылымдагы текстти колдонгон жана ыйык согуш жөнүндөгү шилтеме анын жеке көз карашын чагылдырбайт. Ислам топторунун коркутууларына байланыштуу Италияда кошумча коопсуздук чаралары кабыл алынды, Папаны күзөтүү да күчөтүлдү.

• Сентябрь 14, 2006

  КАРИМОВГО ЮНЕСКО СЫЙЛЫГЫ ЫЙГАРЫЛГАНЫНА ЭЛ АРАЛЫК УЮМДАР НААРАЗЫ

  Эл аралык укук коргоочу уюмдар - президент Ислам Каримовго ЮНЕСКОнун “Боробудур” алтын медалын ыйгарууну сындап, нааразычылык билдиришүүдө. Сыйылык өзбек президентине “улуттар аралык достукту жана кызматташууну чыңдап, маданий жана диний диалогду өнүктүрүүгө, маданий көп түрдүүлүккө” кошкон салымы үчүн берилген. Укук коргоочу уюмдар Каримовду адам укуктарын “орой бузуучу” деп узактан бери атап жүрүшөт. Алардын айтымында, ЮНЕСКОнун сыйлыгын өзбек лидерине ыйгаруусу чоң жыңылыштык жана Улуттар Уюмунун саясатына каршы келет.

• Сентябрь 13, 2006

  ДҮЙНӨДӨ 43 МИЛЛИОН БАЛА МЕКТЕП ЫРЫСКЫСЫНАН КУР КАЛГАН

  Бейөкмөттүк “Балдарды куткаруу” уюмунун маалымдашынча согуш жана куралдуу кагылышуулардан улам дүйнөдө 43 миллиондон ашуун бала мектепке барбайт. Аталган уюм 12-сентябрда кырктан көп өлкөдө “Келечекти кайра жазуу”өнөктүгүн баштады. Өнөктүктүн максаты уруштун кесепетинен окууга мүмкүнчүлүгү жок миллиондогон балдарды мектеп партасына кайра отургузуп, сапаттуу билим алуусуна көмөктөшүү.

• Сентябрь 11, 2006

  УШУ АПТАДА ИРАН ИЙГЕ КЕЛЕБИ?

  Ирандын ядролук маселелер боюнча баш сүйлөшүүчүсү Али Ларижани жекшемби күнү Евробримдиктин тышкы иштер комиссары Хавьер Солана менен Венеда кайрадан кездешти. Эки жак ишемби күнкү талкуу “жемиштүү” өткөнүн, келаткан аптада сүйлөшүү улантыла турганын билдиришти. Сүйлөшүүнүн максаты Тегерандын ядролук программасына каршы Улуттар Уюму колдонгону жаткан санкцияны болтурбоо.

• Сентябрь 07, 2006

  БУУ: МИГРАНТ АЯЛДАРДЫН УКУГУН КОРГООЧУ МЕЗГИЛ ЖЕТТИ

  Миллиондогон аялдар бөтөн элде мээрман эже же бала бакчу нянка болуп иштешет. Бир да эркек жасабаган жумуштарды аткарышып, жыл сайын үй-бүлөсүнө миллиондогон доллар жөнөтүшөт. Ошентип, аялдар жашоо жолоюн сапаттуу кармгоо жардамдашат. Аны өнүккөн өлкөлөрдө кадыресе көрүнүш катары кабыл алышат. Улуттар Уюмунун элди жайгаштыруу кору- ЮНФПА жаңы жарыялаган докладында, алдагыдай жалчы- аялдардын салымын таанып, алардын шартын жакшыртууга мезгил келгени белгиленет.

• Сентябрь 05, 2006

  ДҮЙНӨЛҮК БАНК : ГРУЗИЯДА ЭКОНОМИКАЛЫК РЕФОРМА ЫЛДАМ ЖҮРГҮЗҮЛҮҮДӨ

  Ишкерлик кылуу кайсы өлкөдө жеңил? Дүйнөлүк банк 175 өлкөдө өткөргөн изилдөөгө караганда, экс-советтик республикалардын ичинен-Балтика өлкөлөрүн кошпогондо-Грузияда жана Арменияда ишкерлик үчүн шарт жеңил. Дүйнөлүк банк ишкерликке уруксат алуу, кредит алуу, ишкердин укугун коргоо, салык төлөө, келишим түзүү, сыртка товар сатуу жана товар алып келүү сыяктуу 10 көрсөткүчтүн негизинде ушундай тыянакка келген.

• Сентябрь 04, 2006

  БЕСЛАНДАГЫ КЫЗЫЛ КЫРГЫНГА ЭКИ ЖЫЛ ТОЛДУ

  Кечээ Түндүк Осетиянын Беслан шаарындагы кызыл кыргындын эки жылдыгы белгиленди. 2004-жылдын 1-сентябрында куралчандардын тобу Беслан мектебинин миңден ашуун окуучусун мугалимдер жана ата-энелери менен кошо барымтага алышып, Чеченстандагы согушту токтотууну талап кылышкан. 3- сентябрда окуучуларды барымтадан бошотуу операциясы учурунда 330дан ашуун адам набыт болгон. Ошондой эле 30 чамалуу согушчан да жок кылынган.

• Август 31, 2006

  ЯПОН КАПИТАЛЫ КАЗАКСТАНДЫ ДҮЙНӨДӨГҮ ЭҢ ИРИ УРАН ӨНДҮРГҮЧКӨ АЙЛАНТАТ

  Казакстан жакынкы жылдары Японияга уран сатууну кескин көбөйтмөк болууда. Жыл башында “Казатомөнөркесип” компаниясы өлкө түштүгүндөгү уран кенини иштетүү боюнча япониялык эки чоң компания менен келишим түзгөн. Келишимге ылайык, Sumitomo жана Kansai электр компаниялары чү дегенден кенге 100 миллион доллар инвестиция салат. Япон тарап Казакстан менен уран өндүрүүдө кызматташууга өтө кызыкдар экенин премьер-министр Койзуми 28-августа Астанага болгон сапары учурунда ырастады.

• Август 28, 2006

  “ФОКС НЬЮС” ТЕЛЕКАНАЛЫНЫН ЖУРНАЛИСТТЕРИ АЛЛАНЫ ТААНЫП, БАРЫМТАДАН АМАН ЧЫГЫШТЫ

  Американын “Fox News” телканалынын эки жума мурда Газада уурдалган эки журналистти кечээ жекшемби күнү бошотулду. Стив Сентанни менен Олаф Виггди 14-августа мурда белгисиз “Ыйык жихаддын бригадасы” деген топ уурдап кеткен жана Кошмо Штаттардан мусулман туткундарды абактан бошотууну талап кылган. Журналисттер исламды мажбур кабыл алып, АКШнын тышкы саясатын сындаган билдирүү жасашкандан кийин койо берилген. Акыркы эки жылда палестин согушчандары отузга жакын чет элдикти уурдап, кийин тез эле эсен-соо бошотушкан. Бирок, алардын бири да “Фох Ньюстун” журналисттериндей узак кармалган эмес.

• Август 21, 2006

  ЖААТТАШТЫК СОГУШУ ШИИТ ЗЫЯРАТЧЫЛАРЫН АЯГАН ЖОК

  Кечээ жекшемби күнү миң-миңдеген шиит зыяратчылар Багдаддагы Имам Муса Кадиминин саганасына келип, сыйынып тооп кылышты. Ирак өкмөтүнүн өзгөчө астейдил коопсуздук чараларына карабай, имараттардын төбөсүнө жашынган снайперлердин огунан жана бомба чабуулдарынан кеминде 20 адам шейит кетти жана 300дөй зыяратчы жарадар болду.

• Август 17, 2006

  БРИТАН МУСУЛМАН ЖАШТАРЫ ЭМНЕ ҮЧҮН КАЗАВАТТЫ ТАНДАШАТ?

  Өткөн жумада Британиядан Кошмо Штаттарга учуучу 10 учакты жардырмак болду деп шектелген террорчу топтун кармалганы, айрыкча кутумдун негизги мүчөлөрү жергиликтүү мусулмандар экени британдарды катуу чочутту. Былтыр июлда Лондондо болгон жардырууларды да пакистандыктар жамаатынан чыккан британ жарандары уюштурган эле. Ушундан улам: Британияда туулуп, чоңойгон мусулмандардын ыйык казаваттын желдети болуусуна эмне түрткү болду? деген суроо коомчулукту кыжалатка салууда.

• Август 16, 2006

  ӨЗБЕКСТАН : АКШНЫН ТЕҢОРТОК ИШКАНАСЫНА КЫЛМЫШ ИШИ АЧЫЛДЫ

  11-августа Өзбекстандын Мурунтау алтын кенин иштеткен Зарафшан-Ньюмонт америкалык-өзбекстандык компанияга каршы кылмыш ишин ачылды. Ньюмант өлкөдө 1992-жылдан бери иштеп жаткан жана АКШ Өзбекстандын экономикасына салган түз инвестициянын бештен бири ага таандык. Июнда сот теңорток компанияны 48 миллион доллар салык төлөбөдү деп тапкан жана жакында анын мүлкүн камакка алынды. Ньюмонт- алтын кенге салган 94 миллион долларын кайтара алса, өз үлүшүн сатып кетүүнүн амалын издөөдө.

• Август 15, 2006

  ТҮРКМӨНСТАНДА УСТАЛАР, ШАХМАТЧЫЛАР ЖАНА УФОЛОГДОРГО ИШЕНИМ ЖОК

  Түркмөнстандын президенти Сапармурад Ниязов бейөкмөт уюмдарга ашыкча ишенбөөчүлүк менен мамиле кылат. Өлкөдө саясатка кызыкпаган уюмдарга да бийликтер көп ишене бербейт. Ишенимден чыгып, Адилет министрлиги каттабай койгон уюмдарга Улуттук шахмат комитети, Усталардын улуттук бирикмеси кирет, деп айтылат башкеңсеси Лондондо жайгашкан Тынчтыкты жана согушту чагылдыруу институту жарыялаган макалада.

• Август 11, 2006

  ТАЖИКСТАН УСТОЗ НУРИ МЕНЕН КОШТОШТУ

  Тажикстан 10-августта көрүнүктүү уулдарынын бири, Ислам кайра жаралуу партиясынын түптөөчүсү, таанымал диниятчы Саид Абдулло Нурини келбес сапарга узатты. Совет өкмөтү 1973-жылы Нурини диний адабиятты таркатканы үчүн абакка салат. Ал ислам жаштарынын тыйуу салынган “Назати ислом” коомун түзүүчүлөрдүн бири. Нури кыска мөөнөт “Минбари ислом” гезитин, 1992-97-жылдардагы жарандык согуш маалында Биргелешкен тажик оппозициясын жетектеген. Согуштан соң Улуттук элдешүү комиссиясына төрагалык кылган.

• Август 10, 2006

  БЕЛГИЛҮҮ ТАЖИК ДИНИЯТЧЫСЫ ЖАНА САЯСАТЧЫ САИД АБДУЛЛО НУРИ КӨЗ ЖУМДУ

  Тажикстан ислам кайра жаралуу партиясынын төрагасы Саид Абдулло Нури 9-августта узакка созулган ооруудан кийин о дүйнө кетти. Устаз Нури 1990-жылдары Тажикстанда таанымал саясый фигура болгон жана 5 жылга созулган жарандык согушту токтотууга чоң салым кошкон. Андан соң урушта жоолошкон тараптардын курама өкмөттү түзүүсүнө жардамдашкан.

• Август 09, 2006

  МАРСКА УЧКУҢУЗ КЕЛЕБИ? ТҮНДҮК УЮЛ КУБУЛДУ? ТОНИ БЛЕР – АРНОЛЬД ШВАРЦНЕГЕРГЕ ҮЛГҮ

  Марс планетасына учкуңуз келсе, ушу аптада Москвада башталган сынакка шашыңыз. Непада Түштүк уюлга саякатка жөнөп калсаңыз, видокамераңызды унутпаң. Британ өкмөтү жана атактуу артист Арнольд Шварцнеггер губернаторлук кылган АКШнын Калифорния штатты жер бетинде аба ырайынын жылуусуна каршы чогуу күрөшмөк болушту.

• Август 08, 2006

  ИРАН НОБЕЛЬ СЫЙЛЫГЫНЫН ЛАУРЕАТЫ БАШТАГАН ТОПТТУН ИШИНЕ ТЫЮУ САЛДЫ

  Иран бийликтери Нобелдин Тынчтык сыйлыгынын лауреаты Ширин Эбади жетектеген адам укугун коргоочулар борборунун ишмердүүлүгүнө тыюу салды. Ички иштер министрлиги 2-августтагы билдирүүсүндө борборго ырасимий уруксат берилбегендиктен, анын ишмердүүлүгү “мыйзамсыз” деп эскертилет. Эбади башындагы борбор түзүлгөндөн 4 жыл бери журналисттердин, саясый жана абийир туткундарынын укуктарын коргоп келген.

• Август 04, 2006

  ИРАКТА ЖАРАНДЫК СОГУШ ЧЫГЫП КЕТИШИ МҮМКҮН

  Ирактык шиитер менен суннилер ортосудагы согуш улана берсе, өлкөдө жарандык согуштун башталып кетүү коркунучу бар. Кошмо Штаттардын Жакынкы Чыгыштагы күчтөрүнүн командачысы Жон Абизайд мындай эскертүүнү 3-август күнү Сенаттын Аскерий тейлөөлөр комитетинде болгон талкууда жасады. Бир апта мурда британиялык дипломат Уильям Пейти да жарым жыл ичинде Ирактагы жаатташтык согушу басаңдабаса, өлкөдө жарандык согуш чыгып кетет деген кооптонуусун билдирген.

• Август 01, 2006

  АКШНЫН МАМКАТЧЫСЫНЫН БЕЙРУТКА КЕЛИШИН ЛИВАН КААЛАБАЙТ

  АКШнын Мамкатчысы Кондолиза Райс жекшемби күнгө Ливанга пландалган сапарын мажбур токтоткон соң, анын Жакынкы Чыгыштагы дипломаттык миссиясы туңгуюкка камалды сыяктанат. Райс мындай кадамга Ливандын премьер-министри Фауд Синиора менен сүйлөшкөндөн кийин барды. Синиора болсо Израил согушту токтотмоюн, Жакынкы Чыгыш кризисин жөндөө боюнча сүйлөшүү болбойт деп эскертти. Израилдин учактар жекшемби күнү таң эртең жасаган чабуулдан Ливандын түштүгүндөгү Кана кыштагына жакын жерде азы 56 адам набыт болгон. Авиачабуулду БУУ, Араб лигасы, Рим Папасы, Испания, Түркия, Кытай жана башка өлкөлөр айыпташты.

Дагы жүктөңүз